الموت حق مرثية للديرى رحمة اللة كتبها الشاعر/خلف عتاق الفريدى الحربى

قصيدة رثاء فى الشيخ /متعب الديرى للشاعر/خلف عتاق الفريدى الحربى
لاواللة اللى غاب نور الفحيحيل=غدابة اللى ما يحذر نذيرة
اقفى بة اللى ماتردة مداخيل=وخلى النفوس اللى تودة كسيرة
اللى تعود قطف روس الرجاجيل=ولاهو يفرق بين متعب وغيرة
ابو فهد ماهو بحاجة لتدليل=الديرى اسمة شمس فى كل ديرة
راعى هلا والهيل نسل الحلاحيل=ومن اطيب الاجواد معدن وسيرة
ريف الرجال اللى تحب التعاليل=اهل المواقف والوجية السفيرة
عندة صعيبات القضايا تساهيل=واليارتكى شال الحمول الكبيرة
ماقولها حب لبدع التماثيل=راضين بالمكتوب شرة وخيرة
ياما فقدنا من سيوف مصاقيل=وياما تجرعنا الكؤوس المريرة
وياما تعبنا من عنا الحط والشيل=واليا نسينا هم جانا خشيرة
لكن زمان اليوم بة هدة الحيل=والادمى يجهل نهاية مصيرة
الموت حق ولا لنا عنة تبديل=والدرب واحد والمسافة قصيرة

الله يرحم الشاعر الكبير/ متعب الديري الحربي

حقيقة انه فقيده على الشعر و القبيلة

و

رحم الله الشاعر الكبير متعب الديري

وأسكنه فسيح جناااااااااته

وصح لسااااااااااان الشاعر .

صح لسان الشاعر خلف الفريدي
والله يرحم الشاعر الكبير متعب الديري

الله يرحم ابو فهد


هذا فقيد على القبيله

الشيخ الشاعر متعب بن عبيد بن شديد الديري القصيري المزيني السالمي الحربي الله يرحمه ويغفر له ويسكنه

فسيح جناته فقيده على القصيرين وعلى مزينة وعلى حرب كلها

وهو أخ الشيخ نايف عبيد الديري أمير القصيرين من مزينة ورئيس مركز قطن في القصيم

لاهنت على نقل هالقصيدة وصح لسان قائلها.

الله يـعـطـيـك الـعـافيـــــــــــة على الاخـــتيار المــوفــق