ليلة من ليال الصفاء : شفتك وصاح الألم فينا =ليام كان الصفا فيها

سم الله الرحمن الرحيم
أسعد الله أوقاتكم بكل خير
أقدم لكم هذا اللحن الذي دار في منزلي بحضور جمع لفيف من الأخوان
وأبناء العم بيني ( فواز الزويهري ) وبين الشاعر الأنيق ( عبد العزيز الزويهري)
أرجو أن ينال القبول والرضى
وإليكم ياكرام
عبد العزيز الزويهري

اللي يشوف الحلا والزين =ويزيد نبضه فوسط القلب
حتى رسم صورته فالعين =ياكيف يمشي ويشوف الدرب

فواز الزويهري

الشوف مايغني المسكين =وحلو الثمر غاية المطلب
اسعى لجني العنب والتين = اجنيه من طيب المشرب

عبد العزيز الزويهري=
شفتك وصاح الألم فينا =ليام كان الصفا فيها
لا والله زادت مآسينا =اللي من العام مخفيها
فواز الزويهري=
لبيه لبيه ياخينا =وأهل الصفا دوم نحييها
الطب كله بيادينا = والنفس نبري مآسيها
عبدالعزيزالزويهري =
تعال واسمع شكاوينا = اللي حروفي تعانيها
مع ود دايم يصافينا =والنار تلهب حواليها
فواز الزويهري =
اللي تقاسيه يعنينا = هيا ابتدي قول واطريها
واللي يصافيك فالمينا =لا ترده ابحور قاصيها
عبد العزيز الزويهري=
وافي مع اللي يوافينا =ونشاني اللي يشانيها
مير البلا من معادينا =أخاف يخلف طواريها
فواز الزويهري =
بين القسى أجعل اللينا =والشك يهدم مبانيها
وإن كان جدر الوفا طينا =لا ترتجي السيل يبقيها
عبد العزيز الزويهري =
الكل كاشف مرامينا=مهما أحاول أداريها
ومن طيبته في نوادينا=ما ودي أجرح معانيها
فواز الزويهري =
أحفظه حفظك لسامينا =والطيبه روح ماشيها
يكفيك ربي ويكفينا =من ناس خابت مراميها

وللجميع خالص التقدير

يكفيك ربـي ويكفينـا=من ناس خابت مراميها


صحت السنتكم يالزواهره

ابو محسن وابو غازي بيض الله وجيهكم

عاد هذا رسمه في عينه ويدور الدرب ياخوك في رسم متحرك خليه يوجهك للطريق ههههههههههههه

الله يحفظكم يالغاليين

صحت السنتكم
والله يـعـطـيـكم الـعـافيـــــــــــة
بيض الله وجيهكم

	المشاركة الأصلية كتبت بواسطة ماهر ابو خالد

	يكفيك ربـي ويكفينـا=من ناس خابت مراميها صحت السنتكم يالزواهره ابو محسن وابو غازي بيض الله وجيهكم عاد هذا رسمه في عينه ويدور الدرب ياخوك في رسم متحرك خليه يوجهك للطريق ههههههههههههه الله يحفظكم يالغاليين

صح بدنك ووجهك أبيض ياماهر

اسعدني مرورك الكريم يالنشمي

لك خالص التقدير

صحت اللسنتكم ياابو محسن
دائما مبدعين يالزواهره
الله يعطيكم العافيه

اخي الغالي ابو محسن واخي الغالي ابو غازي
يامن ترسمون الأبداع في كل مكان
صحت السنتكم على هذا اللحن الرايع الجميل
لكم تحياتي

	المشاركة الأصلية كتبت بواسطة الحب الباقي

	صحت السنتكم والله يـعـطـيـكم الـعـافيـــــــــــة بيض الله وجيهكم

صح بدنك وسلم غاليك والله يبارك فيك

لك خالص التقدير

عبد العزيز الزويهري
فواز الزويهري
شعراء كبار وإسمان مرتبطان بالإبداع
لحن رائع بروعة شعرائه المبدعين ولايجي منكم الا كل جميل
الله يعطيكم العافية
تقبلوا تحياتــــــــــــــــــــــــــي وتقديـــــــــــــــــــري

اللي يشوف الحلا والزيـن
ويزيد نبضه فوسط القلـب
حتى رسم صورته فالعيـن
ياكيف يمشي ويشوف الدرب

&

الشوف مايغني المسكين
وحلو الثمر غاية المطلب
اسعى لجني العنب والتين
اجنيه من طيب المشرب



الله عليكم يامبـــدعين

صـــحت السنتكم محاوره رائعه

لاهنتووو وبيض الله وجيهكم ع الامتاع



تقديــــــــــــــري واحترامـــــــــــــي

ابو غازي وابو محسن

صحت السنتكما على الابداع