يا فايز محيسن ترى الطير لاهد // ردي على قصيدة الشاعر القدير بن مريع

السلام عليكم ورحمة الله وبركاته

/

/

هذي ردي على القصيده المرسله من الشاعر القدير / بن مريع الحربي
واتمنا ان تنال رضاكم


/

قال بن مريع

القصيدة بدع من الشاعر / ابن مريع=
يافايز محيسن ترى الطير لا هـد = عن هدتة ينبيك ريـش الحبـارى
ما ينعرف لة مزح دايم على الجد = وليا طلبتة ليـل جـاك النهـارى
من سرعتة لا فز يبـرق ويرعـد = كنّة عن الانظـار قـام يتـوارى
واليا نوى الصيدة ترحم على الضد = تصبح كبار القوم بعـدة صغـارا
جتنا طروش ٍ جابها الجزر والمد = من بعد ذاك الموج جاة انكسـارا
يعطيك بيتين ٍ ولا يعـرف الـرد = وليا استشرتة ما عطاك استشـارا
يبغى يتسلطـن ويتمكـن وينعـد = حتى تصفق لة كفـوف العـذارى
كل ما بنى بيتة على راسة انهـد = ما يدرى ان الساس اصل الجدارا
وانتةرجل من حرب ومعرب الجد = الراس عالى والعرب بـك تمـارا
تشهد لك الايام والوقـت يشهـد = انك جويد الساس نمـر النمـارا
كسرت رجلٍ حاولت تقرب الحـد = وخليتهـا يـم المغيـب تبـارى
وافهم كلامي عينهـم يمـي تلـد = وتقدح من عيون الشعر لي شرارا
خليتها تمشـي وتاقـف وترتـد = وذوقتها من لاهب الشعـر نـارا
الرد / من فايز المحيسن =
يابن مريع مرحبابك ونسعد = في شوفتك ياحر ندفع بشارا
لك منزلً عالي ولا يصله حد = فالمركز الاول وصاحب صدارا
ماهي غريبه دام من حرب تنعد = شيخً ولد شيخً وساس الامارا
صيتك وصل والفعل لصيت وكد = مطنوخ راسً مشتهر بالنعارا
صيدك جزيل الصيد دايم تركد = اليا نويت يم الحباري بغارا
لإم الشحم تدمي وتارد على عد = عدً رهاوي منعرفله قرارا
الشعر له مغنى ومبنى ومقصد = ولآ على ماقيل شعره خسارا
ركابت البابور بياحت السد = فالحوض ماتركب في جوف الغمارا
مادام ياصاحب عن دارنا شد = مانبش المقبور جوف المغارا
خله على ماقيل يبعد ونبعد = فرقاه تحسب راس مال وتجارا
ان كان ولآ علمهم جدله جد = ابشر بوقفه تذهله بنبهارا
مايهمكم لو كان سيله تهبد = في بحرنا سيله ماله من اثارا
خذ الوعد مني وغصبً بيركد = يامركز الشيخه وساس الامارا

صحت السنتكم
والله يـعـطـيـكم الـعـافيـــــــــــة

بيض الله وجيهكم

الشاعر فايز المحيسن
صح لسانك وصح لسان
الشاعر بن مريع وبيض الله وجيهكم الجميع
تحياتي وتقديري

صحــت السنتكــم
دمتم برعاية الله وحفظة

مليون صح السانك يافايز

ومليون صح السان ابن مريع


صوت وصدى ولااروع


صحت الالسن ولاعدمناكم



تحيتي وتقديري

	المشاركة الأصلية كتبت بواسطة رابح الجحدلي

	صحت السنتكم والله يـعـطـيـكم الـعـافيـــــــــــة بيض الله وجيهكم

صح بدنك

وشكرا على المرور الرائع اللي اثلج صدري

صحت السنتكم
..
..
أسجل اعجابي
..
ويعطيكم العافيه
..
..

صحت الالسن ولاعدمناكم



تحيتي وتقديري

صحت السنتكم يالشعار

لاهنتم ولاهان هذا الحضور

تقبلو تحيتي

صحت السنتكم وابداعكم الرائع
كلام جميل من الشاعرين
الله يعطيكم العافيه
/
\