ديوان الشاعر حمدان الوافي المحمدي ( عاشق الاصاله )

طالبك لاتردني تكفى ==من مبسمك قوم وسقيني
مايفيدنى علاج مستشفى== مافيه غيرك يداويني

راحت ليالـي المحنيـه==وقلوب اهل الهواء حرقت
نحلم والاحـلام منسيـه== وثيابنا من البكى غرقـت

حوثي وذنبك على جنبـك=خبيـث يامبيـت النـيـه
غروك يوم وقفو ا صفـك=مالمـوااشـلاك مرمـيـه
صعيب ويصعب على مثلك=تاطئ علـى دار محميـه
لو مـت ماتدفـن بقبـرك=جثتك على الارض مشويه
خبيث والساس من جـدك=ملعـون يامدبـر السيـه
يادر بنموت مـن اجلـك=انموت و تحي السعوديـه

اجامـل النـاس لكنـي=وسط الحشا نار مشتعله
لاجـاء منـه ولامنـي=ا سبابنا كلها من اهلـه
جاهل حلو صغير السني=ريقه عسل مصدره نحله
صوته نغم حيل يطربني=ممشاه دايم على مهلـه

الورد انت الذي تهدي = من قاله الورد يهدالك
من شافكم ماعتقد يهدي = مانته بشر لايتهيئألك

وين الذي كان يطربنـا=ويرسل علينا عبير الورد
خـلاص قفـوا احبتنـا =ليه الهجر والجفا والصد

ماجيتني ليـه وش خـلاك=يـوم المخاليـق زارتنـي
مايغفل القلب عن طريـاك=شوف فرقتك كيف سوت بي

ورد البساتين بغصونـه=لاجيتله ينحنيلك شـوق
الورد لجلك يغرسونـه=انت مليك الحسن والذوق

كلك حلى والحلى ينسـاب=ياويل قلبي مـن عيونـك
مره رأيتك وراسي شـاب=ياكيف أنا أعيش من دونك
حطوا كفن لي فالـدولاب=إن مت ربعـي بيلفونـك
كل شيء قدره وله اسباب=وإن عشت سجلني مجنونك

انتي رحلتي وهجرتينـي=وأمسيت ثوب الحزن لابس
النـاس جتنـي تواسينـي=عنها دموع الاساء حابس