ديوان ألغاز الشاعر / علي بن زيد الفريدي (رحمة الله عليه)

سلام يارجال الوفا يالنشاما=واللغز فيه القرب والانفصالا
عن الثلاث محللات الحراما= وعن الثلاث محرمات الحلالا
الاولات يقدمن باحتراما = والثانيات مغيرات الحوالا

حله = شروط الزواج والطلاق = من سعود

وشا الرجال اللى ثلاثه عددهم =بيض الملامح مكملين الوليمه
ثلاثة كم واحد ماحمدهم= ليا صار ماينعم بحال سليمه
ما يستريح انسان حتى يجدهم =وهم مدة اللي له يمين كريمه

= محلول الملح والسكر والشحم= من ابوهليل

انشدك عن ورع ليالبس شاله = اشتال شر ناوي فيه عله
ماله قوايم والقوايم قباله =وابو قوايم مافزع به يمله
ورع فزع به من يهمه حلاله= يرجع المعزول عقب المذله

= محلول = المثمال من عبدالله الفريدي

انشدك عن ورع بعمرك يحاتفك=وليا ذبحته عاد لك مايخليك
اللي معك دايم ويحضر مواقفك=راسه على راسك وجسمه نشب فيك

=محلول الشعر= من سامي الفكر

انشد عن اللي كلما جالك يطير=يجيك من بعد الشقا والانتظار
مالك خشير فيه وافناه الخشير= لكن سوالي كيف من يمناك طار

حله صبار العنزي وهو الراتب

ويش ورع من علاماته ملوى= ون بغيته تجده تالي اخوانه
مايتساوى زين لين نه يسوى= ون تساوى مايتحرك من مكانه

حله مهجرس الحرف وهو حرف اليا

انشدك عن بيت مذله لعانيه = من يسكنه يلقا به الهم والخوف
بيت الادب واللي على حق بانيه= واسمه لمن يقراه ثلاثة حروف
اليا عكست اسمه كريهه معانيه =يصبح خبث واللغز واضح ومعروف

= محلول السجن = من غدير الوهبي

وشا اللي يرجف بطن امه = وله اخو يرجف قلتها
ام لابن آدم مهمه = ان ما صابتها علتها
ماتطلب منها تتمه= واطيب ما فيها قوتها
لها شغل مانذمه = ون عطشت هذا مصيبتها

حله سامي الفكر وهو البستم والبلف بالمكينه

انشدك عن بنت لها اقبال وقفاي = ساس الحياه وعيبها من ردايه
الخير فيها لاصدقايه ولاعداي= تعط العصا غيري ومنها عصايها

=محلول الشجرة= من عبدالله الفريدي

ويش رجل عقيم ومهنته ياكل امه = وابن جنسه طعامه وبن خاله يحده
ان ومرته بهمه قام لك بالمهمه = كنه يقول من يعصاك انا اصير ضده
هات لي الفتاه وهات متعب وعمه= ومن تبيه يتسنع جرني فوق خده

محلول =المسن = من مهجرس الحرف