عتيبه عتيبه نار فوق العلم بالكار ؛:؛:؛:؛:؛:؛:؛:؛:؛

السلام عليكم


قصيدتي في حفل أبناء الشيخ مطلق العصيمي رحمع الله في قصر ماسا بالعوالي


العنوان :

((عتيبه عتيبه نار فوق العلم بالكار ))


بقلم / فواز بن محسن الزويهري الحربي
🍂🍂🍂🍂🍂🍂🍂🍂


قصيدي كما حرٍ شهر في سماه وطار
يدور على النُّدر الفرايد سِمِين الصيد

مضرا على الكايد على دربة الصقّار
فلا له على الهزلة ولا فالجحاير فيد

ترقب خشيف الريم حتى عليه اغتار
ظفر بالجزيلة والصقاقير له بتشيد

حضرنا حلال العز نوفي مع الأحرار
رجال المواقف لصعيبات دوم تبيد

عتيبه عتيبه نار فوق العلم بالكار
فعولٍ صريَّه فعل ما يطلب التأكيد

قرى الضيف فوقه والعدو بشّره بالنار
هذولا ... عتيبه فزعة الصايح بتأييد

رجال المروة والفتوة هل الاشوار
رجال الشرعية نصرة الحاكم الصنديد

هل الدعوة السمحة ليا عِدُو الاخيار
جنود الرسالة وسيفها الباتر القديد

وحيَّ العصيمي منُّهم والفعول امهار
رجال الصدارة والأمارة أسود البيد

مهور القبايل عزها فالرجال يدار
وأخذ قسمه الوافر ولد عاصم بتمجيد

حلال المفاخر باهلها والحضور انوار
شهدنا شهادة حق ليل الفرح كالعيد

وأنا ابارك لمقبول جعل القبول ازهار
يبارك لك المولى ومن خيره إلك يزيد

ولد شيخ بشته فعل ..مطلق طويل اشبار
دوا العلة وسم الخصم للرزيا قيد

عياله نمارة فالمعالي كالنجوم اتشار
موارد روا الضامي ومن راد له تحميد

وطيب الولد قالوا من الخال له مقدار
ومنهو خواله حرب .. يرقا علو الحيد

وأقوله وأنا الحربي كما شمس للامصار
شروقي على البيدا حيا واعلن التجديد

سما العز حرب الفحر هم هيبة الاعصار
ذرا الذاري سيوف بلقاها لها تفنيد

ومن يطلب الموجز عبر نشرة الاخبار
أقول استمع وافهم وماعاد له بنعيد

ذهبنا لمن يعرف على وزنته مسعار
فلا نفرط بقيراطه لجاهلٍ عربيد

وصلوا على أحمد سيدي الهادي المختار
عداد النجوم الساهرة ورددوا التوحيد


🌿🌿🌿🌿🌿🌿🌿

صح السانك وبيض الله وجهك

	المشاركة الأصلية كتبت بواسطة نديم المجرة

	صح السانك وبيض الله وجهك

صح بدنك وسلم غاليك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله لسانك
ولاهنت