تهنئة بمناسبة حلول شهر رمضان

بمناسبة حلول شهر رمضان اعاده الله علينا وعليكم وعلى جميع المسلمين بالخير والصحة والعافية
فقد ارسلت هذه القصيدة تهنئة لمولاي خادم الحرمين الشريفين واالاسرة المالكة حفظهم الله

طل الشهر حي هالطلة = منور الكون بانواره
احلى التهاني في شهر الله = من شاعر يحكم اشعاره
التهنئة صادقة والله = عنوانها الحب واثماره
والله ماجات من ذلة = من صقر مخلص لصقاره
حطيت فيها الغلا كله = ممزوج بالورد وازهاره
ِِالاولة لك ياعبدالله = من قلب بين لك اسراره
لك دايم الدوم مقتله = ياحاكما جل مقداره
وتنصى لسلطان منهلة= وتعم من كان في داره
ونايف على طول ترسله = وترسل للاحرار في اجواره
وامير طيبة توصل له = من عذب الاقوال مختارة
يالله عسى ايامكم فلة = والوقت يكفيكم اكداره
دايم وطنا لكم حلة = وانتم حماته وعماره
حكم العدالة لكم ملة = نعتزبه ثم نختاره
انتم لنا خيمة مضلة = والخير بينتم اشعاره
يا بيت محمي من الزلة = والطيب ساسه ومصداره

صح لسانك يالعبيدي احسنت وأجدت كعادتك

صح لسانك وسلم غاليك

وكل عام وأنت بخير


لك خالص التقدير

صح لسانك وجزاك الله خيراً

صح لسانك قصيدة رائعه
والله يعطيك العافيه
بيض الله وجهك

الاخ العزيز عبدالله علي الحربي
الاخ العزيز فواز الزويهري
الاخ العزيز سلطان الحربي
الاخ العزيز رابح الجحدلي
حياكم الله شرفني مروركم ولاعليكم زود
وتقبلوا تحياتي

صح لسانك يالعبيدي مبدع الله يعافيك وكل عام وانت بخير ان شاء الله

الشاعر الشيخ

حسيت بن مريع العبيدي

صح لسانك على هذه التهنئة الجميلة

و يستاهلون اخوان نورة

اخي العزيز محمد راضي العريمة حياك الله
اشكرك اخي على مرورك المشرف وماعليك زود
ولك اجمل تحياتي

اخي العزيز حميدان العوفي حياك الله
شرفني مرورك وماعليك زود يالغالي
تقبل تحياتي واحترامي