ديوان الشاعر عبدالعزيز الزويهري

لحن قديم بيني و بين فواز الزويهري

يا سادة الود وأربابـه=أفتوني فالود كيف يكون
ود الكبيرة مع اتعابـه=يفوق منه لبان اسنـون
الود قاسي على أصحابه=يجعل صحيح العقل مجنون
اما حسب غاية احسابه=تلقاه تحت الثرى مدفون
الـود نبذلـه اسبابـه=مافتيتني بالهوى مطعون
الجرح زدته على مابه=ياليت من نارنا تصلون
الصبر يقفل لك أبوابه=داوي جروح الهوى بالهون
قبلك شكينا من أنشابه=و ما شفت مثل الصبر مضمون
الصبر في حالتي إعرابه=مفعول مطلق ونصبه نون
إن كان عندك بعد جابـه=هات الدوا بالدوا ممنون
بسياسة الود و اخطابه=سايس أمورك معه بفنون
ان صد و أقفى عن اعتابه=انساه لا يتركك مسجون
سـاس البلـى ناشـر كتـابـه=مسموح لي والعرب يهبون
أصل البلى الوصل نكوابـه=الوصل يقتل كثير اشجـون
شوف القمر لا بدا اغيابه=الليل موحش و ما له لون
الوصل كل تغنابه=و اللي فقد ذا الوصل محزون
شوف النحل واذكر اعجابه=بالوصل يا صاحبي ينفـون
والرعـد دوَا لنـا خطابـه=في لحظة الوصل بين مزون
أشوف ودك وسط غابه=خارج عن النص و القانون
اللي في وضعك مع أحبابه=يبعد و بكرة له يحنون
يا صاحب الكحل فهدابـه=أعميت عينه بمسح النون
الـبـعـد مــحــدٍ تـهـقـوابـه=الموت في بعدهم مسنـون
غريب أمرك من أقرابه=كنهم على ودكم يلهون
ثوب القسا البس اثيابه=لعلهم بالقسا ينهون

هذه الكسرة لفواز الزويهري

يرثي بها أحد أبناء العمومه

سجلت بالمنتـدى تعبيـر=من قلب صابر على مصابه
بالآمس غالي نعاه الطيـر=واليوم غالي طـوى ثيابـه
يالله ترحـم هـل التقديـر=ارجال فـي فعلهـا ذيابـه
ارجال شادت مزون الخير=مامنهم اللـي قفـل بابـه
صحيح فقد النشامـى غيـر=و القلب يلوى من مصابـه
في فراقهم صابنـا تكديـر=ما ألوم منـه شكـا مابـه
دروبنا نفـس خـط السيـر=و الله مـا عنـه مجنـابـه
ادعي و غير الدعا ما يصير=مـا دام ربــي تـولابـه

هذه الكسرة لفواز الزويهري

يرثي بها أحد أبناء العمومه

سجلت بالمنتـدى تعبيـر=من قلب صابر على مصابه
بالآمس غالي نعاه الطيـر=واليوم غالي طـوى ثيابـه
يالله ترحـم هـل التقديـر=ارجال فـي فعلهـا ذيابـه
ارجال شادت مزون الخير=مامنهم اللـي قفـل بابـه
صحيح فقد النشامـى غيـر=و القلب يلوى من مصابـه
في فراقهم صابنـا تكديـر=ما ألوم منـه شكـا مابـه
دروبنا نفـس خـط السيـر=و الله مـا عنـه مجنـابـه
ادعي و غير الدعا ما يصير=مـا دام ربــي تـولابـه

كسرة وصلتني و لا اعرف قائلها

ليش الهوى والذي نهواه=في خصام دايم معى قلبي
ياليت أقدر على فرقـاه=واعزي الروح في حبي
هذا الهوى و العنا ممشاه=يعيّف الـزاد و الشربـي
و اللي بيخفف ألم شكـواه=يصبر و صبره على ربي

هذه الكسرة أيضا ً لا اعرف قائلها

و لكن وصلتني بمناسبة عيد الفطر المبارك

سلام عبر الأثيـر يـذاع=وافـي ويحمـل أمانينـا
فيها الصفا واضح الإشعاع=للكـل وهـذي تهانيـنـا
يا مرحبا و القلوب اشراع=للـي يصافـي و يوافينـا
ترحيب واجب لكم يا اسباع=في كل وادي وكـل مينـا

هذه الكسرة لشخص ملقب نفسه .. جفن الغزال

لا صار حظ اليسار يمين=ويمين ليسار ما تـاوي
قولي دخيلك أروح لمين=ولمين أرجع وأنا مساوي
بالود و العطف ثم الليـن=تلقى الصفا فالسما ضاوي
داري أمورك على التمكين=و في غيرها ربنا مداوي

أنشيد حسب الهدف بنيان =جويد ساسه مهوهايف
من يافي الدين لديان=مامون ومن الغدر خايف
أهل الوفا عمّروا أوطان = و امن الوفا طيبهم كايف
و اللي رسم للحروف الوان = يبان من مظهره الزايف

سؤال وأطلب لـه الفتيـا=لوكان مـا للعبـاد عيـون
بيكون عشق الفتىرؤيا=ولابغيـر النظـر بيـكـون
لو كان كـل العـرب عميـا=مـا ظنتـي الهـوى بيهـون
ما دام صوت الهوى يحيا=بين العرب الفتى مفتـون

سـلام واسـأل قنـاة الــود=بالكـام بثـت لنـا الإرسـال
يشوفهـا اللـي معـاه النقـد=كيف البصيره فقير الحال
ترحيب منها عبير و ورد=ترحيب صافي وجوه عال
مـن نونهـا ردهـا لــك رد=الـصـبـر يـجــدّد الآمـــال

عطني على هاتفي رنه=نحيي بها وقتنا الماضي
و الا رساله بها حِنـه=لو كان مضمونها فاضي