ديوان الشاعر(بخيتان البشري)

بعد القدر فيه بي لمي=لمد طيبي منحته صك
وصد وجفا للاسف يمي=فتح لها باب ماينصك

صحيح ما فالبشر كملة = انواع واشكال ملتمة
مثل البضاعة لها جملة =وعُمر السهل ما علا القمة

جديد مابه جديد يفيد=في قلب عايش مع آهاته
كل ماتجد السنين تعيد=وتزيد سقمه ولوعاته

سالم البشري=
سلام نبغى لحن فوري = إن كان ياصاحبي مسموح
لأجل انت شاعر ومشهوري= خل المعاني تجي وتروح
بخيتان البشري =
يامرحبا بكامل حضوري = انا معك خاطري مشروح
لابان منك المثل شوري = يأتيك حسب الذي مطروح
سالم البشري=
تبقى ولاخاب منظوري = فأهل الوفا قدرهم مايروح
أبشتكيلك عنا جوري = اللي ملخبط كيان لروح
بخيتان البشري=
تسلم ولآني بمعذوري = درب الوفا بيننا مفسوح
ومن حالك اصبحت مذعوري = عجّل وعن ماطرابك بوح
سالم البشري=
بعد اتضح صادق شعوري = واصبح لغاية هواي طموح
أخرجني اليوم عن طوري = اللي ملك فالفؤاد صروح
بخيتان البشري=
درب الهوى صعب مخطوري =متقلب الجو برده فوح
واللي بيمشيه مجبوري = ماله في غير الصبر مصلوح

يامن غسل بالدموع هموم = ونشر على الخد ما غسّل
اصبر ولابد يأتي يوم = وتهون بس كيف لا تسأل

سالم ابو صليب=
سلام جيتك من الساحل = يابو البخت زبط البراد
بعد اقعد الراس بالحاصل =باخبرك والعلوم جداد
بخيتان =
بناظر الباب واقابل = انا وشوقي معي يزداد
يامرحبا ليلي الحافل= اكيد يرقى معك ياستاد
سالم ابو صليب=
وافي بطيب النبا واصل = عارفك فاللازمه سداد
لي قلب من كثر ماجامل = اليوم يشكي عنا واجهاد
بخيتان =
متلام وابشر0وبتعامل= بأسلوب في مشتكى الرواد
قلي مع القلب وش عامل= خلاه يخرج عن المعتاد
سالم ابو صليب=
ودي آسى طيب ومناحل = والوقت زاد العنا مافاد
أكبر ألم تنحسب غافل = كأن ماتفقه الاعداد
بخيتان =
قلبك وفي 0 بطيب يتساهل = مهما العنا كل جوّه ساد
لكن لجل ايش متحامل = عليه مع من جهلهم زاد
سالم ابو صليب=
رغم الالم داخله صامل = معاه عقلي عنه ماحاد
بس البلا فالذي يامل = إنّي أجيله على ماراد
بخيتان =
ياسالم اللي مايستاهل = ولاحسب وقفة الاجواد
مايل ولايعتدل مايل = قالوه قدامنا الاجداد
حتى ولو فيه بتحاول = لارمدّ الجمر مااجوّد زاد
لو بيتأمل ماهو طايل = مهما يزيد العناد عناد

كاس الخليج ((20))

بخيتان البشري=
يابن علي ياوليد الفن = بأجمل هدف احتضنت الكاس
ماقصروا نجومنا لكن = مابه قدم للهدف حساس
حفيد الحجيري=
تسديدته قبل مـا تسكـن=مرمى وطنّا شديد البـاس
أصابت القلب في مكمـن=في مكمن النبض والاحساس
بخيتان البشري=
قلنا بهم نحصده يمكـن=ولايمكن المستوى مقياس
زمان كنا الذهب نحضن=بوجود جلاد للحـراس
حفيد الحجيري=
ذكرتنا اللاعب الكبتن=اللي تساوي قدمه ألماس
عليه الأمجـاد يتكئـن=ياما حسمها بضربة راس

وليف الشوق =
سلام باالخمس لك يصفح=يااللي على الطيب توفينا
وانكان وقتك لنا يسمـح=ساعه من الوقت تعطينا
بخيتان=
ترحيب الاوزان به ترجح=ياللي له الـود يحوينـا
الليل عن مابكم افصـح=كل وقتنـا لـك ياخينـا
وليف الشوق =
كل ماظوى ليلنا للصبح=النـوم معـاد يهنينـا
من هاجسن فالفكر يسبح=كل ماهـدا زاد يعنينـا
بخيتان=
طول الكرى والعنا يذبح = لاصار به فكر مشقينا
لكن عن مابكم وضح= الامر لازال خافينا
وليف الشوق =
اللي طوى خاطري وافلح=معـاه تاهـت خطاوينـا
لاجيت بافرح معه يجرح=وعلقم من المر يسقينـا
بخيتان=
هذا الهوى نوب به نفرح = وأحيان نشكي مآسينا
مهما له حروفنا تشرح = يبعد بنا عن شواطينا
غير الصبر حل ماينجح = وعيش الامل والله يعينا
والا تجنبّ ولاتطمح = في ودّ من هم مقفينا

بخيتان البشري =
سلام مرسول مني لك = ياهمس والاوله فالك
ياحر والطيب ساس اصلك= إن جيت لاخوك او جالك
همس القوافي =
ترحيب طاب الصفا لاجلك=منيت صاحبك بوصالك
والآن قلي على مهلك = ايش الذي يدور في بالك
بخيتان البشري =
يبقى الوفا محتوي مثلك = عالي بقدرك ومنزالك
ايش الذي يصدره عدلك= فاللي سمع هرج عزالك
همس القوافي=
عدلي وقولـي يوصلـك=حسب الذي بان في سألك
بشرواه لاينشغل عقلـك=ولاتحسبه يوم من مالك

من يعلم إن الدواء دائي=لمعالجـي واتداوابـه
لو الخبر ياصل اعدائي=ماصدقو من لهم جابه