وش عاد من روح تصفاله .... تهون عنـده 100 مليـون

سلااااااااااااااااااااااااااام يا أصحااااااااااااااابنا



يسعدني طرح هذا اللحن الذي دار بيني و بين أخوي الغالي .. فواز الزويهري

سـلام نبـدابـه القـالـه=ينصى هل العرف و القانون
قّـدام لا نشـرح الحـالـه=سـلام للـي لنـا يوفـون
ترحيـب يرويـك همالـه=و الكيل وافي و لك موزون
اكتب و حرر لنـا رسالـه=فيها الهدف كامل المضمون
عسى البقا يا هـل الطالـه=و ياليتكـم عننـا تـدرون
القلب لو نشكـي اهوالـه=يظلم في عيني جمال الكون
الغيب لو نـدري احوالـه=ما كان يا صاحبي تشكـون
هيا ابتـدي قـول موالـه=لعـل قلبـك عليـه ديـون
لي قلب صابر على اشكاله=مجروح و الدمع شاب النون
يا آه ما جيـت فـي بالـه=فوق الاسى بالهجر يقسون
يا صاح لا تقبـل اهمالـه=لابد توصل لهـم عربـون
و العيـد لا تسبـق هلالـه=كمل صيامك كما المسنـون
سنيـن و آنـا اتهيـالـه=يرفق على خافقي المحزون
وش عاد من روح تصفاله=تهون عنـده 100 مليـون
المال ما يوصـل وصالـه=يا ليت من روحكم تعطـون
وان كان ودك على اقبالـه=لابد فـي طبعهـم تقـرون
غريب الاطوار في افعالـه=جميع الالوان عنـده لـون
اللي شكـى هـم غربالـه=يا كيف في معالجه تسعون
البحـر لا مـاج بنكاله=اخفض شراعك لحين يهون
ولابـد جـوك بيصفـالـه=لاكنت كاتب لمـا يملـون

بصراحه ابداع xابداع
شي مو مستغرب من الزواهره
دايم مبدعين ويتلذذون الابداع
سلمتم ويكفي شهادة أهل الاصاله والتاريخ على ما سطرته حروفكم
دمتم ودام لنا أبداعكم يابوغازي ويابو محسن

سلمتما على هذا
الابداع
والمحاورة الشيقة
دمتما مبدعين

	صح لسانك كسرة رائعه والله يـعـطـيـك الـعـافيـــــــــــة بيض الله وجهك

أشكرك أخوي عبد العزيز على نقل هذا اللحن

حقيقة أجد متعة في الألحان التي أجريها معك


صحيح أنيق في حرفك تحسن وتجيد جذب المتلقي والمتحاور معك

وتجعله جزء من معاناتك ومشتكاك

لا أقول ما أقول تحيزا فالبينة واضحة للعيان وهذا اللحن قطرة

من بحر إبداعك فلله درك


ولك خااالص التقدير

أبو غازي وأبو محسن

لله دركما

حقيقة إبداع حوى الصور الجميلة

والحكم البليغة