ديوان الشاعر(تركي عبد الله البشري)

محمد صالح المعبدي=
لـه ود زايـد وزل الحـد = والطيب رمزه وعنوانه
لاكن هذا الزمان أسود= ضلمه ولا أبقا ولا خانه
تركي لبشري=
اليوم إزرع أمــل والـغــد =تجـني ثمارك من أغــصانه
شرواك يسلك دروب المجد=ماعبر الوقــت و ألــوانه
محمد صالح المعبدي=
اللي نسيمه عبير وند=ما أخبر معي "هـس" ميزانه
اليوم حتى النضر مايلد=يجــوز فـــالــشرع نســـيانه
تركي لبشري=
شنهي إفادة ظريف القد= واجب سؤاله ونشدانه
قــدام نصدر عليه الحــد=يجوز خايف من أخوانه

البدع تركي=
الظاهر اللي لنا باين= إنك تعيش الهوى مظـــلوم
لاعاش وسط العرب كاين = يقلب حياتك آسى وهموم
الرد سرور=
ظلمه علينا ماهو فاين= كل قلب يلقى منه مقسوم
ظلم التسلل من اللآين = إلـــيا رفــــع رايته لهجوم

البدع /تركي=
آهات منكم سمعناها=ماقد سمعنا بها والله
ادعي عسى الرب يبراها=لا تحمل القلب ويل وآه
الرد/ سرور=
حموله القلب ماقساها=ثقيل حملي ماحد يقواه
والعين لا حدرة ماها=تواسي القلب مما جاه

البدع / تركي=
أضحك مع الناس لاكني = في داخلي أكتم الأحزان
أهديته القلب متعني=وأهداني الهم بالأطنان
الرد/ سرور=
ماخاب في مثلكم ضني =وترجح بكم كفة الميزان
أكتم على السد وإستني=وعالج الأمر بالكتمان
تركي=
في جهاد أنا من صغر سني=واليوم ماعاد بالأمكان
وأحتاج للمسعف الفني=يضمد الجرح مهما كان
سرور=
أنت على القلب متجني =وهاك الكلام الذي مليان
من فالهوى عاش متهني=من سابق الوقت لا ذلوان

البدع/تركي=
سلام وأبغى إفادة منك = تشفي غليل الذي يسأل
اللي معه حالتي تحزنك=كيف العمل فيه وش نعمل
الرد/ سرور=
من سؤلكم إتضحلي عنك = صعب الهوى معك مايسهل
غليلكم والحزن والظنك = عطني سببها وتآخذ حل

بـــــــخـــــــيــــــــتــــــــان =
مهلكـنـي الـشـوق ياتـركـي=ومـزوده صاحـب الأشـواق
بــاروق و ارتــاح و اتـكـي=لـكــن مـايــوم بــالــي راق
تــــــــــــــــركــــــــــــــــي =
ترحيـب يامـن لـنـا تشـكـي=هـذي كـذا حـالـت العـشـاق
من سالـف الوقـت ترتبكـي=بعـد الصفـا تنصـدم بفـراق
بـــــــخـــــــيــــــــتــــــــان =
فـي ودهـم ماحـصـل عـكـي=دايــم وشـوقـه لـنـا سـبـاق
آنـــا الــــذي ودي افـتـكــي=كيف اقطع الوصل ياعملاق
تــــــــــــــــركــــــــــــــــي =
أعـرفــك رجـــال مـحـتـكـي=والغيـم مايحجـب الإشـراق
يقـيـن تقـطـع بــه الـشـكـي=أكتـب عليـه الهجـر تريـاق

سقنا عليك الوفاء أصناف = لا كنك إنسان متفتوي
بالعكس جازيتنا أضعاف = ولازلت خاين ومستقوي

من طلعت الشمس فنهاتي = و ملاهدة طيفك ورسمك
ياكيف بألقى مسراتي = والنار في داخلي وسمك

عزي لك اليوم ياقلبي = ماذقت في عمرك الأفراح
صابر على ماحكم ربي = ولا ضرتك كثرة الأجراح

الله ياليٌ معاهم قلب = الظاهر إنه غدى منخُل
زايد أساهم أباد الحب = اللي من أول كما المنحل