ديوان الشاعر سالم البشري

ابوفرح

ياما ليالي بها عشنا = في رونق الود متخاوين
من جور الايام ماخفنا = اهل واحبه لنا باقين
واليوم جفت منابعنا = هلي اسى يادموع العين
تهنا وتاهت مراكبنا = ولادري على وين متجهين

سالم البشري

الوقت أول يساعدنا=مع بعضها الناس متصافين
عشنا ومشينا وكم شفنا=ماشفت أنا الخلق متجافين
وتغير اليوم واقعنا=حتى انقلب حالنا حالين
الله عسى الوقت يسعفنا=والود يرجع لنا والزين
يمكن نلاقي مرافئنا=فيها ونرسي مع الراسين

أســيــرالــغــرام=
سـلام لسالـم البشـري=عساه فالملتقى موجـود
عالي له الطيب والقـدري=واليوم نبغى معه مـردود
سـالــم الـبـشـري=
ترحيب جينا لكـم بـدري=من دون ناشد ولامنشـود
ولاهل الوفا طبعنا نشري=طاب المثل ياعميل الجود
أســيــرالــغــرام=
هذا الأمل فيك من خبـري=أهل الوفا والكرم والجـود
وتقديركم داخل الصـدري=مافيه شكه بدون حـدود
سـالــم الـبـشـري=
تسلم لنا يالخوي بـدري=حرف المثل بالمعاني قود
توك هجوس اللحن تغري=وليا سمعنا يجيك الفـود
أسير الغرام=
اللي عطيته لهم عذري = أشوفه اصبح يقل الرود
اول على نهجنا يسري = واليوم ماهو كما المعهود
سالم البشري=
إن كان وان العتب يمري=مع صاحبك كثف المجهود
ولاّ اعرف اللي معه يجري=حتى كثير الوصال يعود
أسير الغرام=
غلاه عندي عليه يـدري=وله الوفا زايد المحـدود
حاولت منه اعرف الامري=اللي با امره بقى مشهود
سالم البشري=
أهل الغلا وضعهم حصري=ياحاسب العد والمعدود
والطيب راعيه مايزري=وش حال لو عارف المحدود
أسير الغرام=
كل يوم وانا عليه اجري=والعلم هذ ا عليه شهود
مايعلمك لوتبى تـدري=ويروح وانته بلامحصود
سالم البشري=
حسّاس يامتعب الفكري=ماكل منه يبيح سدود
واللي سعى كاسب الأجري=سالم من الذم والمنقود
أسير الغرام=
أرضيه والقى منه قهري=والحال أصبح يزيد شدود
واليوم منّه نفذ صبـري=اللي تزايد علي بلهـود

خالد بن عبيـد الأحمـدي=
أزكى التحيـات مطبوعـه=من القلب عبر بها لسانـي
وانعـم سالـم وفربوعـه=الف وانعم سـر وعلانـي
سـالــم الـبـشــري=
بازهى الأزاهير مجموعـه=ترحيب سالـم والاخوانـي
لك رايـة العـز مرفوعـه=ياراعي الطيـب شيهانـي
خالد بن عبيـد الأحمـدي=
مـدام كلمتـك مسموعـه=رجـال مافيـك نقصانـي
نطلب إفـادات مشروعـه=لاجـاك علمـي وبرهانـي
سـالــم الـبـشــري=
بنرقب الحـرف وطلوعـه=حتـى نشوفـه بالاعيانـي
وياتيك قولـي ومنفوعـه=مرسوم فـوري ومجانـي
خالد بن عبيـد الأحمـدي=
اللي معي حـل مقطوعـه=وفلعبتـه دوم خسـرانـي
والقلب لن خان بضلوعـه=يصيـر بالوقـت حيرانـي
سـالــم الـبـشــري=
غلطات الانسان مرجوعـه=ومن دوّر الحـق ماهانـي
وان صادف ألغام مزروعه=العقـل زينـه للانسانـي
خالد بن عبيـد الأحمـدي=
مهما الصبر جف ينبوعـه=مصخي بربعـي وخلانـي
ونفسي عن الجور ممنوعه=لو جور الاحبـاب عنانـي
سـالــم الـبـشــري=
الحـر مايغيـر طبـوعـه=وشرواك وافـي وحقانـي
ومن يجمع الصف مايروعه=لاالجـور هـذا ولاالثانـي
خالد بن عبيـد الاحمـدي=
من زود همه ومن جوعـه=يقنب على الناس سرحاني
ورسوم الأشواق مدفوعـه=والله يجـازي بالاحسانـي
سـالــم الـبـشــري=
مايأثر الصـوت فجموعـه=ولايظل سرحـان وحدانـي
والشوق لاتطفي شموعـه=والخير راعيـه كسبانـي
خالد بن عبيـد الأحمـدي=
الله مع اللي مشى بطوعـه=يسكنه فقصـور وجنانـي
واللي عصى ينثر الدموعه=في يـوم مافيـه شفعانـي
سـالــم الـبـشــري=
في غيبة النور وسطوعـه=ادعـي لـه الله يافلانـي
والوقت يومه مع اسبوعـه=يمسح همومك والاحزانـي

قــــــابــــــل البشري=
سـلام كـل الوفـا دونـه=في سوق صرفه يسوّي فرق
وانتم مـن اللـي يوفونـه=ويترجمون المعانـي طبـق
ســــــالــــــم البشري =
ترحيـب مشيـه وقانونـه=مايختلف غرب ولاّ شـرق
الحرف عجّـل بمضمونـه=مادامت انك بديت الطـرق
قــــــابــــــل البشري=
الطيـب ماقلـت ينسونـه=وان كان تبغى كلام الصدق
تجاهـلـوا مايـسـوونـه=ماكنهـم يعرفـون الحـق
ســــــالــــــم البشري=
اللي يبا الخلـق يصلونـه=لازم يوفّي حقـوق الخلـق
والمرء مـا يتبـع ظنونـه=ويعالج المسألـه بالرفـق
قــــــابــــــل البشري=
من شاف ماكـذب عيونـه=وصدودهـم ماعليهـا درق
وانـا مـن اللـي يمدونـه=تعبت ماعـاد فيـه خلـق
ســــــالــــــم البشري=
مهمـا حصـل لاتصكونـه=باب الوفا لايجي له غلـق
عدّولـنـا ماتعـانـونـه=لعل نلقـى صـلاح ووفـق
قــــــابــــــل البشري=
كـان الوفـا مايشوفونـه=وفي ليلهم مابرق له بـرق
مانـي مـدور فمكنـونـه=وبحرق كروت المودة حرق
ســــــالــــــم البشري=
اصبـر علـى ماتقاسونـه=وخلك معاهم بشوش وطلق
وبكـره معاكـم يعـزّونـه=ويبقى لكم فالموافى سبـق

فواز الزويهري=
لهل الوفا والصفا والطيب=سلام ماله مدى وحسـاب
ودي في صيد المعاني ذيب=ونفتح معه للحروف كتاب
ياصلك منا على ترتيـب=ترحيب في موعده ماغاب
ومن بعد ماكمل الترحيب=هات المعاني وفك الباب
فواز الزويهري=
عسا البقا والحروف تشيب=لكن معكم لهـا مشـراب
لي قلب دايم عليه يصيب=رمي الأحبه بدون أسبـاب
سالم البشري=
مخبور مثلك بلا تجريب=والقلب دايم تجيه انشاب
ابحث في أسبابها وتجيب=الرامي اللي رماك وصاب
فواز الزويهري=
لاكان منهو رماني يغيـب=من بعد رميه عليه حجاب
كيف أساله واجري التنقيب=وسهيل في مرقبه ما ناب
سالم البشري=
لاتصعّب المسأله تصعيب=وتصير في حلها مرتاب
اسعى عشان الجروح تطيب=قدّام لاتكثر الأصعاب

محمد سعد اليوبي=
أنا أحمد الله في ديرة حرب=ولا لي لدور العرب نزعـة
والصاحب اللي عضاه الدرب=واجب أداريه .. له وزعـة
سالم البشري=
البعد لاهل العزيمه قرب=اهل المروّات والجزعه
واللي يداري أموره غصب=لو قال00 ماتنحسب فزعه
محمد سعد اليوبي=
حنا بدينا القراح العـذب=والرجل مبداه من طبعـه
ومن جات له طيبه ويكب=يقاله في العرب ضبعـه
سالم البشري=
لو رحت عنها شمال وغرب=ماتعكس العلم عن وضعه
والعاقل اللي فسلم وحرب=مايزود ضرّه على نفعه
محمد سعد اليوبي=
مااساوي اللي عشان الغرب=يبيع بارخص ثمن ربعه
ان كان تبغى الحصص يالذرب=نمشي قوانين متّبعه
سالم البشري=
حنّا هل العرف وش تحسب=تشهد لنا الخلق مجتمعه
ولو تعرف القن ماتلعب=ولاصار كل يوم لك طلعه
محمد سعد اليوبي=
صدقت ما أقول لك تكذب=ولا أحقر قبايل لها سمعه
وشرواك لعبي معه مكسب=ليَّه.. ويازينهـا سلعـة
سالم البشري=
هذا اعترافك بها واكتب=تقرير والناس مطّلعه
واليوم من كاسكم تشرب=ياراعي الفعل الصنعه
محمد سعد اليوبي=
لو جبتها عكس مااستغرب=حذفه بسيطة من السرعـة
وكأسي عذا .. مير لاتغضب=بالحيل من زايـد الجرعـة
سالم البشري=
خلك على العلم لاتهرب=مالك عن اقوالكم رجعه
في ساحة الحكم والمذنب=معذور والسيف من فرعه

بخيتان البشري=
سلام والطيب منهاجـه=ساسه وفا مكتمل مبناه
مكلوف متعوب فخراجه=يامن بكم يرتقي معناه
سالم البشري=
ترحيب مايختلف عاجـه=بصوت الوفا خاطري غنّاه
بارقى معك عالي ابراجه=ولابد ناصل سوى لاعلاه
بخيتان البشري=
يامنبع القيل وسراجه=لك البقا بالصفا سقناه
هيا اسمع افكار وهاجه=وخيال واسع عجزت احواه
سالم البشري=
هيا ابدعه واحكم سياجه=وانا معك بسمعك واقراه
والحرف لازان مخراجه=يم الهدف ماخطى مرماه
بخيتان البشري=
حاير مع الوضع وعلاجه=والوقت عيّا يجيب دواه
من يوم ما قّفل ادراجـه=والحظ في وسطها خباه
سالم البشري=
مهما الأمر زاد فاحراجه=لاتشتكي من عذاب الآه
والمرء مادام له حاجه=يسعى لها والمعين الله
بخيتان البشري=
صبري تظلم من إزعاجه=ولو ينفذ الصبر كيف القاه
اللي رجا شي يحتاجه=يعقد على خالقه رجواه
سالم البشري=
الأمر يحتاج لمواجه=وعلاج باسلوب ومداراه
حتى يعوّد لمدراجه=وتاصل هدفك الذي تبغاه
بخيـتـان الـبـشـري=
أقرب من العين لحجاجـه=والعسر لجله سهل مرقاه
لو نسمع لنـاس هراجـه=يمكن من سنين فارقنـاه
سالم البشري=
استغنم الوقت وابهاجه=حتى دواكم يوافق داه
والعسر عند الله افراجه=ومن يفعل الخيربه يجزاه
ولو يكثر الهرج وافواجه=مايغرشرواك لو ناصاه
يابادع القيل لك تاجه=مُهدى من اهله ومن

بحر الكسرة=
يللي لنا غالي الاثمـان=الود يعـرف قوانينـه
حرام من ودهم خسران=البـاب قفـل كوالينـه
سالم البشري=
الود احاسيس فالوجدان=لاعانق ارواح يازينه
وللآن سر الهوى مابان=حتى نقرر موازينه
بحر الكسرة=
الزين ياصاحبي فتـان=فالقلب يثبـت براهينـه
اللي ابتلا بالهوى حيران=مادام تاهـت عناوينـه
سالم البشري=
مهما تناحى عن الأعيان=يقدر يواصل محبينه
مايورث الهم والأحزان=لو انّه يعز شارينه
بحر الكسرة=
القلب مـن بعدهـم سقمـان=والشـوق فجـر براكيـنـه
يرضيك عايش على الحرمان=فرقـاه مـاضـن باغيـنـه
سالم البشري=
ان كان مبعد عن الأوطان=ابحث عنه في ميادينه
اللي يريد الهنا يافلان=لابد يسعى فتمكينه
بحر الكسرة=
صحيح قولك على برهان=والشور نافـع فتكوينـه
مفتاح سجني مع السجان=جاه الامر من سلاطينـه
سالم البشري=
مادام أمره مع السلطان=خارج عن يديك ويدينه
الله يعينك على النسيان=كم حي فارق مودينه
بحر الكسرة=
واللي خلق كامل الأكوان=لايمكن الود ناسينه
محكوم لاجله مدى الأزمان=لو يطلب الروح معطينه
سالم البشري=
من دون ماتحلف الأيمان=ذا شي مابينك وبينه
لاجل التلاقي غدا شتان=والحظ والف موالينه
تقبّل الوضع مهما كان=وارضاله الخير في حينه
ودام الوفا منهج الخلان=ماتخلفه كبوة سنينه

سالم البشري=
= ترحيب بالعضو بندر الحربي=
الله يحييك يابندر=تسلم لنا وصحت أبدانك
على مرورك لنا تشكر=لاشك شرفت خويانك

محمد سعد اليوبي=
من شانها العين جنب العين=وأيامنـا بيـض وجـدادي
حيرني القاف بين اثنيـن=مابيـن بـشـري وردادي
سالم البشري=
بانشدك أول سلامك وين=ياللي برسم المثل بادي
وافتيك عمّا تبا بعديـن=لسّاعنا فـاوّل المـادي
محمد سعد اليوبي=
مادام بان الهدف ذالحيـن=سلام رب الملاء الهـادي
وتراك ياصاحبي من طين=ويامكثر الطين في الوادي
سالم البشري=
يامرحبا عـوّد الغاويـن=والمعرفه كنـز وعمـادي
ومعلّقه لك فـام الطيـن=اللي ورى الريع من غادي
محمد سعد اليوبي=
تبقى وداعه ليوم الدين=تصدع بها بين الاشهادي
نهار اطلب سداد الدين=واسترجع الدار وبلادي
سالم البشري=
مافيه دائن بدون مدين=وكل شي يرجع للاسنادي
والآن هيا استمع لي زين=وادعم خويّك بالارشادي