ياصاحبي لاتنشد القلب وشفيه

ياصاحبي لاتنشد القلب وشفيه=خله يشيل الهم فوق الهمومي
القلب مل ومابقى شي يعطيه=شاف الحلوم وعاش وسط الحلومي
والعمر يمشي والليالي تباريه=والوقت قاسي والرخاء مايدومي
الجادل اللي عذب القلب طاريه=صبري علي فرقاه فوق اللزومي
طيفه معي بداخل القلب ماليه=داخل بحور القلب طيفه يعومي
ساكن سماه ومرتكي في موانيه=يامر وينهي بالغلا والسلومي
حالت ظروف الوقت والعين ترجيه=ترجى وصاله كل ليله ويومي
سبحان من حط الدلع والحلافيه=لاصاريمشي جعل حظه يقومي
مشي الغزال اللي تساوت خطاويه=ولا لد عينه مثل حر(ن)صرومي
شاف القنص ولد عينه حراويه=ولاجات فمه خاتم(ن)ومختومي
ريح الزهر والمسك والفل حاويه=والشعر مثل الليل وقت الغيومي
يضفي على متنه ويعجب محبيه=والصدر فيه الطلع وسط الهدومي
طلع العنب بصافي النبع مرويه=والخصر ضامر مثل قوس السهومي
زاد الحلا في وقفته من يجاريه=معيار حبـــــه معتلي للنــــجومي
أسوق روحي للغضي من فداويه=تعجز بيوت الشعر وصف الحلومي

صح لسانك وسلم بنانك



قصيدة رائعه بروعة حضورك



لك تقديري

قصيدة كلها عذوبه وجزاله ..

ومساحة للجزالة هنااا

صح لسانك يالذيب وسلم فكرك

دمت

صح لسااااانك ياحمود وبيض الله وجهك

مع ارق تحيه يا الغالي

صح الله لسااانك



شاعر يعجز اللسان عن وصفه وعن مدى خياله الواسع



ابيات سلسه وجزله من جزالة قائلهاا



لله درك

صح لسانك واعتلى شانك وبيض الله وجهك ...
يعطيك العافيه ... على القصيدة الرائعه....
لا عدمنـــاكـ وننتظر جديدك....
اخيك ابوروان

الله يـعـطـيـك الـعـافيـــــــــــة على القصيده وصح لسانك مليون
بيض الله وجهك

صح بنك يابو روان ونشكرك على مرورك

صح لسانك اخوي حمود الجابري

وحياك الله بين ربعك

جميل ما قرأته هنا

واحييك على هالابداع

وننتظر جديدك

يعطيك العافيه ياعامر العوفي
على الأطراء .ومافيها شكوك طال عمرك