ديوان الشاعر عبدالعزيز الزويهري

سلام شادي لك ألحانه=يا صلك عالنت مرساله
مرسوم حرفه في قيفانه=قدّام لا نبّـدي القالـه
يامرحبا الورد واغصانه=من طيبكم طاب منزالـه
والمعذره عطل من شأنه=لاميل العلـم واعقالـه
عسى البقا لك بألوانـه=ياللي الوفا دوم تسعى له
مقبول عذرك في ميزانه=و أبغاك في علم تنصاله
الطيب اللي مع احسانه=والحكـم للرجـل معدالـه
والعلم لو يطلق السانه=الكل يبقـى علـى حالـه
القلب يشكي لك أحزانه=و الهم حله وترحالـه
أسبابها اعيون فتانـه=اعيون للنـاس قتالـه
لو يشكـي القلـب خلانـه=لابــد فــي يــوم يعنـالـه
وظل الحواجب وكحلانه=ماهي دليله على ارساله
طفل ٍ دموعه على أعيانه=يا كثر ما يشتكي لخالـه
يشوف غيره من أقرانه=يمشون و المشي ما ناله
لن كان ماهو كما اخوانـه=والخال يدري عن احواله
خـلـه لـربــك وسلـطـانـه=ارحـم مـن العـم واعيالـه

شيبني الهم وأنـا شـاب=من ثقله أمشـي بعكـازه
حتى الامل لا انفتح له باب=لدواه ينصـك و لا حـازه
لجيل الشباب ،، ادعوا شياب=طلابـة افــراح معـتـازه
قلب الفتى من جروحـه ذاب=محمـول للشيـب فجنـازه
الكل لاهي في حاله وغاب=مهموم جالس في مركازه
يا كيف لا كثرت الأسباب=أجلي عن الهم و أجتازه
احرص على رازق الالبـاب=ادعي وتأمل ،، في اعجـازه
وشلون قلب الفتـى لاتـاب=تُفتح ،، له ادروب ممتازة

أنا أحسبن القمر عالـي=أثر القمر بيننا فـالأرض
شفته و شوفه برى حالي=يا ليت شوفه عليّه فرض
مايكفي الشوف ياغالـي=لازم زياره وجس النبض
ضو القمر دوم يحلالـي=واللي ظفربه كثير الحض

اللي يبكّـي عيـال النـاس=لابـد مـا يـوم يبكـونـه
و اللي زرع فالخليقة احساس=من زرعه النـاس يودونـه

اسبوع غايب عن الكسرة=و انضام قلبي من الحرمان
في بعدها عايش ابحسـرة=ما كني الاّ فقـدت انسـان
اسبوع غايب ويا كثـره=يا صعبها غيبة الولهـان
ما يسعد القلـب ويسـره=شوف الحبايب مع الخلان
ترحيب فايح لكم زهره=بعد التغرب عن الميدان
والقلب يعفيك من وزره=أتقبـل الله ذا الايمـان

فانوا وطلعوا شباب الكـول=و الكـل ممشـاه متسمّـد
خارج عن النص و المعقول=من شافهـم صـد متعمّـد
حتى البنات ضنـي مـول=من فعلهم صرت متجمـد
صرعات موضه لها بتجول=إلا بنـات النبـي محمـد

وا ون قلبي نهـار اتغيـب=وا ونتـه وا عنـا حالـي
من لوعة البعد راسي يشيب=و الكون أشوفه فضا خالي

دار هذا اللحن بيني و بين اخونا الغالي .. فواز الزويهري
بعيدا ً عن أجواء الملتقى
تحت القمر ... و على شاطى البحر ... و برفقة برّاد الشاهي
مع نسيم الليل ... فقال .. عندك و الا عندي ..
فكان حديثه هي نقطة البداية في هذا اللحن .
البدع مني ... و الرد من فواز

هات القلم بكتب الكسرات = بريّح النفس و أرضيها
يا علّها تخفف اللوعات = و ألقى مداوي يداويها

هاك القلم و اشرح الحالات = و احروفك احذر تغبيها
أنا طبيبك على الهقوات = و النفس نعرف مناويها

في النفس غاية عن الغايات = يا بُعدها يوم تطريها
قدّام عيني بُعد خطوات = و رسم المسافات يشقيها

احذر تمهّل من الصبوات = الروح بالروح ترشيها
ادفع مقدّم مع البسمات= بُعد المسافات تطويها

لا وين وأنا مع الأهات = أبدي و أخفّي شكاويها
الليل يمضي و أنا ما أبات = كِلّي تفاكير أعانيها

شوف البحر تاخذ العبرات = و الروح بالموج وازيها
هذا الهوى عقّب الويلات = كالموج روحك عثا فيها

ما بين الأمواج و الأصوات = و ما بين روحي و معانيها
جيتك أنا طالب الفزعات = انصف و داوي مأسيها

للقلب من جرحكم ونّات = ونّات قلبك أقاسيها
لذلك أوصف لك الوصفات = وصفات يا ليت توفيها

هيّا معي ارفع الرايات = هات النتايج و بدّيها
ارسم و بيّن لنا اللوحات = اللي على الدرب نوحيها

يا صاحبي صاحب الهمّات = الروح واجب تراعيها
بالوصل داوم على الجرعات = اصبر و ربك يسويها

[/QUOTE]

السلام عليكم و رحمة الله و بركاته
أسعد الله أوقاتكم يالربع بكل خير
أحببت في هذه المشاركة طرح هذا اللحن و الذي دار
في يوم الأربعاء ليلة الخميس الموافق 14-15/1/1428هــ
بحضور و اشراف من أخونا الغالي أبو روان النويمي
البدع من ... فواز , صقر المقرح , أبو فرح
الرد من ... الزويهري , بيان الصمت , البحار خالد

سلام و بعد السلام انقول = درّج معانيك بالهوني
و احذر ترى حاضرك مسؤول = في حضرة القيل قانوني

يا مرحبا و الليالي تطول= ترحيب من شادي الحوني
نصفى مع الوقت بالمعقول = و انعيش للقاص و الدوني

عسى البقا و الفرح مامول = و أجاذب الصوت بشجوني
يا أهل الصفا قلبنا معلول = و لا يوفي الحرف مكنوني

لا باس يا مشتكين القول = اشرح و حنا لكم عوني
نسعى لدواكم من المحصول= صافي مثل هل الأمزوني

المشكلة جيتهم بقبول = بالصد يا أصحابنا جوني
مسمار قلبي غدى محلول= في ودهم صرت مرهوني

لا زال عندك سبب مجهول = في القلب مخفي و مدفوني
من شان نوصف لك المحلول = يلزمك تحليل موزوني

الناس تشهد عليّه حول = بالباب ناديت يا عيوني
مير الصدا جاب لي المدلول= أخلف مساعيّ و اظنوني

زود المطر يقتفيه اسيول = من لا احترس راح فاغبوني
برق الأمل قبلها مرسول = و الزود ياتيك بحزوني

حنا الأمل عندنا مجبول = يا ليت بالمثل جازوني
الزرع فيه الثمر محمول = لو كان بالطيب راعوني

ما دام قلبك مع المجمول = و امسلّم الوضع مفتوني
و عن طبنا فكركم مشغول = لك مالك الكاف و النوني

و سلاااااااااااااامتكم[/QUOTE]

لا تجرح القلـب بغيابـك=القلب في البعـد يتكهـرب
يكفي أنينه مـن أسبابـك=يوحيه من كان في المغرب