ديوان الشاعر حمدان دراج القايدي

ياليت ذيك الليالي تعود = ويعود عهد مضى فيها
دف الشريعه عليه وفود = ام الدرج في حواشيها
شعب عليه السلام يسود = وقلوب تسمع تناجيها
الشاعر محمد بدين القايدي=
مابينهم فالمكان حدود = قلوب محلى تصافيها
الحب مابينهم موجود = ماعكر الطين صافيها
ليت الليالي هذيك تجود = ويرجع لنا حلو ماضيها
حمدان القايدي=

سويقه جمالك بدالي غير = يامحلا العيش في ربوعك
زاد الحلى والبهاء والخير = لما جرى الماء في عيونك
رفرف علا في سماكي الطير = محلى القنو مال بغصونك
في أحلى جلسه ضحى وعصير = لاشي يبقى من همومك

أشكي لكم حالة المسكين = اللي له سنين متعني
رغم الألم ماتركني سنين = صابر على حالي مستني

جميل وفاتن وباهي الخد = حبيب دايم مسليني
دايم معي دايما في ود = لو راح منهو يواسيني

ساكن معي داخل فقلبي = محبوس طابع عليه الباب
مزيون ياناس في قربي = محتار في غيبته لو غاب

كل مالتأم جرحي قلت ارتحت = مير البلى عادلي ثاني
حاولت أداويه ماستسلمت = عند ولا طاب واشقاني

جرحت قلبي لمين أشكي = يازين ماستحمل غيابك
في غاية النوم صرت أبكي = عذاب قلبي باسبابك

أسهر مع الليل والنجمه = أقاسي الشوق والأحزان
غابت عن شفاتي البسمه = واسبابها مفارق الخلان

درست لجلك فنون الحب = لكن خساره عجزت أفهم
لاجيت شرقك تجيني غرب = وشهو غرامك عشان أهتم

نظرة عيونه رمتني بسهم = صاب الحشا وانغرز جوه
باغي طبيب الهوى والفهم = يخرج لي السهم بالقوه