ديوان الشاعر(بخيتان البشري)

اعمق جروح الهوى والود =ماتنخفي لو بتخفيها
فيها مودّك خصيم وند =ينبش تحسبه يداويها
تبقى تجدد معك وتجد =ومودته صعب تنهيها
لجله على القلب صار اوحد=وبفراقه الروح تنعيها

==







==








==






==

جددت بي المواجع ليه = وذكرتني قاسي ايامي
اللي بها ذاق ما يكفيه = قلبي من اوجاع والآمي

بعد الفرح مالقي مطرح = في قلب شارف على ياسه
هب النسيم الذي يشرح = صدر الذي ضاقت أنفاسه

خذني بقايا ألم وجروح = خذني معك لين تبريني
اما تعودّ علي الروح = والا بالاكفان تطويني

بخيتان البشري =
لك ذكر بالخير يكفينا = والطيب لو كان ماشفناك
سلام 0وأسمى معانينا = بحروف فيها الوفا تنصاك
علي حاسن=
حياالله من كـان ناصينـا=اهلاً هلا مرحبـا حيـاك
لاوقـف اليخـت بالمينـا=من طيبكم ناض عود الراك
بخيتان البشري =
تبقى 0 وهذي هقاوينا = واسمع علومي بعد ماتاك
بعد التقت في مراسينا = مراكب الجزل مع شرواك
علي حاسن=
اللي عطاكم بيعطينا=معنى يعانق سماء معناك
لو نلتقي في مرامينا=ينساني الله لو بنساك
بخيتان البشري =
لو جات طُرقة تودينا = بك نلتقي في ربوع حماك
ولآن إسمع لما فينا= عسى في دائي يفيد دواك
علي حاسن=
ان كان ياصاح توحينا=اللي يجيبك لنا وداك
واللي يجينا يعنينا=طيب وغلا والفدائي دااااك
بخيتان البشري=
في جروحنا من يواسينا = اللي بهم عايشين عراك
تسببوا في مآسينا = بهم العنا من هنا لهناك
علي حاسن=
غربـة مشـاعـر امانيـنـا=تصرخ الم من لضى شكوااااك
اغـراب واحنـا باراضينـا=ياللي على الطيبـه مربـاك
بخيتان البشري=
يامن بأصلك مماشينا = يعيش منهو بها سماك
متى نُصلها شواطينا =والموج يضرب بعكس اجهاك
علي حاسن=
تحررت يالخـوي سينـا=من عقب ماهي بيد اهداااك
والله لـومـا تواطيـنـا=لـذل ماصابنـا ماجـاك

بخيتان البشري=
سلام من عالي القمه = بأعذب معاني نقشت حروف
تنصاك ياعالي الهمه = ياللي بطيب الوفى موصوف
من بعدها العلم باتمه = ياستاذ وافتح لك المظروف
فتحت باب الوفا يمه = والطيب والودّ والمعروف
وخمسة مداخل جلت همه = حب 0 ووّله 0مع غلا مصروف
وغرام 0 والشوق 0 بي لمه = وبعدها يشتكي من خوف
ان جيت بقول ماهمه = لا اقفى ولا هو عليّ ايروف
بالله حكمك ولي سمه = واحكم على ماترى وتشوف
عبد العزيز الزويهري=
ترحيبنا معتلي نجمه = و على مدار المعاني يطوف
ياصلك يا راعي الذمه = ياللي بطيب النبا معروف
و ما دام بتلت لي علمه = ما احيد عن ماقفي المألوف
حتى أصدّر لك بحُكّمه = و الحُكم حسب العقل والشوف
ما يختلف راعي اللزمه = باللين راعي الوفا مخلوف
و خوفه على النهج في رسمه = يعطيك عكس الذي مكشوف
دوّر على السر في الازمه = و تلقى في عمق الظروف ظروف
أهل الهوى بينهم رحمه = من دونها ودّهم موقوف

الحجيري=
القلب يحتاج لـه اِنعـاش=حتى تعـوّد حياتـه فيـه
واِن كان مابه أمل لو عاش=يحتاجلـه قاضيـه تنهيـه
بخيتان=
لايكون ذاك المرض به خاش=واللي يزوره 0 معه يعديه ؟
إذا أُذينـه بهـا رعــاش=تـرى بطينـه يبـى ينعيـه
الحجيري=
ما نشتكي من هوى جياش =الود لا عاد لي تطريه
الصوره اللي بليا فلاش=بروازها كل معنى فيه
بخيتان=
القلب يمكن عياره طاش=لو كان له ود ماتعطيه
لازم تراجع به النقّاش= ينقش عيونه قبل تعميه
الحجيري=
القلب مابه رباطة جاش=ما عاد يقوى اللذي ياتيه
راجعتبه بس قالوا ماش=من بعد ما شاب وش ترجيه
بخيتان=
اللي بلا جاش لو ينحاش = يصعب تلاقي دواء يبريه
يمسي معبأ ويصبح فاش = من نزف صمامه يغذيه
لاصار تعطيه علمك كاش = وهو اتصنت وفاتح فيه
يُترك مكانه ولايناش = إلا اذا شاش به تطويه

العطيب=
سلام عددهبـوب ألنـود=وعداد ما رشت ألأمطـار
يا أسد في غابت الاؤسود=إلى زأر يخضعن اخيـار
مثلك يقود المعاني قـود=يامهندس الحرف يا بيطار
سوأل وأبي ألأجابه قـود=تشفي فؤاد اللذي محتـار
بخيتان البشري=
ترحيب ماله عدد معـدود=ينصاك بالفـل والازهـار
قدرك على روسنا موجود=ياعالي القـدر والمقـدار
جتني حروف المعاني وفود=يالشاعر الماهر الهـودار
ببذل لك الجهد والمجهـود=لااوفيتني بنشـرة الاخبـار
العطيب=
فيك البقى ياعَلم مشهـود=راسي على الطيب ياسنجار
عجبْت من هالزمان بـزود=كيف انتدارا به الاخطـار؟
شفت الجخاخه تباري ذود!=ترغي تناطح جمل هدار!!
ماظن يبقى لهـا وجـود=لولا حماة الوطن والـدار
بخيتان البشري=
تسلم ومثلك عريب جدود = له فالموافى اسم واشعار
دنيا البنادم قسى وزهود = في وقت صار اليمين يسار
قصر المعزه بكم مشدود = وبصحابها ترجح الافكار
فيه الصفا غاية المنشود = وأهل المروات ماتحتار

من لا عرف باب مدخاله = مايلتقي درب مخراجه
فالعمر تقصُر به حباله = وعلاجه يزيد في حراجه

هذي عوايدك ياعُمري= والطرف يحكي عن اللي شاف
للقلب مررتها كبري = وسجلت من أجمل الاهداف