لحن الغوغ ( أحمد المحياوي و فواز الزويهري )

=فواز الزويهري
سلام مثل الذهب مصيـوغ=منقوش فيه والوفا والطيب
والذيب وقت الصعب مايروغ=يحلهـا وللمعانـي ذيــب
=أحمد المحياوي
يا مرحبا والوفا مصبـوغ=من هاجسي بأجمل الترحيب
صغت المعاني لنا وتصوغ=وانا معك دون شك وريـب
=فواز الزويهري
لي ود مايبلغـه مبلـوغ=عن ودي ألا بكى بالغيب
كل مارمينا الوصال يزوغ=وكل ماجفينا يجينا يصيب
=أحمد المحياوي
ما دام طحنا بقاف الغـوغ=القول لك يختصر بالويـب
من خوف فيه الحلا مفروغ=والقاف يهرم لنا ويشيـب
ما دام ذا الحظ لك مربوغ=الظن ظنـي ولا بيخيـب
الطير لو بالوصال ينـوغ=انساه لا يلحقـك تعذيـب
=وياصحابنـا سامحـونـا

بعض المفردات ومعناها
مفروغ / فارغ
مربوغ/ مطروح على الأرض
المناغاه / صوت الطير
أرق التحايا
أحمد بخيت المحياوي

صحــــــــــت ألسنتكما

وافين الشاعر:فواز الزويهري

والشاعرأحمدالمحياوي

بيض الله وجيهكم على القاف الصعب أبدعتما

صحت ألسنتهم

وبيض الله وجيهههههههههههههم .

صحت السنتكم
والله يـعـطـيـكم الـعـافيـــــــــــة
بيض الله وجيهكم

أخي العزيز احمد أشكرك على نقل هذا اللحن

وأسعدني حرفك الجميل

لك خالص التقدير

تسلم

عزيزي

احمد المحياوي

صح لسانك وبيض الله وجهك