ديوان شاعر الكسرة الاستاذ غازي سعيد هديهد السريحي

الله يامسرع الايام=كل يوم ننظر يجي بكره
أيام تمشي بنا قدام=لحد ما نوصل الحفره

اللي يسافر يبي له زاد=واللي بلا زاد مايقوى
تزودوا لآخر الميعاد=الآخرة زادها التقوى

مرت عليه ثمان أعوام=كل عام يزداد همي هم
والهم باقي معي قدام=والمشكله بين لحم ودم

مهما تمتعت باللي فات=بالمال والجاه والتقدير
ليا حضر هادم اللذات=ماينفعك غير فعل الخير

انصحك لاتحسب الراحه=والاكل والنوم والمشرب
القبر مافيه طراحه=والاخرة نارها تشتب

مهما تردد معاي الحال=اظل صابر على المكتوب
وارضي لو ان الهموم ثقال=لعلها ماحيات ذنوب

لاتنتظر رزقك من الغير=اسعى على رزقك لاتفتر
الله رزق سحابات الطير=والحوت بالبحر واهل البر

شبابنا فيهم القدرة=لكن ماهم كما الشياب
لان ماعندهم خبره=للمعرفه كلهم طلاب

مرت لنا شهور وسنيني=والموت مبعدك عن دربي
وان كان غيبك عن عيني=لازلت موجود في قلبي