بطيب يا مرهف الأحساس = لاتاخذ القلب ثم ترحل

من بعد ماجيت راحو ناس = غابو عن ديارنا بالكــــل
ســـابو الخفاره بلا حُراس = وبلا وكيل عنه موكــــــل
ياهل ترى وضعنا منحاس = ولآ يريد منني أرحـــــــل
هذا السؤال منهو الغطاس = نبغاء الإجابه من المعقــــل
من ذلذي يوزن المقـياس = وينهي جميع الذي يحصـــل
ونفتح معاه ابيض القرطاس = صفحه جديده خليل وخل
ومن بعد ذالك يفوح الراس = بزكى التحيه لكم وأجمـل
سلام من صافي الهوجاس = تكمـيل بطـيب ومـكمــــــل
مثل القمر فالسماء نبـراس = اللــي لنــــوره محد يجهل
ومثل الزهر زاكي الأنفـاس = أمعـطـر الجـــو با الأكمل
بطيب يامرهف الأحســاس = لا تاخــــذ القلـب ثم ترحل
ماتدري ان الغـــلآ نسناس = كــــل يوم طـالع ولا ينزل
ولا تدري ان العرق دساس = بطـــــيب من يمكم ينهل
هذي نصيحه عن الوسواس = اللي على الشر دوم يعمل
ابعد وخلك كمــــا الــقرناس = اللــــــي لاهد هدته تذهل
لنك من اللي جويد الســـاس = ومجـُــودك جـــدنا الأول
بطيب والعز والــــــنوماس = مـــوروثنا وعنه لا تحول
وأختم كــــلامي لكم بحساس = صـــادق ولاني له أمأول

ياسلام على هذا الابداع يافايز

صح لسانك وبيض الله وجهك

مع شكري وتحياتي وتقديري

ياسلام عليك يافايز المحيسن صح لسانك وبيض الله وجهك مع شكري وتحياتي وتقديري

صح لسانك يافايز

مبدع في كل الحالات

دمت بهذا التميز

صح الله لسانك اخي القدير فايز على ماسطرت من ابداع بارك الله فيك
تقديري واحترامي لشخصك الكريم

صح لسانك كسرة رائعه
والله يـعـطـيـك الـعـافيـــــــــــة
بيض الله وجهك