ديوان الشاعر قابل البشري

هذه الأبيات وجهت للشيخ فواز بن حمادي شيخ قبيلة بشر ورئيس مركز عسفان
من الشاعر مطر العتيبي ومناسبتها أنه اشترى مزرعةً وأراد حفر بئرٍ وكانت هناك منازعة بسبب قربها من آبار أخرى حيث أن أنظمة وزارة الزراعة تمنع ذلك
فأرسل هذه الأبيات للشيخ الذي كلفني بالرد عليها

سلا م يانسل الرجال المناعير=اللي لهم فالعصر الاول شدادي
قومٍ لهم حشمة وشيمه وتقدير=ساروا على درب الوفا والمبادي
أبطيت يافواز يالله عسا خير=أبطيت وانته ماتجيب المنادي
عيال عمك قاشرونا على البير=والشرع يردع كل مخطي وغادي
ولاني بعد جيتك بدوّر معاذير=خابرك كفو وراي مثلك سدادي
ولاحصل منّا يافواز تقصير=من حرصنا مانقبل الإنتقادي
وانا احمد الله من رجالٍ مشاهير=لطاّمة العايل وسقم المعادي
عتيبه اللي ينطحون الطوابير=لاجا صباح وكون ولاّهجادي
لكن عسا الدعوه تعوّد تياسير=ولاصبرنا مثل صبر المهادي
على النشيطه والدلال المباهير=يامرحبا ياللي علينا تنادي
ترحيبةٍ تنصاك من دون تأخير=من بشر حرب وشيخها بن حمادي
حليت في ديار الرجال المسافير=اللي لها الأمجاد ساس وعمادي
أهل البيوت الشامخات المعامير=فالعصر الاول والعصور الجدادي
ولااقول في ربعك عتيبه مغاوير=فيهم كما شرواك ربعٍ قوادي
في كل موقف عندهم حسن تدبير=بيضا عليهم ماغشاها سوادي
والحق أولى باتباعه ولاغير=والمتّقي ماعن دروبه يحادي
وضّاح أبلج في ظلام الدياجير=فصّال حده مثل بيض الهنادي
مافيه لافزعه ولافيه تخيير=شرعه منزل من إله العبادي

[QUOTE=قابل البشري;281733][
عشان أعزك ياحبيبي تحملت=جرحٍ بمرسوم الجفا منك صادر
ياما صبرت وعن خفاياه ماقلت=كتمت شوقي والهوى والمشاعر
واخلصت لك مع ميل الايام ماملت=واوفيت لك يوم الوفا صار نادر
وكتبت لك أحلى القصايد ورتلت=ترنيمةٍ للحب باحساس شاعر
وانته على الهجران والصد لازلت=ظبيٍ شرود ومن هنا الحب نافر
فجأه لكل الحب هذا تجاهلت=وتركتني في ظلمة الشوق حاير
وغيّرت في ذيك المحبه وبدلت=وخليت طرفي من سبايبك ساهر
أعرفك انا لاقفيت وأعرفك لاقبلت=لاتحسب إنك فالهوى صرت شاطر
لو كان تنكر باين إنك تحولت=سر الهوى في دعج الاعيان ظاهر
أمّا وصل ولاّ من الود بطلت=لو صرت في شرع المحبين كافر
وياقلب لاتحزن على ماتأملت=مكتوب لك تخرج من الحب خاسر

000000000000000

أخذ الحقيقة بدون الوان=من دون تلعب ولاالعب بك
انته فعيني بقاياانسان=مااكرهك 00لكن مااحبك

**
**
**
**
**
**
**
**
**
**
**
**
**
**
**

مافيه مثلك ولامخلوق=بينك وبين البشر فارق
إلا القمر لاتعلّى فوق=يشبهلك الخالق 00 الناطق

الرحال =
انا اعرف ان الجمال جمال=وانته جمل والجمل معروف
سلام يقطع لـك الأميـال=ينصاك كلفت به مكلـوف
الجمل=
انا اعرف ان الرجال رجال=وانت بطل والبطل موصوف
ترحيب بالشاعـر الرحـال=ما عبرتبه جمل وحـروف
الرحال=
اصب لأهل الوفى الفنجال=غرام وابهـره بحـروف
واوقف تحية ادب واجلال=للى لعذب الغرام وقـوف
الجمل=
راعي وفاء ماعليك جدال=وحسابكم عندنا مصفوف
مادامت القيل بين اجيال=كلن يبا يستمع ويشـوف
الرحال=
من منهله عذب عال العال=نارد على عده المألـوف
ومادام قابلت لـى خيـال=سعيد حظى حسب ماشوف
الجمل=
ياعد جاك المزن همـال=ماهو مكرر ولا مردوف
الليل هات المثل فالحال=لاعاد تسعى بنا وتطوف
الرحال=
لى جرح من جارحه لازال=ينزف الم فى صميم الجوف
ورانى الويـل والأهـوال=وعيا بحال العليل يـروف
الجمل=
لاتترك الجـرح للاهمـال=وتعيش بين الرجا والخوف
ابحث ودور يمين شمـال=عن حالته لاتقف مكتـوف
الرحال=
السعى ماغاب عنه البال=بالجهد ياصاحبى محفوف
لاكنهـا خابـت الآمـال=فالطب والساير المعروف
الجمل=
شرواك ماهو قصيرحبـال=ولابد راع التعب مخلوف
واللي تبصر لقي مدخـال=لو كان دون المرام حتوف
الرحال=
اشكرلكـم راقـى الأمثـال=يامن بحرف الغرام تنـوف
ولك اتمنى بطيـب الفـال=وصل الهدف ماده المهدوف
الجمل=
مازود عن طيب الافعـال=اللي بعرفه يقود صفـوف
والشكر لاهل المحل يقال=واللي لفوا فالمحل ضيوف

حــــــــــرب =
مثل العسل مع سمن بري=سلامـنـا يامصافيـنـا
بيني وبينك امـر سـري=كم لـه مسبـب ماسينـا
قـــــابــــــل =
يشعل كما الكوكب الدري=ترحيبـنـا يامنـاديـنـا
وحناعن الغيب مانـدري=هات التفاصيل واعطينـا
حــــــــــرب=
الله ليبقيـك يالبـشـري=اشوفـك اليـوم ناسينـا
كل مانبي نجبرالكسـري=يزيدنـا فـوق مافيـنـا
قـــــابــــــل=
وافي ودايم على خبـري=ومـع مثلكـم لاتوصينـا
وانامن المسألـة مبـري=وانتـه مصمـم تخطينـا
حــــــــــرب=
لجل ان جو البلد مغـري=قالوا لنـا الجـو مغرينـا
ولاشك ماودنـا مجـرّي=يخلـف علينـا مساعينـا
قـــــابــــــل =
جوالبلـد للبلـد حصـري=حسب النظـم والقوانينـا
واللي تجرى له الجثـري=نرميـه قـدام يرميـنـا
حــــــــــرب =
عادات بحر الهوى.الغدري=وهذا الذي كـان مشقينـا
لاسلاح جـوي ولابـري=حايـل مابيـن المودينـا
قـــــابــــــل =
مادام بحرالهوى عذري=مادنسـوه الشياطيـنـا
ولونعلم الغيب من بدري=ماكان رحنـا ولاجينـا
حــــــــــرب =
ياحر ياعالـي القـدري=يا ابن الرجال الميامينـا
احسى العواقب قبل تجري=وتبعد بنا عن مراسينـا
قـــــابــــــل =
ياحرب حرف الوفا مقري=مافيـه شكـه وتخمينـا
ومهما رياح الزمن تذري=مانبتعد عـن شواطينـا

000000000000000

	المشاركة الأصلية كتبت بواسطة قابل البشري

	لافي= في الأولة نذكر المعبود= الواحد العالم الستـار ثمَّ نصلي على المحمود=الهادي الرحمة المختار قابل البشري= ذكرت ربي بدون حـدود =وصليت على الرسول البار من بعدها ياعميل الجـود=فصل لنا نشـرة الاخبـار لافي= مأجور من واحدٍ موجـود=المطلـع عالـم الأسـرار ومن قبل لانبتدي ونعـود=عطنا في الأول علوم الدار قابل البشري= وانته بفضله عليك يجود=الرازق الواهب الغفـار لوكان عندي خبرمعدود=ماسألك ياشاعر الشعار لافي= حديتني أرفع المـردود=وقربتني يم خط النـار وأنا على حالي المعهود=مقابل الطار والمزمـار قابل البشري= ماانته على قافنا محدود=نعذرك ياطالب المعذار الدرب لاتجعله مسدود=ولساعنا فأول المشوار لافي= مرت عليهم ليالي سـود=عند الذي ينكر المقـدار واليوم أمسوا عليه شهود=ما تعرف أن الزمن دوار قابل البشري= مادام ماجابوا المنقـود=وبعد الوفا جاهم الانكار وفوا وتكميلهم مشهود=ويبقون عند الكبار كبار لافي= أشوف سيف النقاء مجرود=ورديت معي اليمين يسـار خايف رفيع المقام يـرود=وينوبك اللوم في اللي صار قابل البشري= ماهاب قلبي صخرجلمـود=وعندي طوال العلوم قصار لكـن لاتغيـر المقصـود=وتدق بين العرب مسمـار لافي= أنت فهد من رجال فهـود=والعبد ماله عـن الأقـدار لكن تراها العلـوم مهـود=وطاب اللحن يازبون الجار قابل البشري= ياصاحبي ماعليك نزود=وانته مخير فماتختـار وكل ذي نعمةِ محسـود=قول ِ فصل ماعليه غبار

00000000000000

	المشاركة الأصلية كتبت بواسطة سالم البشري

	قابل= سلام كل الوفا دونه=في سوق صرفه يسوّي فرق وانتم من اللي يوفونه=ويترجمون المعاني طبق سالم= ترحيب مشيه وقانونه=مايختلف غرب ولاّ شرق الحرف عجّل بمضمونه=مادامت انك بديت الطرق قابل= الطيب ماقلـت ينسونـه=وان كان تبغى كلام الصدق تجاهـلـوا مايسـوونـه=ماكنهـم يعرفـون الحـق سالم= اللي يبا الخلق يصلونه=لازم يوفّي حقوق الخلق والمرء ما يتبع ظنونه=ويعالج المسأله بالرفق قابل= من شاف ماكذب عيونه=وصدودهم ماعليها درق وانا من اللي يمدونـه=تعبت ماعاد فيه خلـق سالم= مهما حصل لاتصكونـه=باب الوفا لايجي له غلق عدّولـنـا ماتعانـونـه=لعل نلقى صلاح ووفـق قابل= كـان الوفـا مايشوفونـه=وفي ليلهم مابرق له برق مانـي مـدور فمكنونـه=وبحرق كروت المودة حرق سالم= اصبر علـى ماتقاسونـه=وخلك معاهم بشوش وطلق وبكـره معاكـم يعزّونـه=ويبقى لكم فالموافى سبـق

00000000000000

	المشاركة الأصلية كتبت بواسطة حرب

	قـــــابــــــل = سلام حاز الوفا باجمـاع=والطيب له نهج ونظامـا ياحرب قلب العنا ملتـاع=والطرف سهران مانامـا حــــــــــرب = ترحيب تطرب له الاسماع=وتبرى منه كل الاسقامـا ايش الذي سبب الاوجـاع=آنا معـك درع واحزامـا قـــــابــــــل = وجه البراءة غشاه قنـاع=والشك من حولها حامـا لين الفكر في حسابه ضاع=بين الحقيقـه والاوهامـا حــــــــــرب = على حسبّ آخر استطلاع=لاحدث وسائـل للاعلامـا وجه البراءه غشاه شعاع=خطوه ثمينـه للاحلامـا قـــــابــــــل = مابـان ماتذكـره لسـاع=عليـه ظلمـه واعتامـا واللي حسب حسبته طماع=من اجرهـا يحصدآثامـا حــــــــــرب = هذا مهاجم وهـذا دفـاع=ماشي ضروره ولا اللزاما واللي حسب حسبته زراع=يبغى حصاده بعـد عامـا قابل= مااحسد احدوالدروب وساع= للي قعد والذي قاما لكن 00ماواطن الخداع =اللي لبس كل هنداما حرب= القاله اللي تجيب صداع=عن دربها كف الاقداما ولابد للشمس من مطلاع=المحتجب نورها اياما

000000000000

	المشاركة الأصلية كتبت بواسطة قابل البشري

	سالم الغانمي= المبتلى العاشق المغرم= الباكي الكاظم المجروح شمسه كما ليله المظلم=حتى متى في نزاع الروح قابل البشري= الفاهم الواثق المهتم=يسعى على الروح قبل تروح مايوم يضعف ويستسلم=وباب الأمل للبشر مفتوح