ديوان الشاعر عبدالعزيز الزويهري

في زحمة الناس بالأفراح=عيّا الفرح يفرد جناحـه
ما ألوم دمعي اذا انه طاح=مقسوم لي قلـة الراحـه

خل الأمل للحياه وشـاح=وكل شى مكتوب فألواحه
لابد ما للفـرج مفتـاح=والصبر ياصاح مفتاحه

يا صاح قلـي وش الدبـرة=لاصرت مثلي جريح الوقـت
تخنقك عبـرة ورى عبـرة=وانت في زهر العمر ما شبت
يكفيك من صوتـي النبـره=فيه المواسا علـى ماقلـت
الوقت جرحـه لنـا خبـره=داوي جروحك بصبر وصمت

قمري تعـدا و نـوره لاح=مع ظلمة الليـل و سكونـه
و بطرف عينه تركني و راح=غرقان في نظـرة عيونـه
حذراك تطرد ورى السّفاح=تغرق في الامواج من دونه
ترى الهوى في الحشا ذباح=ويبيـح راعيـه مكنونـه
يا بو سعود القمر لا لاح= ياكم ناساً يشوفونــــه
والا الهوى يافتى ذبــــاح = خص(ن) ليا لد بعيونه
من عام غبة غزير الباح=مايجهل العـوم دندونـه
ولايخضع لمشرط الجراح=من كان عنده دواغبونه

يا من فـي قربـه تولعنـا=و عشنا معه أجمل اللحظات
اليـوم مـن بعـد فارقنـا=ذقنا الأسى في صميم الذات

الهم و الضيق و الحرمـان=صاروا رفاقى معي فالدرب
و الدرب كله اسى و أحزان=شرق وشمال وجنوب وغرب
مهماالامل سكـر البيبـان=واعلن زمانك عليك الحرب
ماخاب من قال يارحمـان=بامره يزول الاسى والكرب

نظرة عن حدودهـا امتـدت=اعتادت المنظـر المبهـور
من يمنع العيـن لا لـدت ؟=و الطرف في مشاهده مجبور
من دونها جيوش لو عدت=وركاب ابو جعفر المنصور
لاهبـت العيـن لاهبـت=ما للملك فالبـلاد قصـور
نظرتـك مــن قـلـب وارتــدت=عن أمر في صفحته مسطور
تبقـى لـو ان الـعـرب شــدت=ما يردها العرف والمحضور

أحببت طرح الكسرة بقصتها حتى تتضح رؤيتها أكثر
في احدى الليالي اجتمعنا في استراحة أخونا الغالي ( وليف الشوق )
و كان من ضمن الحضور كلا ً من .. بيان الصمت و ماهر ابو خالد
و وليف الشوق .
فدار حديث بين ماهر و ابو محمد حول القلب كيف يحب ؟ و كيف ان
الانسان يستطيع أن يجنبه هذا الطريق ؟
الشاهد .. ابو خالد يقول ان القلب يحب كل شئ و لا يستطيع الانسان
السيطره عليه حسب الظروف المحيطه به
و ابو محمد عارض فكرته نتيجة ان القلب لا يحب الا بموجب مدخلات
لها تأثير كنظرة العين تكون سببا ً لذلك
و ابو خالد يرفض النظريه و ابو محمد يحاول اقناعه
ابو خالد يرفض النظريه و ابو محمد يحاول اقناعه
المهم ما بين الاقناع و الرفض
كان المنظر حماسي و انفعالي
و في هذا المشهد
طلعت معي هذه الكسرة
أخاطب فيها ابو محمد و أقصد بها ابو خالد[/align]

رهيّف القلب ما يقدر = ما يطيعكم لو ذهب تعطوه
لجله مع الحب متسنتر= ضاري على حال ما عشتوه

[/QUOTE]

يا نظرة العيـن قوليلـه=لا وين و آنا مع أشواقي
ودي من العمر لو ليلـه=أقضي بها عمري الباقي
خوفي من العين توحيله=وتصيب في عشقها راقي
ترمي لك الحال في حيله=تقضي بها العمر متواقي
من بعد فرزة وتحليلـه=والبحث في حرفك الراقي
ولياي مالي معه حيلـه=(الجم مايجمل الساقـي)
مبـدع يـصـور تعاليـلـه=ساهـر بليلـه ولا فـاقـي
يطرب بلحنه على شيله=يدور وليفه ومـو لاقـي

لي قلب عاشق يحب انسان=و راسم جميع الأماني فيه
لكن حسافه على ما كـان=عيّت ظروف الزمن ترضيه
ماحد من الناس يالشيهان=يحصل على كل مـا يبغيـه
مير الأمل شمعتـه برهـان=تفتح لك الـدرب وتضوّيـه

قالوا مرادك كثيـر بكـاه=نحيل جسمه مـن العلـه
قلت آه من حالتي و لاواه=وش حيلتي دامني مثلـه
الود عن راحتـه يشعـاه=لا استوطن القلب يحتلـه
غير المواصل صعيب دواه=ياطيب الـذوق والملـه