ديوان الشاعر طارق عبدالرحمن ( أبن وازن ) الجحدلي

أقرى مناخه خلال العين = وأكشف عن القلب احواله
وأميز النون والتنوين = لا تكلم الخل يسعاله

دايــم مسـافـر مــع الـهـوجـاس = فـــي مــركــب الــهــم مـحـبـوبـك
ان كنت تدري. عديم احساس = يـــا شــيــن طـبـعــك واسـلـوبــك

بافرمت القلب من ماضيه = ويـقـر مــن بـعـدهـا راســـي
واملـك جهـاز التحكـم فـيـه = ونسـاك يـا ليـلـي القـاسـي

يكفي ياقلبـي عنـا واوجـاع =عانيت يكفي من اوجاعـك
ان كنت غالي على البياع = ومكسـب اذا كنـت ماباعـك

رســم الـمـثـل يـبـقـى فـالــداره = وتبقى المعاني عليك شهود
لــمـــا الاســدعـــاش فـــديـــاره = ربـــا مــعــه فـالـديــار اســــود
والــلـــى بـــنـــى بــالــوفــا داره = مـا تبنـا حولـه اكيـد اســدود
يـكـفـيـه شــــره مــــن اغــبــاره = راعــي المـثـل والغـبـار يـعـود

بيـن القمـر والنـجـم فــارق = هـل يسمـح الفـرق بالـزلـه
اشــوف مــن فوقـنـا بــارق = ويضلـنـا الغـيـم فــي ضـلـه
بـــاقــــي ولا زال ويـــــــدارق = قـدرك ومحفـوظ فـي محلـه
تدري النجم يا قمر حـارق = واحذر من الفرق وحسبله

أبن وازن =
نـدري الكبـر بــذرة المـغـرور = والـعـنــد ســاســـه وبـــــاروده
هـــو الـنـكـد يـنــزرع بـبــذور = واللاء غصون ينغرز عوده
ابو مبارك اليوبي =
دنيـا عجيبـه حكمهـا الـجـور =درب الــنـــقـــا ذبــــلـــــت وروده
ضاعت حقايق وغب النور = مـــــا يـحـتــكــم فـــيـــه مــــــردوده

ابن وازن =
سلام ان كان توحينـي = بعد اتصالي على الجوال
هزيم الرعد =
ترحيب يا اللي تناديني = واضح كذا منى الإرسال
ابن وازن =
تبقى على العز ماتهيني = والعز يبقى عليك ظلال
هزيم الرعد =
غالي ولا شـك فيمينـي = وشرواك ما ينوزن بالمال
ابن وازن =
طاب اللقى ياسلاطينـي = والجو طيب فاحسن حال
هزيم الرعد =
لي الشرف يا موديني = وميقافكم ما عليه جدال
ابن وازن =
بنشـدك وابغـاك توفينـي = للى اشتكي فالمحارب صال
هزيم الرعد =
حديثك العذب يشجينـي = هات الذي تونسه فالحال
ابن وازن =
اللى لهم ثـار فالصينـي = ويسأل عن الحل فالصومال
هزيم الرعد =
مخطي ولا هو على ديني = ولا له مقالة مع العقّـال
ابن وازن =
ياليت عينـي بتروينـي = من دمعه فالحبيب الضال
هزيم الرعد =
ليكون تبغـى تودينـي = يم الهوى والحديث العال
ابن وازن =
معقول ما زال يغليني = في بعدهم ودنا ما زال
هزيم الرعد =
ان كان تبغى البراهيني = لابد تطرح عليه سؤال
ابن وازن =
هز الهوى كل مافيني = وذا هجرهم ثوّر الزلزال
هزيم الرعد =
لو اعذل القلب ما مديني = صال الهوى فالفؤاد وجال
ابن وازن =
فقلبي صبر كان يعضيني = عن ودهم اقفل المنزال ؟
هزيم الرعد =
الصبـر زاد المحبينـي = زيد الصبر لو عذابك طال

ابن وازن=
شفت البحر بالمعاني طاف = وحبيت اشاركـه جرحـه
سلام باجمل حروف القاف = مال الغصن واشتكي طرحه
ابوياسر=
جرحي التهب في فؤادي وحاف = تعبـت ياصـاح مـن نوحـه
يامرحبـا حضـرة العـراف = تفيـد فالجـرح فـي بوحـه
ابن وازن=
عسي البقى والجروح تعاف = تعزلك القلب عـن فرحـه
قلبي مثل قلبـك الشفـاف = وما صابكم صابنا قرحـه
ابوياسر=
جرحي سقم والالم اضعاف = كل مالتهب زاد في فوحـه
الود من غيرهـم ينعـاف = يغذي الروح من روحـه
ابن وازن=
قبل الحكم نطلب استناف = يا مشتكي فالهوى صرحه
وافيدنا باجمل الاوصـاف = فالود بين لنـا شرحـه
ابوياسر=
قلبي الشقي يطلب الاسعاف = اوصاف بالزين مملوحـه
نبغاك تعطي دوا بشـراف = الروح بالعيـن مطروحـه
ابن وازن=
اللى انسمع والذي ينشاف = في ودك الحل واقترحه
فيه الصبر يعتبر اسراف = وباب الهجر تسلم ابفتحه

ابن وازن =
لابن سعد فالبدايه انقول = سلام يا محمد اليوبـي
مد الوفا بالوفا موصول = من طيب ياصلك مكتوبي
محمد سعد =
ابن وازن استقبله وأقول = ترحيب ياعد محسوبـي
درب الوفا والنبا المعسول = مطلبك .. أنته ومطلوبي
ابن وازن =
عسى البقى وعزكم مايزول = والعيش والملح ما يذوبي
راعي الوفا افسد المحصول = فصوبك معانيه وفصوبـي
محمد سعد =
تسلم وطيب النبـا مأمـول = وطرقك عسل سدر مسكوبي
وياليتني في البلد مسـؤول = وأعالج الوضـع باسلوبـي
ابن وازن =
اصبحت في موقف المخذول = بعد الوفا مـر مشروبـي
في دربهم العشم مغسول = وكني انا الشمس فغروبي
محمد سعد =
كانك بديت الوفـا بوصـول = وكـفــه ولا كـــان مغـصـوبـي
هذا على الناقصة مجبول = وقنـه مــع الـنـاس مسلـوبـي