محاورة جديدة

فايز ال محيسن

ياربع لاثار بركاني = وجتني هواجيس مجنونه
مدري أغني لخلاني =والاّ على طعون مدفونه

الرد من الشاكر أبو سامي

مابه جريمه بلا جاني =والنفس بالحكم مرهونه
استفت قلبك والاعياني = والرجل يقدنه عيونه

فايز

فكرت واليا العمر فاني = والقلب يشكي على غبونه
وان كان تكفل لنا فلاني = مطلوب معدال من دونه

الشاكر

نسير في عذب الالحاني= لاجات بالعلم مقرونه
وندخل الى العالم الثاني= والحكم يصدر وتوحونه

فايز

مادام بينت برهاني = ومديت والمد يرضونه
وش قولك في الجار لشقاني = ولا قدّر اللي يحدونه

الشاكر

الجار لو جار بالعاني = استلطفه لاتشانونه
ولا بد له سر دخلاني= دور على اللي يعرفونه

فايز

الجار سيفه على اخواني = وفي ناس بالشر يمدونه
ومد الدعاوي على اوطاني = ياللي لقافي تبارونه

الشاكر

لاصار طاغي وخواني= يلقن الدرس بفنونه
ولا عوى الذيب سرحاني = عشّه منه لاتكبونه

فايز آل محيسن

عشيته لكن عشاني = وفي الغار مزبن يخشونه
وكل السبب ضلع دخاني = باحجاره اللي يفكونه

الشاكر أبو سامي

ماعاد له فيه مزباني = جوله بواسل يدكونه
جوله طويلين الايماني = وحبة السوس مطحونه

الله الله يالشاكر على هذا اللحن الرائع
صح الالسن وعلا الشان
كلاااااام ملياااان من شعار كباااار
بيض الله وجهك على النقل

الشاكر ابو سامي

اصح الله لسانيكما وبيض الله وجهيكما


نقل رائع بارك الله فيك

الشاكر ابو سامي
اصح الله لسانيكما وبيض الله وجهيكما
لكم تحياتي

محاورة قمة في كل شيء

معنى ومغنى وقوة حجة

الله يعطيكم العافية

الاخ القديرالشاكرابوسامي والاخ العزيزفايزالمحيسن

صحت السنتكم وبيض الله وجيهكم

محاوره رائعه من بدع وايضا رد الله يعطيكم العافيه

تقبل تحياتي وتقديري

محاورة رائعة جدا من شاعرين لهما المكانة المرموقة صح الله لسانكم وادام على العز بيانكم
تقديري واحترامي للجميع

صحت ابدانكم اخواني جميعاً

وصح لسانك استاذي الشاكر ابو سامي

وشكراً على النقل

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح لسانك أخي ابو سامي ولسان الشاعر فايز آل محيسن

وتسلم على إثرائنا بهذا اللحن المليء بالمعاني

وعافاك الله ورعاك