ديـوان الشاعر / نفاع محمد السهلي ابوفـــرح

ابوفرح=
للمقرح عيون وسموعي = يوميبها وقت غاراته
ولسان ماهو بمقطوعي = يشرح اساه ومعاناته
صقر المقرح=
لك صوت بلحيل مسموعي= عند الذي مابك اغباته
أخوك لا صار ملسوعي= تعجبْك فالحرب صولاته
ابوفرح=
لـيـتــك تـعـقــب فـمـوضـوعـي=وتجـيـبـلـي وصــــف حــالاتــه
اصـبـح فــؤادي مـاهــو طـوعــي=يمـشـي بـعـكـس اتجـاهـاتـه
صقر المقرح=
ياكم من الود موجوعي= ضيع معه جُل اوقاته
لا يملك اخيار لرجوعي= ولا هو محقق لغاياته
ابوفرح=
تشهد على قلبي ضلوعي = لوتوصف الوضع واهاته
شوقي مع الوجد ودموعي= جميعها فا الأسر جاته
صقر المقرح=
داخل مع الود مشروعي= ومدوّخك في ملفاته
خلك محنّك وموضوعي= حللْه واتقن حساباته
ابوفرح=
لحست من حسرتي كوعي = من بعد ناتج قراراته
اسايره واعلن خضوعي = والا على الله مشكاته
صقر المقرح=
دامـــك مـــن الــريــم مـخـدوعــي=ولا فـــــي أمـــــل بـمـحـاكـاتــه
لا صـــــار مـافــيــه مـنـفــوعــي=عِـــدّه قــضــى وادفــــن رفــاتــه

ابوفرح=
جينا نهنيك يالبحار=وجينا نهني ابوحامد
اثنينكم تشعلون النار=والكل في مركزه قايد
ابوحامد=
يا مرحبا هلت الأنـوار=بالصاحب اللي لنا عايد
اليوم لو تدري اللي صار=إنك على خاطـري وارد
البحار خالد=
ترحيب ياعالي المقدار=ياللي لنا دائماً رايـد
بقدومكم ننثر الأزهار=وتقديركم عندنا زايـد

يانفس غرك ربيع العمـر=والوقت محسوب فايامـك
خوفي صروف الدهر لاتمر=ويضيع باقي من احلامـك

ابوفرح=
جينا نهني بيوم العيـد=ونقول ياالله تعيده دوم
فرح وسعاده سناها يقيد=لقلوب فيها الوفا معلوم
بيان الصمت=
للعيد فرحة بكل تأكيـد=يا راقي القيل والمفهوم
يعطيك ربي الهنا ويزيد=يامن بشوفه فرحنا يدوم

ابوفرح=
اشوف سالم فوسط النيل=عايم وعينه على دجله
وانا من الطيب والتكميل=بوثق القيد فـي رجلـه
سالم البشري=
عوام سالم وشـد الحيـل=في خطه اللي مبرمج له
مايـرده القـيـد والتقفـيـل=عن الهدف والعنا لاجله
ابوفرح=
ماقول في قولكم تضليل=واضح ولاابغى امنتجله
مير ابرهه يوم قاد الفيل=ربـك ابابيـل عرجلـه
سالم البشري=
في دربنا مايجـي تبديـل=اللـي يبينـا ندرّجـلـه
وانته تحرى المطر والسيل=والنـو غيـرك مخرجلـه

ابوفرح=
برق المحبه اشوفه ناض=واعلن تباشير وافراحي
مبروك والله يابو فياض=جعله لكم ذخروسلاحـي
صقر المقرح=
جـيـنـا نـبــارك لـبـوفـيـاض=بـقـدوم غـالـي ومصـبـاحـي
جعْله لطول الصبر معواض=وبقدومـه النـفـس ترتـاحـي
ابوفياض النويمي=
فياض قلبي نهر جد فاض=ماهـو لـشـرواك نطـاحـي
بكره يجيكم بحسن الفاض=يالله عسى القلب نصاحـي
بيان الصمت=
ولد مبارك يا ابو فيـاض=نور الفرح جلل اصباحي
والخير مـن ربنـا فيـاض=ويزيدك من النعم وارباح
خالد البحار=
الخير جاكم نهر فيـاض=يضوي على كل مسراحي
يسندك لا قرب المهياض=ويخلد الأسـم لبناخـي
مانع الجابري=
يســتاهــل الخــيرابو فيـاض =من المساء لين الاصباحي
يـوضـي كـما بــارقـه لـناض =حوُل على الضلع وبراحي

شوف القوافي تباهى فيـك=ياسيد الحـرف مـن قـدك
الله عسـى ربنـا يحميـك=ولااشوف انا الدمع في خدك

ابوفـــرح

اسدل جفون الغرام ونام=لايشغل الناس تفكيـرك
الله وهبك الجمال وسام=ماظن لاااايق على غيرك

صــوت وصـــدى


ابوفـــرح

ذاب الندى في دلال الورد=وارخى جبينه على متونه
يمسح دموعه بكف اليـد=ويقول حسبي على عيونه

صقر المقرح

للورد لون وسحر بالخد=يـوهـق الـلـي يعرفـونـه
ويوم الندى لامسـه اكّـد=انه مايقـدر علـى فنونـه

ابوفرح=
المغرم اللي فليله تاه=يتبع رجا حظه العاثر
منهو يرده ومن ينهاه=لاسار غلطان ويكابر
صقر المقرح=
كـلٍ يطـارد ورا رجــواه=ويرتـجـي ربــه الـقــادر
كود البَخَت يبتسم لاجاه=ويـردّه الـوقـت فـالآخـر
ابوفرح=
ليتـك تعمقـت فالمأسـاه=وتشوف كيف الوضع صاير
عصفورنا اول على مبـداه=واليوم عصفورنـا طايـر
صقر المقرح=
يحتاج له وقت ومداراه=مـادام جـاه العنـا غايـر
كـلٍ يغـنّـي عـلـى لـيـلاه=ويعود من بعدها حايـر
ابوفرح=
ماظن للي غدا منجـاه=ان كان مااخلف الساير
الله يعينه على بلـواه=مايدري ان الزمن جاير
صقر المقرح=
لاصار حافه أمر واغواه=واشتم من عطره البايـر
حكيـم ، بالعـقـل يتـفـاداه=ويطيب من جرحه الثاير
ابوفرح=
العقـل ولا وزل سـراه=داير عليه الوهـم دايـر
عطني قرارك وحط مضاه=دمي عليهم غـدا فايـر
صقر المقرح=
لا تشغل البال فيما جـاه=دام الفكـر حالـه مغـايـر
إدعي عسا ينقذه مـولاه=وخلك معه طيّب امساير