قايد صف ينبع الشاعر عايش الدميخي مع أخوكم ماجد أبومديده في لحن

جرى هذا اللحن بين
أخوكم الشاعر / ماجد أبومديده
وقايد صف ينبع البحر الشاعر / عايش الدميخي

ماجد أبومديده=
أنا والأشواق قررنا=نبحث عن الطيب حيث يكون
وبعد القرارات صدّرنا=سلام فيه الوفا مضمون
عايش الدميخي=
مثلك تعبنا ودورنا = ومن طيبكم خاطرى ممنون
وعن مثلكم ماتخيّرنا= يامرحبا والعسير يهون
ماجد أبومديده=
بالود فاضت مشاعرنا=وودادكُم مِشتهر معلون
واللي يفرِّح خواطرنا=تكميلكم ياهل القانون
عايش الدميخي=
سوايرك من سوايرنا = وما يصيبنا فى وفاك ظنون
وان كان قصّرت تعذرنا = المرء يا ما تجيه شطون
ماجد أبومديده=
شواهِد الطيب تأسِرنا=في فنك الناقي المصيون
والأن نبغاك تحضرنا=وتلقي لنا البال هون بهون
عايش الدميخي=
تحت الطلب وانت تأمرنا = آمر وانته علينا تمون
وللى يجى منك حضّرنا= ما يلزم لقولك الموزون
ماجد أبومديده=
حاير ويبغى يحيّرنا=ويطشنا في لهد وغبون
لا عسعس الليل ناحرنا=إلا يحارب حجاج النون
عايش الدميخي=
ابغى اسالك وانت خبِّرنا= بالرمز عن خافى المكنون
حتى اذا الحكم حررنا = ما تلومنا فى سهرها عيون
ماجد أبومديده=
ياما كتبنا وسطّرنا=بدموعنا والعرب يقرون
واللي اسانا وكدّرنا=مارّق في حالة المغبون
عايش الدميخي=
مهما تعبنا وتضررنا = ومهما نلاقى العذاب فنون
ما نطيع منهو يحذِرنا= والنُصح مايطيعُه المفتون
ماجد أبومديده=
كُل ماصبرنا وثابرنا=تجددت للعذاب شؤون
والحق لو مايناصِرنا=يزيد فوق الحزون حزون
عايش الدميخي=
فالليل كل ما تذكرنا= ما صار ويصير لهل الكون
حاول وقُلُه أواصِرنا= اقوى من الظن والمظنون
ماجد أبومديده=
نحنُ معا رأيُكم سِرنا=على رسم جوهري متقون
لكنه اللي مسهرّنا =كل يوم يصدر عذابه لون
عايش الدميخي=
وشائج الود تجبرنا = نرعى عهود الهوى ونصون
ولولا التعب فيه ما صرنا = نقول كسراتنا ولحون
ماجد أبومديده=
عنيد للود ناكِرنا=ولاقدّر الخاطر المحزون
ومادامك إنته تقدّرنا=لاتكُبني فاللهد مدفون
عايش الدميخي=
ان كان قصدك تشاورنا = ابشر وهذا الامر مسنون
موقفك ناير يبّشِرنا= انك على الجانب المأمون
واختم كلامى يا شاعرنا = واقول ما انته لهم مديون
ويعوِّض الله خسايرنا = بامر يصدر بكاف ونون

ويصحابنا سامحونا
ماجد عبدالله الجدعاني الحربي
( أبومديده )
وإلى اللقاء في محاورات أخرى

الأخ الكريم ماجد أبو مديدة


بيض الله وجهك وبيض الله وجه الشاعر عايش الدميخي

لحن راااقي وجميل

ونحن في انظار الجديد من إبداعك


لك خالص التقدير

عنـيـد لـلـود ناكِـرنـا =ولاقدّر الخاطـر المحـزون
ومادامـك إنتـه تقـدّرنـا =لاتكُبـنـي فاللهد مـدفـون

ياسلام يارائع ياماجد ابو مديده

شهادتي فيك مجروحه

ويسلم شاعرنا القدير ابوطلال

دمت بالف خير وانت مبدع اين ماكنت

دمت ودام لنا ابداعك

المعذره يالغالي ماجد
طلب بسيط ياخوك
في لحن جميل كان بينك وبين صابر المحمدي
ياليت تسعفنا به بدون أمر عليك

صحت السنتكم

ويعطيكم الصحة والعافية

دمتم في حفظ الله ورعايته

والله والله حقيقتا اسعدتوووونا
وطـــــــــــــــــــربتونا بمعنى ومغنى آ يها الشعراء
العمالقه صح السانك اخوي /ماجد وصح السان
ابو طلال وبيض الله وجيهكم جميعا
وننتظر من كلي كما الجديد...
تقبلو تحيات اخوكم/عمر العويضي

الأخ الغالي والعزيز ماجد ابومديده والعم الغالي والعزيز عايش الدميخي
صح لسان كل منكم وسلم بنانه وبيض الله وجيهكم على هذا المحاوره الجميله والرائعه والمليانه معنى ومغنى بصراحه شي يثلج الصدر
ابدعتم فامتعتم لكم مني الشكر على ماتحفتونا به من ابداع راقي وفن أصيل
دمتم بود وبخير وتقبلو تحيتي العطره

الشاعر الراقي .. ماجد ابو مديدة

سلمت و صح لسانك و لسان الشاعر عايش الدميخي

لحن رااااااااااقي و جميل

و من اروع ما يكون

أخي ماجد أبو مديدة

لألحانك صفة العذوبة العصرية

في ثوب الأصالة

سلمت على هذا الإبداع

وصح لسانك ولسان الشاعر عايش الدميخي

وعافاك الله ورعاك

	صحت السنتكم والله يـعـطـيـكم الـعـافيـــــــــــة بيض الله وجيهكم