ديوان الشاعر نعيم عابد السيد ( القلب الدافئ )

اليوم جيتك وانا فايق=دخيلك الله وانت فوق
مادام هب الهوى رايق=تعال ناخذ نسم ونروق

شيهانة الابواء

قلبي غدا للحزن مرسى=ترسي جميع المآسي فيه
كيف اتصبر وكيف انسى=والهم لو غادره بيجيه

ابو بتال

مهما عليك الزمن يقسى=والحظ عاندك في تاليه
لابد ما للفرح شمسى=تشرق لياليك وتضويه

كل عرق فيّا يصيح صياح=يا ويلهم كيف يمديهم
الي نسوني مع الاجراح=راحو ودمي على يديهم

لا تحسبنك تروح بعيد=وانت مساكنك في قلبي
لو كان توصل الى مدريد=يجيبك الشوق في جنبي

يا ليتنا ما تقابلنا=ولا كان بعد الوداع .. وداع
غير النظر منك علقنا=والبسمه الي وراها اوجاع

بمناسبة العشر الأوآخر من شهر رمضان المبارك

باقيلنا ايام معدودات=هيا معي نجتهد فيها
نكسب رضى الله والجنات=والنفس تلقى امانيها

سلام باسم المحبه سار=يعنيك بالطيب يا اهله
اعداد ما هلت الامطار=والسيل يجري على اصله

حرب

ترحيب ما سطر الشعار=اهل المثل من قبل مثله
والهاشمي راسم الاشعار=من ينكر حروفه الجزله

ابو بتال

يا حرب لا تبدي المعذار=مخبور فيك الوفى وصله
والحين بعد اللحن ما دار=كيف امنع القلب من قتله

حرب

الله يسلمك يا البيطار=والطيب راعيه يحسبله
لكنه الادمي لحتار=قال المثل .. ينقذه عقله

ابو بتال

يامن لكم عرف فالاخبار=ولك حرف راقي ونشهدله
عقل الفتى ما عليه غبار=ورالك الدرب .. مهدله

حرب

يا اللي لكم بالبنان يشار=اليا توجهت للقبله
ارفع يدينك ترى الجبار=اجابته للدعا عجله

طبعي مزوحي واحب المزَح=ولي حد فالمزَح ما تعداه
المزَح لو زاد عقب جرَح=والشي بقياس ! يا محلاه

ارسل مراسيل لا احلى ود=يا طير وصل مراسيلي
الشوق فيها نطق بالجد=من بعد طاحت معاويلي

ياليتها كفت النظره=ولاكان ذاك النظر ليّه
قفيت والقلب بالحسره=مالي رجا فيك يا بنيّه