ديوان ألغاز الشاعر / علي بن زيد الفريدي (رحمة الله عليه)

انشدك عن رجل ولاقول رجال= سمّوه عود ويمكن العود مبخوت
وليا بغيت اسمه نجاوبك بالحال= نصفه وصل والنصف الآخر طلع موت

الحل حضرموت من النجبي

وشفتاة لونها لون جميل = توصف بلون ما يطابق لونها
فعلها في عصرها ماله مثيل= والعرب باموالهم يفدونها

الحل الفرس الصفراء

==== من غدير الوهبي

سارت بي الاقدام بارض عذيه=في ديرة لعل يسقى ثراها
وعرض لي اللي يوم سلم عليه=تسليمة له غاية من وراها
يبغى الاجابه عن علوم خفيه= اجابة عن حاجة مالقاها
يرقى على العالي بعين قويه =والارض للمقود يذرع فضاها
ون صاد علم بكل نفس رضيه = كل العلوم يشوف وشمنتهاها
سمّوا لي هالمخلوق ياهل الحميه=والناس لايمكن نعدل خطاها

=محلول=المذهب من جريح

منهو اللي ساكن وسط البلد = شغلته بين البشر ينقل كلام
لو نصفت اسمه وحروفه بالعدد=صار نصفه منك والاول طعام

=محلول= البريد من خالد اللهيبي

وشالذي جسمه على قدحمله = وليا نزل حمله فقد كل جسمه
يعطي العطا وتفرق النود شمله = وياسم ولكن يشرح البال وسمه
ليا من دفاع الجواري خطم له = غير بمضمونه وسيره وباسمه

=محلول= السحاب من العضيد

انشدك عن رجل صناعة فاهمين = سووه من باب المكيده والضرر
الفاهمين المهتدين الضالين = والبنت فسدته على مراء البشر
قدام رجلين لكن متناقضين = يوم القضيه جابها درس وعبر

=محلول= سحر وعصا موسى والثعبان من سعود

ويش رجال قبل عدة اقرون = صار شيخ يضاف بيته كل عام
له جميع اللي لهم سمعه يجون = ثم يصير الكل في امن وسلام
يسمعون ويبدعون وينشرون = في نظام وفي رجوله واحترام
بس كل اللي يجونه يجهلون = في طريق الحق جلاّي الظلام
جعل من يقراء كلامي مايهون = قولوا اسم الشيخ يانسل الكرام

=محلول= سوق عكاظ من عبدالله الفريدي

أباسألك عن بنت مع جملة بنات= تطول ثم تقصر وتابس حالها
عدة بنات وضعهن مترادفات= فوق العجوز اللي تشيل اعيالها
بنات دايم راكبات منظمات = تدوسهن بعض البشر بنعالها
يسهلن الدرب في عزم وثبات = والام فيها الخيريمدح فالها

=محلول= النخلة وكربها من عبدالله الفريدي

انشدك عن عدة اخوان من امين = والكل منهم يختلف في مقاسه
يضرب مثل ياهل النظر بالمسمين= وكل لبس طاقيته فوق راسه

=محلول= الاصابع والاظفر من ابو عادل

وشالذي عند المولع وسيله = ليا ارسله كنه على الجمع ينخاه
يمشي معه والا بونيته يشيله=ويعاف قربه ويتقبل هداياه
اللي وجوده لاجل ياخذ حصيله = وليا فزع للكسب بالاسم ناداه

= محلول كلب الصيد ==من غدير الوهبي