ديوان شاعر الكسرة الاستاذ غازي سعيد هديهد السريحي

اغلط عليه وانا مسامحك=اغلط عليه ولا تبالي
اغلاطك تعد في صالحك=المر من عندكم حالي

اللي زعل ماندور رضاه=لانه اللي مزعلنا
في سابق الوقت علمناه=واليوم يبغى يعلمنا

قالو علامك ماعاد تقول=ابيات فيها غزل طايب
قلت لهم شي مو معقول=كيف الغزل يتبع الشايب

الملعبه وضعها طيب =بنجومها مانشوف قصور
بوجود عوض الله وحبيب= وفيصل وصياف مع مستور

نشدت الاصابع بعد ماطاح=تركتني ليه ياصباعي
قال السبب مشرط الجراح=يقول مالي معك داعي

بعد التقاعد حسبت حساب=لقيتني للعرب مديون
والمشكله في كثير اصحاب=تظنني أملك المليون

قالو علامك كذا عجلان=كل ماتجي ترجع تسافر
جاوبتهم لانني مرضان=والحال تصعب على الكافر

عامين ياصحابنا عامين=لازلت طايح على فراشي
مدري متى تنهض الرجلين=واشوفني بينكم ماشي

ان جيت مااسال عن الغياب=وان رحت ماسال بمن جوني
وارضيك وازعل كثير اصحاب=وان زعلك شي ماارضوني

مهما بذلنا معاك الجهد=نظل عندك من المخطين
اللي انكتب في جبين العبد=يقلون لازم تشوفه العين