ديوان الغاز ابوهليل

ياسعد يابن المحاميد الكرام=بنشدك والغز للحاضر عموم
وش فتاتن مالها شرب وطعام=تقطع الديره مع القلب العزوم
شايله رجالها تحت السنام=ومشيها فوق الوطا شبه معدوم
هات حله ياسعد واخذ الوسام =طير فوق الصدر لاكن مايحوم

بنتن عليها يوصفن الغنادير=راع الخطا منها يذوق المراره
تنفع ونفع البنت يطلع مناعير=مثل الوضوء عقب النجاسه طهاره

انشدك عن رجال وقت المخاطر =ينطح وجيه القوم سدٍ منيعي
فوق البكار الحيل والا الفواطر=هذا محله دام وضعه طبيعي
سميه سيفٍ مرهف الحد شاطر=دار الزمان وصار وضعه شنيعي

وش فتاتن لاطلبها المحترم =بالصباح تصير وباليل معصي
غصب مافيها على المعطي كرم=عند الادنى تنعرف هو والقصي

ويش رجلٍ مسكنه وسط الشمال =معتلي راسه على روس العرب
به يسمى رجل لاجاله مجال=رافق العشاق في وقت الطرب

انشدك عن شمسٍ ولاهي كما الشمس=في حضنها بدر الدجا ودع الكون
شمسٍ مدى التاريخ ماتقبل الطمس =رمز الشرف لاجيال واجيال يقرون

poem=font=",6,white,bold,italic" bkcolor="darkred" bkimage="" border="none,4," type=0 line=0 align=center use=ex num="0,black""]
انشدك عن رجال من عصر الاجداد =ويصير عذرى كان راسك عنيدي
اسمه موثق بين نازل وشداد=لادنى العرب معروف والي بعيدي
تذكر القاطع بموثوق الاوتاد=حلياه لادققت لاكن يزيدي
ياخذ نضر عينك ليا حل ميعاد=رجلن دخل بحماه نادر فريدي
فيه الحياه تصير لاكنه جماد=باسمه تسمى كل رجلٍ شديدي[/poem]

انشدك ماعذرى لياجت زايره=الدار لامن جات صكت بابها
بنتٍ على المخلوق دايم جايره=من لا عرفها جاهلن باسبابها
سميها عذرى تجي فالعايره=وقت النهار تصير ياطلابها

السلام عليكم ورحمة الله وبركاته
استلمو هالغز واتمنى ان يحوز على رضاكم

انشدك عن رجال من عصر الاجداد =ويصير عذرى كان راسك عنيدي
اسمه موثق بين نازل وشداد=لادنى العرب معروف والي بعيدي
تذكر القاطع بموثوق الاوتاد=حلياه لادققت لاكن يزيدي
ياخذ نضر عينك ليا حل ميعاد=رجلن دخل بحماه نادر فريدي
فيه الحياه تصير لاكنه جماد=باسمه تسمى كل رجلٍ شديدي

ويش بنتن ياجماعه تنعرف وقت الزياره=من تزوره في محله لازمن بابه تسده
باب لامنه تقفل يختلف ساس العماره= لو تغادر ماتفارق للمعزب فيه رده