(عاما مضى بين هيك وهيك) ,,,(اللي من اسنين ميت فيك)

ساهر
هذه محاوره بيني وبين الاخ سعيد الانصاري
تذكر هذيك الليالي كم = عانيت فيها لجل ارضيك
راحتك عندي بذاك الكم= تستوجب العاطفه واعطيك
سعيد
انا لكم في المواقف عم =ابعد عن النار لا تشويك
الدم يبقى على اسمه دم= عسى جميلي بيثمر فيك
ساهر
ياللي علينا بديت بذم = ماكان هذا املنا فيك
اخاف يطلع عليك الجم= تبغى السلامه ولايمديك
سعيد
كلامك اللي رسلته سم = في اول القاف مايخفيك
ساعات رايق وساع تزم=ان كان تعبان باكويك
ساهر
ماني على طبكم ملزم = ان كان تبغى دواء نعطيك
سبعه مراقيم تحت الكم =وازيدها كان مايكفيك
سعيد
ارحم جريح الغرام ارحم= اللي من سنين ميت فيك
من قبل لاجيبكم مرغم=واصرف لك اعلاج واداويك
ساهر
قلبي غدى بين هم وغم= عاما مضى بين هيك وهيك
اللي مضى الناس ماتعلم = واليوم كل العرب تطريك
ارجو ان تنال اعجابكم
ساااااهر

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحت السنتكم وعلا شانكم
ابدعتم بدع ورد
احترااامي

	المشاركة الأصلية كتبت بواسطة الحب الباقي

	صحت السنتكم والله يـعـطـيـكم الـعـافيـــــــــــة بيض الله وجيهكم

صح بدنك سعدنا وتشرفنا