( بعد رحيل حسني مبارك ) مطلوب الرد من الجميع مع التحيّه

/
/
/
/
/
/
/
/
/
/
/
/
/
/
/
/

سبحان من بامره تهل المخيله =اللي كشف للطير عن وضع بلقيس
من يمنعه من عطوته ماعطيله=وكانه قنط من رحمته زاد تنكيس
واللي كتب له خير لازم يجيله=مايمنعه حاسد ولا يقدر ابليس
الحال يبدلها بيوم ٍ وليله=اقرب مثل فيه الغني جاه تفليس
بارض الكنانه فيه قصه مهيله=منها حكيم الراي يضرب هواجيس
ريّس حكمها من سنين ٍ طويله=يخلع كما اللي يفطمونه عن الديس
من ثورةٍ دامت ليالي قليله=في ساحة ٍ تجمع مطوّع وقسّيس
ازرا يشتتهم بشدّه وحيله=واللي يحير العقل ياهل النواميس
يعلن صموده ثم يعلن رحيله=ياهل ترى وش صار خلف الكواليس

الشاعر / خالد بن عبيد بن معتوق ألأحمدي

السلام عليكم ورحمة الله وبركاته
سلمت ودمت أخوي الشاعر صقر المراقيب على القصيدة .
.
.
جزله ورائعه وصح لسانك
أخوك ابوساره

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك ملياررررررررر

ياصقر المراقيب

قصيده جزله من شاعر جزل

ولي عوده ان شاء الله

صقر المراقيب

صح لسانك وبيض الله وجهك ولاعدمنا تواجدك ورقي ذائقتك
وأسمح لي ان اجاريك ولك كامل المودة والاحترام

حييت ياراع البيوت الجميله=اللي تقيس الرأي من قبل ما قيس
الله كريمن والاوادم بخيله=الله يدبرها على حسن تسييس
من ضيع الثنتين وا عزتيله=الدين..والدنيا جمع المتاعيس
الشعب لا منه تنهض بحيله=مايردعه عسكر وعنف ومتاريس
أعصار ريح كل شىءٍ يزيله=مهب صلف بروؤس حمر الطعاميس
السيل جارف لا تحدر مسيله=أثقل قواعدهم مثل القراطيس
ماتفع الحاكم صحافه عميله=ولاينفع الحاكم كثر الجواسيس
حسني مع عياله برفقة حليله=غادر بلاد النيل وبلاد عتريس
مصر على فراقه تهل الجديله=ترقص فرح فيها مشاعر وأحاسيس

صح الله لسانك
ولاهنت
وسلم فكرك وبنانك
دمت برعاية الله وحفظة

الحميدي ابو ساره
صح بدنك واشكرك على مرورك