ديوان كسرات صقر المقرح

جيتك أذكرْك بايّامي= واللي فوسط الخفوق اخفيه
ما شفتلي حلم فاحلامي= إلاّ وطيفك يجيني فيه

يانجم عالي مابين انجوم=ومن حولك انجوم منتثره
تسبح فبحر الفضا وتحوم=ياحر يامعتلي قدره
عساك تسلم لنا وتدوم=تبقى لنا تجبر العثره
لله درك زعيم القوم=اللي نثر بالشعر عطره
والله اودك ولك ملزوم=ماخالف القن فالكسره
راعي الوفا مثلكم محشوم=ومثلك لنا للقيم نظره

!
!

كسبت في الطيّبات اسهوم=تقدير عشره ÷ عشره
غالي وودي لكم معلوم= يا عد نرشف صفا نهره
القيل بين العرب محكوم= من خالفه يجنيَ الحسره
ياكم فبحر الحروف يعوم= أهدافه الكم والكثره
والبعض ما يلتفت لسلوم= عند العرب ، والعرب تشره
كل ما بنا بالخيال احلوم= صارت مع الوقت مندثره

ما دمت تسكن صميم الذات = أبغاك تحرص علـى الآتـي
لاسْمِعت وسط الخفوق آهات= أرجـوك خفـف معاناتـي

ماكنها تسمع منادي = بسكات راحت مثل ماجات
ياليتها قدرت زادي = وخلت عيون السهير تبات

! !

! !

هدّي وخلك معه عادي= للود وضعه وله حزّات
يرجع مع الصبر متهادي= وتعوّض الوقت واللي فات

سلام يامن قـرا الآتـي= ويفيدني في أمر شكواي
من صوب القلب هل يآتي= والا ماهمه امر بلـواي
حيـاك ياسيـد ساداتـي = شكواك زادت عليّ ابكـاي
اللـي أعَرفْـه بخبراتـي = يرجع وتسعد بصوت الناي
كرهـت كـل الملـذاتـي = من بعد ما خانني مرمـاي
واليـوم ياكثـر حسراتـي = مطعون من كثر هرج عداي
سهم الهوى معتلي عاتـي = ضريبته ترهق الشّـراي
مثلك انـا زادت آهاتـي = وبالصبر هانت عليّ بلواي

لا زلت ناطر سنا فجرك= إعطف وخل الدّلع بعدين
مهما تماديت في هجرك= مسكنْك دايم حجاج العين

البحر فيه الخطر .. لكن=في جوفه الدر والياقوت
محلى جماله وهو ساكن=وإن ثار سبب دمار وموت
ياكم على شاطئه راكن= سفن كبيره ومعها يخوت
وفي عمقه الأزق الداكن= تسكن قروش الخطر والحوت

بعد المغيبة وبعد الدار =سلام ياصحابنا الغالين
الوصل أطفى فقلبي نار=في وقت ليله طبق ليلين

.
.

حياك يالفارس المغوار= بقدومك اليوم فرحانين
مثلك وشرواك له مقدار= فقلوبنا لو يغيب اسنين

يا طير نايح على الأغصان= إهدأ ترا النوح يشجيني
نوحك على مفارَق الخلاّن= وانا اللي فيني مكفّيني

ياصقر عقب البطى جاني= ندمان ترجيني دموعه
وأحترت في توبة الجاني= اللي جهلت أكثر طبوعه
دامه سكن وسط الاعياني= راعيه في حزة ارجوعه
خللك معه حيـل فنّانـي= رجع ، يفهّمك موضوعه