بالله يا شعار صفو طوابير

بالله يا شعار صفو طوابير=صفو على نهج الرجال القدايم
نهج الرجال اهل الوجيه المسافير=ما لامها من ماضي الوقت لايم
كلامهم مثل السيوف الشواطير=وعزومهم تبرى علو العزايم
ادناهم اللي لو حصل أي تقصير=بنات فكره ما تذب الخرايم
ترسل لهى من سلم الشعر تقرير=وتكسب غنيمه يوم كسب الغنايم
ببيوت شعراً مثل صرف الدنانير=وشلون لو ايطوحون العمايم
من بعدهم والشعر جافيه تزوير=ماهومن الواقع ومعناه هايم
كله غزل يم البنات الغنادير=ام العيون ولابسات الزمايم
اقلوب فيهامثل ضرب المناشير=وقلوب طارت مع هبوب النسايم
وقلوب طاحت بين الاقدام فالسير=وقلوب تمشي مثل مشي البهايم
ماعاد باقي غير ضرب المسامير=ودق الدفوف وغايم الجوغايم
تكفون ياهل الشعر للشعر تقدير=من قبل لاتبدي عليه الشتايم
هيا نبي نرقى به ال قمت النير=ونحط وسم امبارين للوسايم
الذكر باقي والعمل بالتياسير=ماخاب قلبً في رجاء الله دايم
صورة محمد شوهوها الخنازير=اهل العقد واهل السحر والتمايم
ودمعت يتيم الهى على القلب تأثير=واحوال الامه بين مفطر وصايم
والقدس محتله تبي اليوم تحرير=ووضع العرب مابين قاعد وقايم
وبغداد فيها شي ماصاربيصير=الناس تذبح مثل ذبح الولايم
كلن يقول انه مثل سالم الزير=وصدام رح وجو بعده القمايم
وختامها هيا تمسو على خير =صفو على نهج الرجال القدايم

غالي الحربي
صح لساانك
وبيض الله وجهك طاال عمرك

قصيده رااائعه وجميله

قصيده جزله من شاعر جزل
غالي ربيعان
صح لسانك
ابدعت بهذي الجزله
لاهنت

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

صح لسانك
..
..
أسجل اعجابي بالقصيدة
..
ويعطيك العافيه
..

	المشاركة الأصلية كتبت بواسطة ناهس الشعيفاني

	غالي الحربي صح لساانك وبيض الله وجهك طاال عمرك قصيده رااائعه وجميله

صح السانك يا ناهس
وبيض الله وجهك

	المشاركة الأصلية كتبت بواسطة سعودية

	قصيده جزله من شاعر جزل غالي ربيعان صح لسانك ابدعت بهذي الجزله لاهنت

صح بدنك

لا هان غاليك

شكراً على مرورك

	المشاركة الأصلية كتبت بواسطة رابح الجحدلي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

هلا وغلا بالعملاق
لا عدمناك

	المشاركة الأصلية كتبت بواسطة سالم الفريدي

	صح لسانك .. .. أسجل اعجابي بالقصيدة .. ويعطيك العافيه ..

صح بدنك



اعجابك وسام


شكراً على مرورك

بيض الله وجهك يابن ربيعان

وهذي حبة خشم عليها


صح لسانك مدد بلا عدد


وتستحق التمييز

وسأضع ختم التميز