ديوان الشاعر المختلف

المختلف=
سلام فيه الوفا ضافي = للي في علم الوفا وافين
جيت اتذوق عسل صافي = في ملتقى العز والتمكين
وليف الطير=
يامرحبا والسعد لافي = حياك ربي فنون العين
انت عسل والعسل شافي=ياللي عزفت اللحن تلحين
سالم البشري=
ترحيب وافي فميقافي=تقدير تثمين للافين
ضافي للاعيان ينشافي=فالملتقى اهلين بالغالين
فريج أبومديده الجدعاني=
ترحيب طيب و متعافي = للي في درب الوفا ماشين
جيتم على منهج اسلافي = و منزالكم في حجاج العين

اسمه يصحيه من نومه
(

)

(

)

)

كل ماغفى للمعنّى طرف = وارتاح جسمه فمرقاده
عليْه يطري من اسمك حرف = ويرجع كما كان فسهاده

تحيتي للجميع

المختلف=
بسألك من واقع الخبره = وقبله سلامي لكم زافات
هل يحصل الحب من نظره ؟ = ولاّ المحبه بعد نظرات ؟
أسير الغرام=
سؤال عشرة على عشرة=يا مرحبا وابرك الساعات
الحب ما تشمله كسرة=بالشرح وتحدده أبيات
لكن تدري ؟ على فكرة=أبختصر مجمل الجابات
فالحب ما للملا دبرة=يأتي كذا.. أو كذا مرات
ويقال : يحصل بلا كثرة = بالسمع قبل النظر حزات
وان خالط الهمس للشفرة=من النظر للقلوب آهات

المختلف=
ظلّى الهوى يستميل قلوب = كانت عن الود في عنايه
حتى جذبها معه باسلوب = ساحر وجذاب للغايه
أسير الغرام=
القلب يا مضعفه مغلوب=ضد الهوى ما له وقاية
إن كان عند الهوى مطلوب=سلاح طرفه له كفاية

محتار في امــــرك
)
(
)
(
)
(
)
(

أشعر حديث السفر راقك = وعلى عجل تجمع الاوراق
مدري كذا تعلن فراقك ؟= ولاّ الهدف تلهب الاشواق ؟

مع فائق التحية للجميع

نفسي عزيزه

(
)
(
)
(

ماكل موقف يوافقها = نفسي لها فالمعالي سبوح
واذا بدا مايضايقها = ماارضى عليها اسى وشحوح

ازكى وارق التحايا للجميع

كلّي لك

(
)
(
)
(
)
(
)

أقولها لك واحماها = القلب ملكك ويهنالك
ومن قبله الروح برضاها = فدوى عيونك وتبقالك

تحاياي العطره للجميع

نصيحـــــــــــــــــــــــــــــــــــــــــــــه

)
(
)
(
)
(
)
(

لاتشري الشين لو يشريك = ولا ترغب فيوم مجلاسه
راع الأدب بالأدب يثريك = خَلّك نديمه وجَلاّسُه

تحيتي العطره للجميع

مجــــــــــــــــــــــاز احبتي الغالين
المعذره استروا ماواجهتوا الله يحفظكم 00

(
)
(
)
(
)

لجلي عليْه السفر صامل = وحتى عليْ لا احد يشره
عندي اجازه شهر كامل = تاريخها يبتدي بكره

تحيتي للجميع

المختلف=
أشرف على المنظر الفتان = الليل والنيل والقمرا
وعلى ضفاف النهر غزلان = مرباعها قلوبنا الخضرا
سالم البشري=
وصّفت يالمختلف باتقان=المنظر اللي علي اطرا
ومادام جنبك غصين البان=بلغ سلام الذي يقرا