ديوان الشاعر سالم البشري

سالم البشري=
قلبي وقف في مهب الريح= في يوم هبت به الحايه
كل مامشاله قليل يطيح=قدام لاياصل الغايه
الصييفي=
ما فيه واحد يعيش مريح= لو يلبس السيف و الصاية
المشكلة ما هنا تشليح=و كلّ(ن) يبي يرفع الراية
سالم البشري=
هيا استمع وافر التوضيح=خل القطع عنده كفايه
لو يلتقي له طبيب يبيح=يلقى بعد طيحته عنايه
سالم اليشري =
وترحيب برد الشاعر ابن خيرالله=
مشكور ونقول حيا الله=رديةٍ مالها توصيف
يسلم لنا ابن خيرالله=ومروركم زادنا تشريف
سالم البشري =
وترحيب بالشاعر بيان الصمت=
الله يسلمك ياابرهيم=وتدوم ياراعي الواجب
فحضوركم حايز التكريم=والسبعة انعام يالصاحب

سالم البشري=
ســلام سـالـم ومـعــذاره=ياملتـقـى حــرب والتقـديـر
من صافـي الطيـب وا زهـاره=يبغى السموحه على التأخير
ابوفياض=
ترحـيـب غـايـب بحـضـاره=ياللـي حضرتـو بـلا تقصيـر
الملتـقـى هـلـت انـــواره=والعذر مقبـول بالتقريـر
سالم=
عسى البقا واسمع أخباره= وارجوك توك عليه شير
قلب العنا صادف أخطاره=واشغللي البال بالتفكير
لافي=
يـــا مـرحـبـا هـيــل مـــدراره=ترحـيـب مــن صـــادق التعـبـيـر
والـذيــب لا غـــاب عــــن داره=لابــد مــا يـبـدي التـبـريـر
سالم البشري=
للملتقى وكل شعاره=عسا البقا والجميع بخير
مايدري إنه قبل زاره=يامن يبا يسمع التحرير
لافي=
يــا سـالــم الـنـفـس أمـــاره=حــذراك قـبـل المسـيـر تـسـيـر
ومــــــا دام الأيــــــام دواره=الله ليـا مــا أُستـخـار يخـيـر
سالم البشري=
أعطاك يالافي أخباره=ماوده إن النفوس تحير
وان كان لك نفس فالداره= ذالحين معكم ندق الزير
لافي=
ماني عمى ارعي الشارة=وبين العرب قيده وآمير
وخل الحطب تشتعل ناره= واللي يركب جناح يطير
سالم البشري=
ونعم واعدك من كباره=هني وهناك لك تدبير
وانا معك رافع شعاره=وقدامنا مايطير الطير

سلام وافي فميقافي=تقدير تثمين للوافين
ضافي للاعيان ينشافي=والطيب مهدين للغالين

سالم البشري=
سلام منطوق ومترجم=من بال صافي لأهل القيل
بحروف مكتوب فالمعجم=باسمي على النت والإيميل
مرسول لرموز كالأنجم=مع وافر الود والتبجيل
كيف أصبح الكنز والمنجم=أحلام مثل الخيال تزيل
الصييفي=
يا مرحبا فيك يا مسلم= ترحيبة(ن) ما تبي تعليل
عساك يا صاحبي تسلم= من حملة الغش و التضليل
مرسولكم وصل، و انت أعلم= باللي حصل ساعة التخليل
الكنز ر اح بمساً أظلم= باقوه، ويرددوا التهليل
سالم البشري=
عسا البقا وكلكم ونعم=نفرحبكم يارجال القيل
من شارك أمثالكم يغنم=الطيب يلقى مع التكميل
وللآن مقصودنا ماتم=يامباشر القيل بالتحليل
العرف مطلب لنا منهم=اللي نظرنا لهم بالحيل

بحر الكسرة=
سلام رده علـى الشعـار=اللي لهم فالشعـر تاريـخ
يا حرب نسلك من الاحرار=ذكرك علا واعتلا المريخ
**********=
سالم البشري=
ترحيب ونوفـّي المقـدار=لضيوفنا والوفا مايشيـخ
ويبقى الوفا للحروب شعار=سالم من الذم والتوبيـخ

بن وازن=
فالعين يا عبرتـي جمـره=جف الجفن من لهيب جفاك
نور انكسر بالوصل جبـره=اطفي لهيب الجمر برضاك
*********=
سالم البشري=
سلمت ياشاعر الخبره=رقيت بالقيل من مبداك
وماتلام لو هلّت العبره=أكيد هذاالجفا عنّـاك

وين القلم باكتب الأبيات = وارسم معاني على بالي
واسايل اللي لهم خبرات = والقى إجابه على سؤالي
قابل البشري=
يابادع القيل عطنا هات = أبيات من زين الامثالي
حنا المسايل لنا لاجات = تلقى الإجابات طوالي
سالم البشري=
من بعد ماكثرت الآهات = والروح والقلب فجدالي
أصبحت في ساحة الأزمات = قاسي ولاحن من حالي
قابل البشري=
خلك من الماضي اللي فات = واحسب حسابك من التالي
واللي يدور على الراحات = لابد مايدفع الغالي
سالم البشري=
اللي معي داخل الحسبات = مايروح فقفاي وقبالي
سبب ألم في صميم الذات = رافع لي الضغط فالعالي
قابل البشري=
الصبر للمبتلى منجات= وماجور في كل الاحوالي
عليك تدمح له السيات = وتمشي مع الدرب لو طالي

سالم البشري=
تاه الفكر في خليج الود=زاد المتاهات موجاته
الله حسيب الذي بالصد=زود لقلبي معاناته
صالح الجحدلي=
إن كان فالود مالك يد=أخير تقصر مسافاته
ولاّ اتبعه بالنظر من بعد= يكفيك فالناس لوعاته
سالم البشري=
بس الذي لاح لي بالورد=ووزع عليه ابتساماته
ويومٍ شبكني قلب بالضد=كيف المدى في مجاراته
صالح الجحدلي=
ارم الهدف في بحور الهند=قدام تنشر دعاياته
مابغاك ياصاحبي تنحد=والعلم معروف شاراته
سالم البشري=
حظي وقع بين أخذ ورد=وأزريت أنهي مهماته
دام البحر فيه جزر ومد=لعل تهدا صراعاته
صالح الجحدلي=
الحب يبقى وثيق السد=حتى تقوى مكاناته
بحر الهوى صح ماله حد=وين اللي يسبح فغباته

سالم مع الجحدلي ريان = من تو في ملتقى الكسره
ماحدن لفاهم من الأخوان = وغيابهم زود الحسره

سالم البشري=
سلام يالافي الوافي = فالقيل باخذ معك واعطي
آبشتكي لك من الخافي = اللي معي واعرف المخطي
لافي=
ترحيب مكتوب من لافي=حبره ذهب يبعثه خطي
يا سالم إش عكر الصافي=قريب وألا معك مبطي
سالم البشري=
اللي رقى عالي ضفافي = واستملك لجزء من شطي
أبحر وروّح بمجدافي = خلاني آشيل واحطّي