ليلة صفا

حبيت اشارك بقصيده غزليه من نسج الخيال
واسمحوا لي ادا قصرت،،،،

ليلة البارح مزاجي صافيٍ لي ماتعكر= ليلةٍ صفوه وصافي جوها واصفى قمرها
ليلةٍ لمت غرامي بعد ماراح وتنثر= وشتت هم الحبيب اللي محبتنا نثرها
وابتدافي الغرام يعيد نفسه ويتعسكر= يبعد الاحزان وافكار السعاده يحتضرها
وزاد فالقلب الامل حتى مللك جوي وسيطر=وقام يوحي لي بفرحه مقبله وانا انتظرها
ولادريت الا بدق الباب قلت الله يستر= ليتها فرحه سعيده فليلةٍ محلا سمرها
ثم الباب وان الريح نسناسه معطر= واثرها نفحة حياتي روحها وفوحة زهرها
بس طلت لي بدمعٍ هلته كالغيث لمطر= كل دمعه تنطق الآهات وترسم لي صورها
قلت لاياروح روحي ياعسى ماجالك الشر= ليه؟ دمعك تنثرينه من عيون اعشق نظرها
واسمحي لي ياحياتي لاتهلي دمعك اكثر= خايفٍ كثرت دموعك ترسم فخدك اثرها
واسرعي بالعلم كله لجل انا قلبي تخدر= لوتأخرتي دقييقه اعلنت روحي سفرها
قالت امس حلمت بانك في سفينه وتبختر= وانت ربان السفينه واغرقتم في بحرها
وصرت اصارخ مابيدي حيلةٍ غير اتنظر= لين شفتك فوق حوته ابحرت وانت فظهرها
وقمت من نومي اصيح اقول ابي حلمي يفسر= واخبروني بانها بنت بجمال الله بهرها
تاخدك مني وتترك حبنا دون اتعدر= وآآه لوشفت السعاده غامرتك وهي غمرها
وخايفه هالحلم يوقع لجل انا حلمي تعبر= وخايفه بان المفارق الشهر هدا شهرها
وابتسمت اقول قولي من على مثلك تكبر= وينه اللي حب مثلكياحياتي ثم هجرها
ياحياتي كل شيٍ فيك لاهل الحب يسحر= والهوى نفسه وصوفك يعلم الله ماحصرها
وصدقيني دمعك العابر حلاته طعم سكر= وبسمتك عينن رأتها ولل يامطول سهرها
ولمستك تبري جروحٍٍ منها الدم يتخثر= ونظرتك تشفي قلوبٍ مالقوا طب لضررها
وانت مامثلك رأيت ولا سمعت ولااتصور= وحالفه عيني لغيرك مايقديني بصرها
ولو طلبتيني فأقصى الكون جيتك ماتأخر= لجل انا فيه محبه ماحد قدامي دكرها
في غرامي مالحق معيه ولد شداد عنتر= ولو درى بوصفك وزينك دك عبله في نحرها
ولو درى قيس المهول عن وصوفك وبتدبر= كان اخد ليلى فحرالشمس عالصحرا ودهرها
وقام يامرها تحفر القبر يظرب ويتأمر= ولنتهت يرمي بها فالقبر حيه ثم قبرها
وكل هدا بقدر بفرقاك لاوالله ماقدر= لا وربي لو بحور الارض جفت مع نهرها

.
.
.
.
الله الله على الإبداع

صح لسانك أخوي/ ماهر بن مبروك العصلاني على هذه الدرر

ممكن سؤال .....؟
هل أنت أبن الشاعر الكبير / مبروك أبو ناب

صح لسانك والله يعطيك العافيه خيال رائع وقلم.....

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداع

راعي الحناكيه

صح الله لسانك وبيض الله وجهك

مافيها كلام وافيه من وافي

كل عام وانت بخير

تحياتي

صح لسانك

ابيات رائعه كما عودتنا

تقديري

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

,
,
,

صح لسانك وعلا شانك

والله يعطيك العافيه على القصيده الجزله

بيض الله وجهك

مع التحيه

صح الله السانك


قصيدة عانقة السماء بجزالتها وأبداعها

تحياتي لك

صح لسانك

قصيده رائعه