محاورة مع لافــــــــــــي (محمد سعد اليوبي)

مـحـمـد سعدالـيـوبـي =
سمعت في نشـرة الأخبـار=تـوه خبـر بثـه الـرادي
أن السماء مكتسـي بغبـار=والضلع يزحف على الوادي
مـــــجــــــازف=
جاك الخبر بـس لاتحتـار=هذا حـدث هيـن وعـادي
الخوف لازمجـر الاعصـار=وانت مـن البـاب متبـادي
محمـدسـعـدالـيـوبـي =
العبـد مالـه عـن الأقـدار=ولاحلـت يقـول يـاهـادي
وإن هبت الريح بالأخطـار=كلـي عـزم والعـزم زادي
مـــــجــــــازف =
عن القـدر مالكـم محـدار=حاصل ولاعنـه مشـرادي
والريح فيها جـرس انـذار=واللي تلقى الخطـر غـادي
محمـدسـعـدالـيـوبـي =
عند القـدر الكبـار صغـار=أنتـم وحنـا والاشـهـادي
ورأسٍ حمى ماقفه ما حـار=تراه لـو هـو غـدا فـادي
مـــــجــــــازف =
الليل سرى علـى السمـار=مابيـن فـزاع ومـنـادي
مافيه إجابـه ولا استفسـار=ماغيـر دلــه وبــرادي
محمـدسـعـدالـيـوبـي =
أنـا أتعلـم مـن الشعـار=وأنت على القـاف معتـادي
ومن أجل هذا لـك المعـذار=علـمٍ نقلـنـاه مــا زادي
مـــــجــــــازف =
اللي نقلتـه حكـي ثرثـار=ماجبـت حـادي ولابـادي
والعذر يقبل مـن الاخيـار=شاعر ومعـروف بالنـادي
محمـدسـعـدالـيـوبـي =
والله تقديـر لأهـل الـدار=ذربين الأيمـان الأجـوادي
والا أنت حيـة بـلا منـذار=ما تحتمـل قدحـت زنـادي
مـــــجــــــازف =
اقلامنـا للديـار اعـمـار=في صفحـة العـزّ تنقـادي
وحروفهـا تبهـر الانظـار=ماخالفـت سنـة الـهـادي
محمـدسـعـدالـيـوبـي =
طابت ولا كن شـيءٍ صـار=ونياتنـا نظـاف وجـدادي
وإن كان نقصان في المسعار=أنـا لـشـرواك ســدادي
مـــــجــــــازف =
انا معك ما اقصر المشـوار=ولازلـت للطيـب نشـادي
والعقـل ثابـت وماينهـار=عميـد للحـرف وقـيـادي

صحت السنتكم
والله يـعـطـيـكم الـعـافيـــــــــــة
بيض الله وجيهكم

الله الله ياسلام محاوره قمه
صح لسانك ياشاعرنا الجزل مجازف وصح لسان زميلك شاعرنا الجزل
محمد سعد اليوبي ((لافي)) واسجل اعجابي اللامحدود بهذه الدرر الثمينه لاهنتم وبيض الله وجيهكم

محاوره رائعه وصحت السنة الشعار

	المشاركة الأصلية كتبت بواسطة الحب الباقي

	صحت السنتكم والله يـعـطـيـكم الـعـافيـــــــــــة بيض الله وجيهكم

يصح بدنك يابو نواف
مرورك اسعدني اخي لك شكري وتقديري

	المشاركة الأصلية كتبت بواسطة مضحي بن جمران

	الله الله ياسلام محاوره قمه صح لسانك ياشاعرنا الجزل مجازف وصح لسان زميلك شاعرنا الجزل محمد سعد اليوبي ((لافي)) واسجل اعجابي اللامحدود بهذه الدرر الثمينه لاهنتم وبيض الله وجيهكم

هلابك اخوي
يصح بدنك ويسلم غاليك
شاكر لك المرور
اطيب التحايا

صحت السنتكما على الابداع

تقبلا تحيتي

.. مجآزف & لآفي ..
صح لسآنك..
وبيض الله وجـــهك..
بدع وردوـد رآئعة..
لآعدمنآ هـ الآبدآع ولايهوـن عليكم..
اسجل اعجآبي بهذهت الدرر..
ودي وتقديري..
العبيدي..

محاورة ملتهبة 00بين شاعرين قديرين

اسجل اعجابي مع اطيب التحية

صحت السنتكم
..
..
أسجل اعجابي
..
ويعطيكم العافيه ..
..