ديوان الشاعر(تركي عبد الله البشري)

تعال طلطل على حروفي = تذوق الحرف من مجناه
مالي على مثلك حسوفي = من ينكر الطيب ماسواه

عبدو الحربي=
بأحلى من الورد فالـوادي=وأحلى من الشهد في مجناه
سـلام للكـل فالـنـادي=من بعد غيبه زمن جينـاه
تركي البشري=
ترحيب يالبلبل الشادي = مايوصف القول لو قلناه
تفرح بكم دار الأجوادي = عوداً حميداً وياحياه
عبدو الحربي=
عسى البقا وإسمع الحـادي=يامن وفاكم وصل مرمـاه
روحي بها نـار وقّـادي=بسبابها الطرف يذرف ماه
تركي البشري=
حتى أتيكم بالإيفـادي=أحتاج تنويه عن فحواه
والعين ماها والأسهادي=تواسي القلب مما جاه
عبدو الحربي=
الضيم جاني مـن فـؤادي=ياللي في وسط الحشا مرباه
من بعد مطـاع حسـادي=يقمت أتجـرع مـرار الاه
تركي البشري=
ما فالبشر كامل إستادي=داره عسى يصلحه مولاه
وإن عادها خلك قيـادي=يجنيه ماتصنعه يمنـاه
عبدو الحربي=
مقدر على بعده مـرادي=يتعبنـي البعـد ماأقـواه
كلا لنـا بسمـه ينـادي=والناس تشهد قسـم بالله
أقضي به الليل بحـدادي=ساهر على خاطري ذكراه
حتى أصبح الهم هو زادي=كيف البصيره لكم يقضاه
تركي البشري=
دور على الفُل والكادي = وإغنم بمنهو حُمد عقباه
لو قلت واحد من أولادي = ومن كان فيهم رضاء الله
عن غيرهم إصحك تنادي = من ذا الذي يشتري بلواه
ولن كان مافات مافادي = يهديك ربي ومن تعناه

أبو مره=
جيتك وحامل معي دبلوم=وموثقه مـن سلاطينـه
سلام سوقه سحب وغيوم=ومزون لاهلت فحينه
تركي البشري=
يامن لفاني لكم فقدوم=مد الوفا لك حاسينـه
يامرحبا ياعقيد القوم=غالي على حي مغلينه
أبو مره=
كلاتنا بالوفا ملـزوم=بيناتنا عهد ماضينـه
والان نبغى عليه علوم=تبقى لنا في ميادينـه
تركي البشري=
معلوم ياصاحبي معلـوم=مايـوم هسّـة موازينـه
مصغي لك السمع يازيزوم=عذب المثل منك محرينـه
أبو مره=
قلبي توالت عليه هموم= من يوم أقفو مودينـه
وللأن ياصاحبي محروم=نومه وزادت براكينـه
تركي البشري=
مالوم قلب العنى مالـوم=اللـي شكالـي مغابينـه
لاصار عقد الوفاء منضوم=لجل إيش قفـو موالينـه
أبو مره=
أمر القدر جاه والمقسـوم=مكتوب له فـي عناوينـه
عايش حياتي كما المسقوم=اللـي محبيـه ناسيـنـه
تركي البشري=
لاباس أمر القدر محتوم = وما قدر الله راضينه
أنا أعرف إنك قوي عزوم = عريق ساسك من جهينه
لابد حظ الفتى مايقوم = وتلقى منام السعد عينه
واللي أوجد الناس من معدوم = قادر يجمع محبينه

كاتب مشاعر=
ياقايد الصف شيل الصوت=بأحلى نغـم فيـه غنيبـه
باعداد مافالبحر من حوت=سـلام وافـي بنبديـبـه
كاتب مشاعر=
سلام ثانـي قبـل لايفـوت=وقتـه وتنسـو تراحيـبـه
فايق على الوصف والمنعوت=للـي وفـاهـم بنحكيـبـه
تركي البشري=
أغلا من الدر والياقـوت=ترحيب جيناك نشديبـه
وترحيب ثاني لكم مثبوت=شامل مكمـل مطاليبـه
كاتب مشاعر=
ياحرف طعمه شراب التوت=جانا الوفـا مكتمـل طيبـه
ويش حيله اللي غدى منحوت=جسمـه وزادت تغاريـبـه
تركي البشري=
الطيبه بيننا ماتموت = وهذا الذي منك محريبه
عجل قبل لا يفوت الفوت = فصل لنا عن سراديبه
كاتب مشاعر=
كان الوفا للوفا منكوت=واليوم كثره عذاريبـه
يجوز منه عشق بيروت=الناس تنسى مواجيبـه
تركي البشري=
هيا إستمع جابتي فبيوت = فقد المواليف ندريبه
اللي قضيتو معاه وقوت = لا يوم تلحق بهم ريبه
خل الوفاء ثوبكم والقوت= ولابد تصفو مشاريبه
وإن كان جدت عليك بخوت= ماللفتى عن مكاتيبه

رطب لسانك بذكر الله = وفروضك الخمس صليها
وفي والدينك رضاء الله = إن كان تبغى السعد فيها

وهج الحنين الذي صاحب = داخل فؤادالمعنى جرح
وقـعُــه ضجيج الشجن صاخب = جيشه يهدد هذاك الصرح

شايل بذور الزرى في إيديه = في أرض المعزه بيزرعها
وضعف اللئامه وفا موفيه = ونفسي عن الشين رافعها
لا خير لا شر منه أرجيه = نقطه أنتهى لا يرجعها
بركه تغذى بها ساقيه = جفت وبانت ضفادعها

يضيق صدري إذا سرحت = يامن تسببت في غلبي
أسعى لفرحتك وأنت أفرحت = عذال قلبي على قلبي

وجدي كما وجد من قفى=على أمل صيحته عـوّد
حين إلتفت بعد ماوفـى=وإنه ضحية زمان أسوّد

.






.












.











.











.











.









.

مادمت سيدي وأنا سيدك = وماحدٍ تسيّد على الثاني
أكيد لاشفتني عيدك =وعيدي أنا حين تلقاني