ديوان الغاز الشاعرعبدالله الفريدي

ياهل الالغاز وش بنت عجيبه=كل مابالكون ماطابق لثرها
جنسها بالكون بأعدادٍ رهيبه=مار ماهو مثلها لو اتحصرها
معجزه وانِشوفها منا قريبه=والله بتنزيله المحكم ذكرهادي

حله البصمه حله بيان الصمت

انشدك عن حرمه لها رجال=ورجالها عمال يتليها
وهي عقيم ولا تجيب عيال=والرجل الواحد مايكفيها

السلك والابره وحله غدير الوهبي

ويش الهنوف اللي رقيقٍ جسدها=وحياتها يومين والثالث الموت !
بنت الكريم اللي رحل مافقدها=اقفى وخلاها مثل قطعة التوت
ماشفتها الامرةن في بلدها=لاتشرب امن الماء ولاتاكل القوت

وش الغلام اللي مرفّّه ومرتاح=كافينه الاخوان وامريحينه
يبونه ليوم ن به السد ينباح=لاويّقت بقعا السدود المتينه
لازم يجيله يوم للكون نطاح=ياعارفين اللغز ياعارفينه

وحله الاستبنه

وش الفتى اللي يسهر الليل كله=ويرقد نهاره عقب ماقام ليله
ليله ويومه مايغادر محله=في ماكره عبر السنين الطويله
وان شافه التايه عن الدرب دله=ويشابه اسمه بالمواشي فصيله

حله/نافع الحربي وهو الجدي

البنادم كلف بحفظ الامانه=لو كثير من البشر ما يعتمدها
ويش خمسٍ حفظهنّْ من الديانه=من يجيب الحل من يذكر سندها
بسورة الانعام موجود" بيانه=والائمة فندوها مع عددها

حله الضرورات الخمس من بنت العلا

يا هل الموروث وعلوم الوناسه=اسمعوا للي نقوله وانصتوا .. له
ويش رجل فيه طيب وبه خساسه=وطيبته دايم على الشك امحموله
ان مشى بالدرب ماتسمع حساسه=وان لفا عند المعزب زغرتوا .له
لانواله ديرة عقب العساسه=جني سليمان مايفعل افعوله

حله البوتوث

انشدك عن عدة بناتٍ شجيعات=مايوصفن على البنات الرعابيب
الاصل واحد والاسامي كثيرات=والفعل بأمر اللي له السر والغيب
لهن على بعض المخاليق غارات=يمشن على بعض القبائل عواقيب
لو عارضن شيخٍ يصد المغيرات=ايحوّلنّه من طويل المراقيب
ياكود رجلٍ فالسنين القديمات=اعطنه الطاعة بليا مشاعيب

الساري ابو شمس حله الرياح

لقيت لي شيخ عليه المهابه=جابتني الاقدار وامسيت صوبه
قلت السلام ولاتلفظ بجابه=وشوفي بعيني يوم قالت جنوبه
راسه ورجلينه وبطنه تشابه=ياهولتي به كل خلقه اعجوبه
يذكر لنا جوفه من الخلق غابه=ولاشفت فيه الا البني اللعوبه
راع الغنم لو نمدحه ماشقابه=وامصلحين الذود مافكروا به
وقت النبي مروا عليه الصحابه=وقدم لهم ماجوبهم وافرحوا به
كم واحدٍ زاره يريد الكسابه=احد كسب واحد تحول كسوبه
يالربع مافي كل قولي غرابه=واضح وضوح الشمس مابه صعوبه

حله الساري ابوشمس وهو البحر

ويش ورع شال بنت ماتسره=حطها بين الظلوع ولاسترها
ينضرب فيه المثل لله دره=والبنيه محتمل ورعك خطرها

حله مضحي بن جمران وهو السراج وفتيلته