بدع ومراديد ...

ابومبارك اليوبي=
سلام واسأل جويد الخال=اللي على النايفه مرقاه
كيف السويه مع المحتال=لو هو تستر بدين الله
المراديد=
ابوسالم الرحال=
يامرحبا من صفات البال=باللى سأل عن امر يخفاه
خذلك إفاده من الرحال=من خان دينه ماحد يبغاه
الطواف=
يامرحبا واحذر الحيّال = لاتحط يمناك في يمناه
يستعمل المنهج البطال = ومن غشنا ينكره ملقاه
تركي البشري=
يامرحبا ياسليل ابطال=مانزود..عنكم عليم الله
حاول تجنبه واحد ضال=لو امهله ماهمله مولاه
ابوذياب=
يامرحبا والرجال أبطال=هذاك ناقص حسب مبداه
مجرم يعُاقب على الافعال = يلقى جزاته فيما سواه
ياسيدي زمانين=
يامرحبا والحقيقه تقال = عن الذي غرته دنياه
وشوه الزين بالبطال = احذر منه واتركه لمولاه
النصايف=
ترحيب لاهل الوفا مدهال = واسمع جوابي فيما تعناه
الزيف والغش فالرّجال = مااحد قبل فالعرب والاه
عبدالرحمن ابن عوده الصبحي=
يا مرحبا واسمع الامثال=يا معرب الجد عز وجاه
ما دام قلب المنافق ضال=لا بد ما تنكشف تقواه

كلام رايع
يسلم ذوقك

صح اللسانك على البدع الرائع يالغالي

وصحت اللسن الشعراء على مراديدهم الرائعة

صحت السنتكم
الله يعطيكم العافيه

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحــت السنتكــم
دمتم برعاية الله وحفظة

لله دركم وصحت السنتكم لهذا الابدااااااع
تقديري لكم

صحت الالسن
كسرررره لها بصمه بتاريخ الكسرااات وما استغربها من اهل القن والذوق

والردود وافيه من الكل

واسجل اعجااابي بالرد الاخير صرررررررررراحه
عبدالرحمن ابن عوده الصبحي
يــا مـرحـبـا واسـمــع الامـثــاليــا مـعـرب الـجـد عـــز وجـــاه
مــا دام قـلـب المـنـافـق ضـــاللا بــــد مــــا تـنـكـشـف تــقــواه

السلام عليكم ورحمة الله وبركاته
سلمتم ودمتم أخواني الشاعر ابومبارك اليوبي , على البدع والردود
.
.
جزله ورائعه وصحت السنتكم
أخوك ابوساره