سبحان منهو بدل الحال بالحال

الله ولا هول العقل والتهاويل = جانا زمانٍ يضرب العقل بهبال
شفت العجايب فالزمن سبت الجيل = سبحان منهو بدل الحال بالحال
يالي تنقز في زحول الرياجيل = وتقول رجالٍ ولا انته برجال
وين الرجاله عنك ياباردالحيل = بدري عليك البشت وشماغ وعقال
دامك من الي يلبسون البناطيل = وتحط مكياجن وشوشه وسلسال
والله لو تزعل علومك مهازيل = حتى البناخي يستحي يقول لك خال
وينك ووين الدين ظللت تظليل = تتبع هوى نفسن على جرف ميال
الغرب يغزينا معاهم سرائيل = إمحاربين الدين في كل الاحوال
وانته وراهم تنجرف جرفت السيل = ماعاد به غيره ولو ثقل مثقال
غير طبوعك فاليال المقابيل = واسمع كلامي زين والنصح ينقال
اخذ الكلام وحلل العلم تحليل = قدام لا تندم على علمن إنقال
الله يعدل ميلة الوقت تعديل = اخذ النصيحه وسدها مانبي ريال

الله يهدي الجميع

صح السانك لاهنت

على الجزالة

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح السانك
والله يزينها

,
,
,
صح لسانك وسلم بنانك
قصيدة وافيه من وافي
بيض الله وجهك يالذيب
اتمنى لك التوفيق
اخيك ابو فياض النويمي

الكحيله
اللهم امين وصح الله بدنك

رابح الجحدلي
صح الله بدنك وشاكر مرورك

عويض بادي
صح بدنك

ابو فياض النويمي
صح الله بدنك ياغالي
ووجهك ابيض ياراع الوفاء
سعت بمرورك الغالي

الله يهدي الجميع
صح لسانك اخوي فهد
قصيده رائعه
دمت بهذا التميز
احترااامي