العيـد ماهـو عيـد والغـايـب ( أمــي )

لا والله الا عــــيــــدّوا يـــالاجـــاويـــد
واستانـسـوا والعـيـد مـاهـوب هـمــي


الله يـعـيــده كـــــل عـــــام وتــراديـــد
وانـتـم بـخـيـر ولا احـــد ٍ يـلــد يـمــي


والله مــا احــس بـلـذة العـيـد فالـعـيـد
مــن يــوم رب البـيـت ماغـيّـب أمـــي


وش لون ابضحك فيه من غير تحديد
وانـا مـا اقــول لجـنـة الـوقـت سـمـي


ودعـــت وجـــه ٍ جمـلّـتـه التـجـاعـيـد
وقبلـتـهـا واشـتـلـت هــمــي وغــمــي


وجـرّيـت خطـواتـي واجـــر التنـاهـيـد
ودمـع الحـزن مغـرق عيونـي وكمـي


ميـر اضحكـوا واستانسـوا بالاجاويـد
العيـد ماهـو عيـد والغـايـب ( أمــي )


ابــــــــوفـــــــــواز الــــنــــويــــمـــــي

صح الله لسانك يابوفواز
ولاهنت
وسلم فكرك وبنانك وسلمت على النقل
دمت برعاية الله وحفظة

السلام عليكم ورحمة الله وبركاته
سلمت ودمت على النقل أخوي وصح لسان الشاعر ابوفواز على الابيات.
.
.
جزله ورائعه وصح لسانك
أخوك ابوساره

الله يرحمها ويرحم اموات المسلمين
تسلم على النقل مشاء الله على قلبك النظيف الوافي ❤️
صح لسان الشاعر ابو فواز النويمي

تسلم ولاهنت على النقل الجيد
وصح السان الشاعرالمبدع

الله يرحمها ويسكنها الفردوس الاعلى من الجنة
قصيدة مؤثرة جدا جدا
الله يلهمكم الصبر والسلوان ويعظم لكم الاجر والمثوبة
صح السانك ابو فواز
سلمت يمينك الحب الباقي

صح الله السانك


قصيدة عانقة السماء بجزالتها وأبداعها

تحياتي لك

الله يـعـطـيـكم الـعـافيـــــــــــة على المرور
بيض الله وجيهكم