الحب كوكب نجومه

الشعر له معنى وله فن ووزان=الشعر له ثوب ٍ وضافي كمومه
أقولها صادق ولاني بغلطان=الشعر مثل البرق لاح بغيومه
لاوالله إلا الشعر حاكم وسلطان=وأكبر دليل ٍ يحكمك وسط قومه
يحكم على الرجال من دون بهتان=لن الرجل يحكي علم من علومه
واعطاه حقه وافي ٍ دون نقصان=والمشكله ماخذ حقوقه يلومه
يسمع كلام أفلان وافلان وأفلان=والكل منهم ماتقدي عزومه
لن الشعر طيب وبه طيب جدان=يسكت على الغلطان ويكتم همومه
ياهل العقل ماني محشش وسكران=الشعر ماحدن غيره عن سلومه
ياكيف دنيانا تفرق الاخوان=والشعر وهو الشعر ماكب تومه
الله وأكبر نعرف الشعر قيفان=ونمشي على نهجه ولابه ظلومه
وبعض العرب يمشي مع العود خجلان=لنه غدى شاعر ونفسه شاومه
اللي بقوله ياعرب حيل ندمان=الطيب صاير سلعة ٍ ومعدومه
ياليت كل أنسان مايطعن أنسان=من شان يبقى الطيب لابس هدومه
وياليت كل إنسان يضحك على شان=من أقول به ناس ٍ بكت ومحرومه
وياليت مابه فالزمن شخص فقران=من شان مايغصب شرف في لزومه
وياليت حب الناس مافيه خوان=من شان يبقى الحب كوكب نجومه
وارجع وأقول الشعر معنى وقيفان=والشعر ماحدن غيره عن سلومه

ياليت كل أنسـان مايطعـن أنسـان

ياليت والله
لكي تدوم المحبه والإخا والفة القلوب
لك تحياتي
يالجابري
والله يعافيك

الشاعر احمد سليمان الجابري
صح لسانك الشعر ديوان العرب من قديم
وكان يستخدم كرسائل بين الناس ويسهل حفظه لكن اليوم تعرضه من يجيده
ومن غير ذلك

لاهنت وصح السانك

تقبل التقدير والاحترام

وفقك الله

صح السانك ودام ابداعك

والله يـعـطـيـكم الـعـافيـــــــــــة

بيض الله وجيهكم

صح لسانك
..
..
أسجل اعجابي بالقصيدة
..
ويعطيك العافيه
..

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

الشاعر احمد سليمان الجابري
صح لسانك على هذه الشامخة
من راس شامخ

ياليت كل أنسـان مايطعـن أنسـان

ياليت والله

صح السانك