ديوان الشاعر مشعل سالم النويمي

ايام من عمرنا تجري = والنفس بالحيل طماعة
يارب اشرح لنا صدري = واجعلها يارب فالطاعة

من جور الايام كم ذقنا = شفنا المآسي بها الوان
يادوب من الجرح ذا فقنا= واليوم جدت علي احزان

ياليت دنيا المحبة إنعيش = كل فرد قلبه على الثاني
نبني مودة انصون العيش = لاظلم نشكي ولا نعاني

من زود حبك كتبت حروف= إحروف انوي بها اسمك
متعة عيوني لما اتشوف = في لوحتي يكتمل رسمك

مابين صمتي وبين البوح = احترت كيف اخبره بودي
بسكوتي خايف علي ايروح= ون بحت خوفي على صدي

ياجو رايق وفيك اروق = جوك يناسب لقا العشاق
مطر وغيمة ومعهاإبروق = ودي حبايب لهم مشتاق

اه يازمن سرت اتسول = ارجي قلوب الآحبة اتحن
شوف البشر كيف تتحول = حتى فطلة علينا إتمن

فظرف لحظة يزور الموت= الحق فتوبه ولا تأخر
اصحى العبادة عليك إتفوت = عطها جهودك لهاسخر

ارجوك ذا البعد مايفيدك= لاتغيب وقت احتياجي لك
باحساس صادق انا اريدك = روحي وقلبي إتعلق بك

الناس صوب الشكل تجري = ماهمها وش خفا الجوهر
تمشي وراها ولا تدري = ياكم بشر غرها المظهر