ديوان الشاعر قابل البشري

00000000

صلاح المطرفي=
للقـيـل ومهندسيـنـه جـيـت=طـالــب ومـشـتـاق لفـنـونـه
سـلام ياذايعيـن الصـيـت=من شاعر هذيل تقرونه
قابل البشري=
انت على الصايبة ماخطيت=والـــــلــــــي طـــلـــبـــتـــوه تـــلـــقـــونـــه
ترحيب حربـي علـى التوقيـت=عــلـــم الـــوفـــا مــايــجــي دونــــــه
صلاح المطرفي=
ياراعي الوافيه مابديت=غير الوفا اللي تكنونه
عسى البقاياعماد البيت=ياسادت القيل وركونه
قابل البشري=
وافـــــي فـعـلـمــك وانــــــا وفـــيّـــت=ومـــن يـوفــي الــنــاس يـوفـونــه
هات الذي فالضمير اخفيت=وابـــــــدي لـــنــــا مـــــــا تـعــانــونــه
صلاح المطرفي=
مــن جــور وقــت الـشـقـى مـلـيـت=فـــالــــنــــاس جـــــــــــوره تـــشـــوفـــونـــه
ومن صد بعض العرب عانيت=صـــــده لــنـــا بـــــان فـــــي عــيــونــه
قابل البشري=
حـث العـزم لاتقـول ازريــت= والله فـخــلــقــه لـــــــه شـــؤونــــه
ودوّر مع اللي منه حسيت=مـــــــن فــعــلــتــه لاتــجـــازونـــه

من ملتقى المحاورة والرديه

مضحي=
سلام الله عليكم ياهل التوحيد والسنـه=سلامٍ يشمل اهل الملتقـا ويعـم زواره
اقوله من هجوسٍ يوم وردت جالها حنه=اوردها على عد الروا وازهـم لشعـاره
قابل=
هلايامرحبا بالشاعر اللي قافهـا دنـه=على وضح النقا والطيب ولع للوفا ناره
حصلنا ياولد جمران قافك يمنـا غنـه=وتلقى عندنا للقول تكميلـه ومسعـاره
مضحي=
يدوم الك البقاء ياشاعرٍ والكايفـه فنـه=وسوق المعرفه نعرف شريطيه وتجاره
نخبر من يظن اظنون ماحنا على ضنـه=على راع العلوم المجحفه مردوده اخباره
قابل=
وفيت وراعي التقدير مثلك ماختلف قنـه=مع الايام ماينقص غلاه يزيـد مقـداره
ومن هوظن ظن السو مانخطيـه لكنـه=خبيث واجب ان نحترص من لوثة افكاره
مضحي=
اثر بعض الاوادم في يدينه كاسرٍ سنـه=ويضلع والصواب بمبسمه ويدور جباره
ياقابل ماعلينا من سوالف يابس الشنه=تسير القافله ماهي بحاجة قاصر اشباره
قابل=
انا وانته نعرف اللي يمد الصوت ويغنه=ولايخفى علينا حرف من رسمه ومعياره
ولكن بعض خلق الله يدس الشر ويكنـه=وواجب مثل هذا نرقبه ونتابـع اثـاره
مضحي=
تجنبنا طريق الغادي اللـي محـرقٍ بنـه=وحذراء ياهل المعروف جنسه يدخل الحاره
لكن ياحرب ياهل الفزعه اللي مابها منـه=عساكم مانسيتو منور اللي يجدع الشـاره
قابل=
على قولك هذاك ضعيف وعلومه يسدنـه=ومن هو قدم المعروف معنـا دارنـا داره
ومنور واجب اصوات العرب ماتنقصرعنه=معه ناقف مواقيف الشرف فى كل مشواره
مضحي=
عساء الطيب محابيل الخطر شرواه يخطنه=وعلى بارد عزومه يكسرن وصبن الغـاره
سلوم اسلافنا رجالنـا الوافـي يحكمنـه=ودرب الغانمين ايمن واهل الجود تختـاره
قابل=
عميل الطيب جـزلات الفعايـل ماتعدنـه=يلع نوره وفا يوم الضعيف يطفي انـواره
وكلن ساعـة الميقـاف افعالـه يسدنـه=ومن هوغاب في وقت الطلب مافاد معذاره

من ملتقى المحاورة والردية

قابل =
ياسـلام الله بـردة كـل معقـود تحـلـه =تحسب حساب الثقال ولاتحسّب للخفافـي
لي صحيب ِ من غلاته في وسط قلبي محله =وين بن جمران مضحي نادوا الحر السنافي
مضحي=
مرحبا ياشاعرِ ماجاب فالابيـات خلـه=ولاتهون ولايهون اللي مثل شرواك وافي
ياهلا والدرب الايمن كلنـا طبعـاً ندلـه=بس افدني في خبرنا اللي عليه الاختلافي
قابل=
البقا واللي كما شرواك حاز الطيب كلـه =وان نصاك العلم صدرته على معنى وقافي
كلنـا فالـدرب الايمـن ماتعودناانزلـه =والخبر في بيّنه بيّن وفي خافيـه خافـي
مضحي =
والله ان الجزل مع قابل مدون في سجله=من تمعن سيرتك ياجزل خط الاعترافـي
مابحلنـا فالنجـوم ولا بحلنـا فالاهلـه=مشكلتنا اللي خذا سرد الاشاعات احترافي
قابل=
النجـوم اللـي مهيفـه ماتسـاوى بالمطلّـه =والصحاح البيّنه ماهي كما الهـزل الضعافـي
ومن خرج فالشمس وابطى قال بجلس فالمظلّه =والخبر فالغيـب والمحجـوب لابـده يشافـي
مضحي=
الخبر ومروجين العلـم فـي دقـه وجلـه=الجشع واهل الجشع كم عكروا من جو صافي
من خرج للشمس عل الناس جعل الله يعلـه=يالله انك توقعه بيديـن مرويـن الرهافـي
قابل=
مايلام اللي يبا يبني مـع العربـان فلـه =كل ما انهى سبع جدّت سبع من فوقه عجافي
لين من حال مضاله لونصحتـه قـال لله =لاتعرقلني ترا ماصابني من حـال كافـي
مضحي=
العرب عقب الخبر قامت تفتش كل حله =ياقليل الورث بالوريث سببت التجافي
مايفيد المال رجالٍ بـلا عـزه وملـه=والكرامه عزت الرجال لو يعيش حافي

ركز معي

ركز معايه بقلك شي=يبعد عن الشك تفكيرك
مادمت فوق البسيطة حي=القلب مايسكنه غيرك

0000000000000

الشريف مشعل=
ياملتـقـى حـــرب جـيـنـا لـــك=عـانـي ولــي فالمـوافـا شــان
ســـــــلام مـــمــــدود لــرجـــالـــك =مثل الذهب غالي الاثمان
قابل البشري=
مهمـا مـن القـول قلنالـك=ماترجمت خافي الوجدان
يـامـرحـبـا والــوفــا فــالــك =يالهاشمـي ياولـد عدنـان
الشريف مشعل=
الــــــــورد بــــاقــــات فــأقـــوالـــك=فالحال قطفه مـن البستـان
وقالوا ترى ابوك مع خالك=وكـلاتــكــم لـلـبــقــا شــجــعــان
قابل البشري=
دايـم علـى العـز منزالـك=واهل الوفا قولهم برهان
وحنا نصدّق على ذلــك=وقولك نراهن عليه رهان
الشريف مشعل=
يــالــلـــي تـعــلّــيــت فـامــثــالك=اسمع هجوس الذي حيران
وش يجعل الوقت يصفالك=من بعـد صفوالليالـي شــان
قابل البشري=
الــــوقـــــت يـــقـــفـــي ويـــزهـــالـــك=والناس من زود في نقصان
ولاعـــاكــــس الـــريــــح أمـــالــــك=لاتــعــاكــس الـــريـــح يـــاربــــان

كل عام وانتم بخير


"
"
"
"
"
"
"
"
"
"
"
"

عيد الفطر بالسعادة عاد=وشرّع للافراح ابوابه
وقلبي في يومه على ميعاد=يرسل تهانيه لاحبابه

000000(تفاح)

	المشاركة الأصلية كتبت بواسطة قابل البشري

	إن كان تبغى السهر00نسهر = وكاس الهوى نازنه 00مزبوط تفاح00ولّا كرز أحمر=صافي ولا يخلطه مخلوط

000000000

ماجدابومديدة=
كم لي عن مجابه الأبطال=اللي تجيد المثل مثلي
وماكذب الشاعر اللي قال=إن الذهب معدنه أصلي
قابل البشري=
حييت يافارس الأمثال=جاهز وحضّرت لك عقلي
واليوم حظي معي ما مال=مادام مثلك توفقلي
ماجدابومديدة=
على حسب منهج العقال =أسعى لمن هو سعى لجلي
الفعل ماخالف الأقوال=توافقوا والهدف فعلي
قابل البشري=
ماقلت في حقكم مثقال =والناس بالطيب تستعلي
وقولي عدل ماعليه جدال=ياشاعر النقض والفتلي
ماجدابومديدة=
تم الوصل والوفا فاقبال=حتى تقول اكتمل وصلي
لكن00بأوجه عليك سؤال=لوكان ممكن وتسمحلي
قابل البشري=
لأهل الوفا أوفي المكيال= واتعب على شانهم رجلي
هات الذي عندكم فالحال=مصغي لكم قبل تسمعلي
ماجدابومديدة=
بين المكاسب وجور الحال=حكمت عقلي على مهلي
وفي حين دبّرت راس المال =صفق ومن داخله يغلي
قابل البشري=
أهل الحسد طبعهم أنذال= انت وغيرك بهم مبلي
من دونهم قفّل الأقفال=وخلّك على فراقهم عجلي

العبيدي=
سلآم فـي اول الكسـره=يم "الجمل" مقصده مرسول
محمي غلاكم كما الجـره=من شان لاينكسر ويزول
قابل البشري=
ترحيب والطيب من عطره=على جناح الوفـا منقـول
غالـي وفقلوبنـا قــدره=طول الزمن ساري المفعول
العبيدي=
بعد الترآحيب يآلخِبـره=عسا البقا واستمع للقول
اللي زمان الهوى غـره=يعود ولا الطريق يطول؟
قابل البشري=
تبقى وهذا انتهى أمـره=ماله فدرب الحياة وصول
واللي بياخذ منه عبـره=لايتّبع خطّـه المشتـول
العبيدي=
لاتحط فوق الفحم جمره=تعال بيّن لـي المجهـول
ولاتزيد فوق الجفن عَبره=الفعل ماهو كما المفعول
قابل البشري=
يابادع القيـل مـن صغـره=لاتضرب الكون عرض وطول
افصل لنا البحـر عـن بـره=حتـى نساعـدك بالمعقـول
العبيدي=
ناصب لي الفخ والحفره=افعى وسمه قوي محلول
الحقد مثّله في نظـره=كنه يوصل لي المدلول
قابل البشري=
من يحمل الحقد في صدره=لازم كلامه يجي معسول
حرّص معه وانتبه غدره=مادام سمه خطر معمـول

قــــــابـــــــل =
سلام نبغـى هـدف ملعـوب=يمتـع جميـع الـذي شافـه
ؤأنته محنـك ولـك أسلـوب=ما تخطي الحـرف واهدافـه
بــخـــيـــتـــان =
يامرحبـا غايـة المطلـوب=من صانع اللعب فـي قافـه
ابشر و منـا تجيـك لعـوب=ينهـي بهـا القُـول هدافـه
قــــــابـــــــل =
تبقـى ولا بيننـا مغـلـوب=والكـل معـروف ميقـافـه
تشعبـت لـلـدروب دروب=مابيـن قلـبـي وميـلافـه
بــخـــيـــتـــان =
راغب ومثلك لنـا مرغـوب=والقيـل لأهـلـه وعُـرافـه
بسعى معك والوفـا موهـوب=اخـوك بشروحهـا وافــه
قــــــابـــــــل =
تشاملواوالـفـؤاد جـنـوب=وساروا على عكس محرافـه
حتى غدت حالتـه فصعـوب=واستجـرع المرباصنـافـه
بــخـــيـــتـــان =
حسيـت بالوالـع المشبـوب=اللي رسم حرفـك أوصافـه
اكشف عن الغامض المحجوب=وابحث عن البعـد وخلافـه
قــــــابـــــــل =
حالت مابين القلـوب قلـوب=زادت على الحمـل اضعافـه
واليوم كيف الجليـد يـذوب=ويعـوض القلـب ماطـافـه
بخيتان =
قِيم البنا وأصلح المعطوب=وخلك على رأس مشرافـه
تكسب معه حسبة المحسوب=ويصفي بكم يصِفي اطرافه