اللغز( 379 ) في زمان فات له بالكون شاني=محلول سور الصين=من ابوخالد الفريدي

الله يمسيكم بالخير
هذا لغز كيبوردي
توي كاتبه هالحين وانا الى سويت لغز شرحته
دوبكم عليه على الاقل خلوه الليله يبات مع ربعه

من سنين غابرة والعود ثاني=دون قومه ماتردّى في مقامه
في زمان فات له بالكون شاني=فارض نفسه وقدرة واحترامه
مار قدره قل في تال الزماني=اعتلوه اطفال من عقب الكرامه

صح السانك يا اخ عبدالله انا مافهمت كيبوردي وجالس احلل معناها........... وبالنسبه للغز عندي رمعه [سابقه للتفكير] وش رايك بجيب الشاص ويعطيك العافيه على جهودك الجباره......... شكراً

يا مرحبا يالساري

بدنك


كيبوردي


يعني ارتجالي على الكيبورد اللي هي لوحة المفاتيح بالجهاز


والرمعة مالك لواء


ولا يصعب على مثلك وشرواك


والعفو يا استاذي الكريم

صح السانك وشرايك بالشعر الوقت الحالي او الوسم وسم الحلال

حياك الله ............ وش رايك بجهاز الكنود

ياهلا يابو مشاري

وصح بدنك


ولا لك لوا ..................

وتحري بحله ياغالي

صح السانك ياعبد الله الفريدي

ممكن الحصان منول له شان واليوم عليه عربيه يركبون لاطفل عليه

	المشاركة الأصلية كتبت بواسطة الساري ابوشمس

	حياك الله ............ وش رايك بجهاز الكنود

مالك لواء

يالساري الله يحفظك

من سنينٍ غابرة

	المشاركة الأصلية كتبت بواسطة غدير بن فهد الوهبي

	صح السانك ياعبد الله الفريدي ممكن الحصان منول له شان واليوم عليه عربيه يركبون لاطفل عليه

مرحبا يابو فهد

وصح بدنك يالغالي

ولا لك لواء طال عمرك

انت حلال الغاز عسى الله يستر على اعويدي منك هههه

أهلاً هلابك اخوي عبد الله وصح لسانك
وش رايك طال عمرك في ( المركى الذي على شكل شداد )