ديوان كسرات الشاعر ماجد عبدالله الجدعاني الحربي ( أبومديدة )

كسره من الشاعر القدير
أحمد العمودي
الرد من أخوكم
ماجد أبومديده

جاني لبحر العنا داعي = ودخلت بحر العنا بشراع
ويوم البخت عاكس شراعي =غير مسارُه وجهدي ضاع
ولازِلت في واجبُه ساعي = آنا وموج البحر في صراع
كيف التقي حل لأوضاعي = من بعد ماسائت الأوضاع
لأهل الوفا أفرِد ذراعي = وإن قربوا باع زِدنا باع
وبحر العنا جور وصراعي = ذا رآينا فيه بالإجماع
وإن كان رُباننا واعي = يواكِب النجم فالمطلاع
مهما البخت كان منّاعي = سنبوك الأمال ماينصاع

ماجد أبومديده

الجمعه 9 / 1 / 1429
جرت محاورتين بين أخوكم
ماجد أبومديده
&&
شاعر ينبع العذب
طارق قاضي

( 1 )

بعد الغياب الأليم المـُر=اللي تجرّعـت كاساتُـه
سلام في أول الأسطُـر=من زود شوقي ولوعاتُه
يا مرحبا والمسا أصفـر=يامن على الطيب وقفاته
وللي على المنتدى يسهر=في ليل محسوب ساعاته
قصة ألم حرفها مايسـر=تحكي عن الجرح وأهاته
في خاطري كل يوم تمر=باسبابها الليـل ماباتـه
الآن أبدابـه المحضـر=عن حالة الجرح وسواته
وأسعى معك قد ماأقـدر=وأشرع لكم في مداواته
جرحي كتمته سنه وأشهر=وغضيت عن كل زلاتـه
لازال بالذنـب مايشعـر=بالرغم من كثر غلطاتـه
ماني من الوضع مستنكـر=مـادام ضيـَّع مساراتـه
عاتب لأن العتـب يجبـر=وتقرب على المرء خطواته
أنا بفن العتـب أخبـر=لكن من بعـد سياتـه
شمّع لي الباب بالأحمر=وقفّل جميع إتجاهاتـه
إنت جعلت الوفا مصـدر=صادِق معُه في مُداراتـه
واللي على الطيب مايخسر=لابـد يحظـى بغايـاتـه

( 2 )

قبل الهوى يتم ميلادُه=وأعيشها نشوة الميلاد
قلبي سبقني لميعـادُه=لما تهيـأت للميعـاد
راعي الهوى يعرف أبعاده=اللـي توصِّلـه للميـراد
ومـادام مابـان ميـراده=لايطاوع القلب فيمـا راد
آنا مـع الليـل وجهـاده=أسهر وأشوف السهر مافاد
ماهـل عزفـُه وإنشـاده=حلمي تلاشى وحلمُـه زاد
اللي سِهـر ليـل مافـاده=وطرفه معه في عنا وجهاد
يستحمل الحِلـم وإلهـاده=لايقول عزف النغم ماجـاد
كيف اهتني واكسب وداده=وانا على جمره الوقـّاد
معقول ما شاور فـؤاده=يهدِم ويبني صروح جداد
يجوز قصّرت في إسعاده=وماشاف فيك الوداد وداد
إصبر على نـار وقـادُّه=يمكن فؤادُه معك ينقـاد

ويصحابنا سامحونا

للمعلوميه أن اللحنين كانت مصادفه ليلة فوز الإتحاد على الأهلي
.. لهذا نرى مردود الأخ الشاعر طارق قاضي
( يامرحبا والمسا أصفر )
علمآ بأنه مشجع إتحادي

ماجد أبومديده

خاطره من كسراتي
للإطلاع فقط
أتمنى أن تحوز على ضاكم

أسقيتك الشهد في كاسي=وأسقيتني المُر والعلقم
تقسى على الود وتآسي=وأهل المودات لحم ودم
لايا أسااا جارح إحساسي=لاياخليّ الفؤاد إعلم
إن كان قلبك حجر قاسي=قلبي سواة الجبال الصُم

ماجد أبومديده

خاطره من جديد كسراتي
للإطلاع فقط
أتمنى أن تحوز على رضاكم

ياساعة الأُنس والأفراح=ماأبْغى أشرِك الناس فأحزاني
مادام جور العذاب إنزاح=بوجود ربعي وخلاني

ماجد أبومديده

خاطره من جديد كسراتي
للإطلاع فقط
أتمنى أن تحوز على رضاكم

آصيح مِن داخلي وآوِّن=مِثل الطِفِل لافِقْد غاليه
ومِن يوم قلبي عليك يحِّن=أندم على يوم شِفتك فيه

ماجد أبومديده

في زياره للشريف مشعل بن سالم العمري
اول أمس الإثنين 8 / 2 / 1430 بمنزله في هدى الشام
ونحن في معية الشيخ / عايش الصبحي
ورفاقنا جميل الصبحي & سامي الصبحي
عبدالله المحلبدي & محمد أبوحرق المزروعي
وبحضور كلآ من الشاعر مسعود المعبدي &
الشريف محمد حبيب الله & أحمد بن رزين & حامد أبوزيد ومجموعه من الأخوان الأعزاء
وقد دارت هذه المحاوره
بين أخوكم
ماجد أبومديده من جهه
&&
الشريف مشعل و قابل البشري من جهه أخرى

يامرحبا وأجمل الترحيب=بالشيخ عايش وخويانُه
ربعآ لهُم فالوفا والطيب=تاريخ من سالِف أزمانُه
عسى البقا والوفا مايغيب=عن المعزِّب وجيرانُه
جينا معا ذيب ننصا ذيب=فالطيب راجِح بميزانُه

شواهِد الطيب جابتنا=وأصحابنا طيبهُم مشهود
سلام فأول زيارتنا=حسب الذي بيننا معهود
هذا منانا وغايتنا=ونفرح بشرواك يوم يرود
ترحيب ترجم محبتنا=الله وخلقُه عليه شهود
كُل يوم تكبر علاقتنا=مِن راعي الجود زاد الجود
نِظهِر فرحنا بدمعتنا=وياشينها فرحة الملهود
إنتم وحِنّا صداقتنا=على الوفا كُل يوم تزود
ياصاح دمعتك زادتنا=وإحترت فالفاعِل المفقود
كيف أشتكيلك مصيبتنا=وأنا على فرحتي محسود
صروف الأيام هدّتنا=خلت جميع الليالي سود
أيامنا طول مِدتنا=ساعات تبخل وساع تجود
لكِّن سهِّل مهمتنا=حتى معك نبذِل المجهود
جروحنا في مودتنا=تسري مِسا والصباح تعود
ومادام شاهدت حالتنا=بالجُهد ماأنته قصير زنود
اللي بلتنا وداوتنا=في ميلها عدلها موجود
وحِنّا على حسب شوفتنا=تسعى وراعي السعو محمود

ويصحابنا سامحونا

ماجد أبومديده

الإثنين / 28 / 2 / 1430
أدرج لكم هذه الخواطرالمتواضعه
من جديد كسراتي
أتمنى أن تحوز على رضاكم
1

أنا والأحزان داخِل سور=عالي ومبني عليه سياج
ومِن يوم بان الأمل والنور=تقّفْل الباب والمِخراج

2

نار المخاليق ماهي نار=النار في داخلي تسعر
لو إن يجيها بحر وأنهار=تزيدها كُل يوم أكثر

3

دكتور جرحي توّحْل فيه=يبكِيه والناس يبكوني
كُل ماعطاني دوا يحييه=وأشاهِد الموت بعيوني

ماجد عبدالله الجدعاني الحربي
( أبومديده )

[align=center]

أقيم أمس الأثنين 28 / 2 / 1430
حفل عند الأخ العزيز
أحمد بن رزين الشعلان في هدى الشام
بمناسبة سبوعة مولود إبنه خليل
وتخلل الحفل لعبة الزير
وقد دار هذا اللحن بين أخوكم
ماجد أبومديده
&
أحمد العمودي

يامرحبا والهدى في بسط=بحضوركم ياثقات رجال
عسى البقا والمِزن لاحط=يعِم سيلُه سهل وجبال
سدْ الرفيعه تقفّل خط=ونبغى لنا للعُقد حلال
خلك مِعي وإلتزِم بالشط=أخوك دونك بحال ومال
ماسار بيني وبينك شرط=يوم إن شرواك حط وشال
حرف المثل شكّلُه بالظبط=وعِندي لمثقالكُم مِثقال
مارضيت تفزع وتتوسط=وأنا بحاجه لرُبع ريال
إنته مطالب بسدْ القسط=وتشكي على الناس ضُعف الحال

ويصحابنا سامحونا[/align

في ليلة كساها الفرح والود والوفا والصفا
بمناسبة حفل زفاف إبن أخو الأخ العزيز
الشريف عبيدالله غريب
الثلاثاء 2 / 3 / 1430 في قصر الجوهره بالجموم
وعلى أنغام العاج والحدري
دار هذا اللحن بين
أخوكم
ماجد أبومديده
والشاعر الرائع والعذب
صلاح المطرفي

ماجدأبومديده=
المطرفي لو درى عني=مايحتِمل آه فالأهات
عايش مع الناس لكِّني=محسوب ميت مِن الأموات
صلاح المطرفي =
خصّيتِني وإستِمع مِني=ياماجد إسمع آنين الذات
مع وضعي أحسِبك مِتهنْي=لايغُرّك الضِحك والبسمات
ماجد أبومديده=
أنا آحضْر الأُنس وأغنْي=وفي داخلي أكتِم الونات
لو صابك اللي تمكّنْي=تغرق بدمعه مِن الدمعات
صلاح المطرفي =
الأن لازِم تعلمّنْي=حتى لُكم نِصدِر الوصفات
وِش سبب الهم فهِمّنْي=حتى الدوا يبري العِّلات
ماجد أبومديده=
آقفا عن الدار وأحزّنْي=يوم الفرح نكّس الرايات
وعطف البشر مايطمِّنْي=والطِب مايرجِّع اللي فات
صلاح المطرفي =
فالمِعتِلي إحسِن الظنْي=وقت السحر إرفع الدعوات
وخلك لهُم دوم مِتمني=مِنزالهُم عالي الجنّات

ويصحابنا سامحونا

بعد التحيه والإحترام
أكتب لكم هذه الخاطره من كسراتي
لعلها تحوز على رضاكم

عـادات الأيـام دواره=أقل ماهـو يغثرِبهـا
والنفس بالسوء أمْارَه=واليوم حاسِب عواقِبها

ماجد عبدالله الجدعاني
( أبومديده )