ديوان الشاعر (راشد الزهراني) المحيط

العيون السود=
ياليت ذاك الزمان يعود = ويعود عهده وتذكاره
واشوف ذيك العيون السود = اللي بها الود واسراره

برق السحاب الجنوبي=
برق السحاب الجنوبي ناض = وامطر على ديرة احبابي
دار بها للحبيب رياض = ودايم لها الشوق ينحابي

هوى الباحه=
هذه الكسره عن الباحه مشتركه مع الشاعر القدير هاشم الغامدى=
اشتاق لك ياهوى الباحه = واشتاق للورد والريحان
اللى بها الروح مرتاحه = ولحباب قلبي بها مسكان
بـروق ورعـود وسياحـه = وشمس الضحا عانق الهتان
بلابـل الخيـف صـداحـه = تشدو لنا بأجمـل الألحـان
ضبابهـا يجلـب الراحـه = ويداعب العاشـق الولهـان
يـداوي القلـب وجراحـه = ويبري السقيم الذي مرضان

اشتاق لك =
اشتاق لك في هجير وبرد = دايم وانا تحن لك روحي
ياحبيبي ياشبيه الورد = ياعذب يابلسم جروحي

اخاف=
اخـاف لابـوح لـه ودي = واخـفي شـعوري عنـه بالـذات
خـايـف منـه لـوعـرف ســدي = يـبـعـد وتكثـرمـعي آهـات

نسمة هوى=
نسمة هوى غايبه هبت = كنت احسب القلب ناسيها
حزنت عيوني معي صبت = دمع الجفا من مأقيها

سحر العيون=
سحر العيون النواعس صاب = مركز احاسيس عشاقه
ياصحاب من نظرته ماخاب = قلبي تحت رحمة اشواقه

كفي بكفه=
كفي بكفه تحت غيمه = نمشي تحت وبلها عشاق
يضوي قمر وجهه بديمه = لا شع برق السحاب وراق

قطرة ندى =
قطرة ندى نرجسي سالت = على ورود الخدود احزان
حتى غصون الهوى مالت = تشكى من الشوق والاشجان

لي قلب=
لي قلب يااهل المشاعر ذاب = بين النواعس وضل رموش
عايش تحت فيهاحراب = ممنوع من لمسها والنوش