ديوان شاعر الكسرة الاستاذ غازي سعيد هديهد السريحي

واعدتني من ثمان شهور=واخلفت مرات ميعادك
واليوم ياصاحبي معذور=كثر المواعيد مافادك

العام بكيت ماجاني=واليوم ياليت زي العام
كل عام اسوا من الثاني=على كذا دورة الايام

مهما تزايد ظلام الليل=نور الفجر لاطلع يلغيه
وانا ظلامي بلا تبديل=شمس الضحى ماتاثر فيه

ابوع غلق بعد اسبوع=واشوفكم بالخطا راضين
مافيه من يفتح الموضوع=ويقول لاهل الخطا مخطين

بيني وبينك عقاب الله=الاخرة تنهي المشوار
اللي اخذ حقكم يلقاه= واللي ظلم ينكوي بالنار

صار المدرس بلا تقدير=الله يعينه على مابه
بالبيت مهتم بالتحضير=والمدرسه هم طلابه

اللي بلا واسطه مسكين=محل مايتجه مرفوض
واللي معه واسطه بالعين=محل مايتجه مفروض

تحتاج تدريس ياناقد=قدام رايك لنا تبديه
للعلم والمعرفه فاقد=وفاقد الشيء مايعطيه

يكثر الله من خيرك=ماعندنا بالنهايه شك
لو انها دامت لغيرك=اكيد ياخوي ماوصلتك

لو كان نهرج مع الاموات=واعلم ابوي ماجاني
ويعلم الربع مما فات=يقول شاركني اكفاني