على هداوه وقرت بال00 ابوفرح --- ابوعيد

ابوفرح=
على هداوه وقرت بال = وزنت قافي ومحرافي
واقول في طالع الاقوال = سلام يالشاعر الوافي
ابوعيد=
مع راحت البال واسعد حال = نبغى المثل من فكر صافي
منك احتري اعذب الامثال = ترحيب لاهل الوفا ضافي
ابوفرح=
حام النظر في سهل وجبال = ورده لمبداه ماشافي
ذا وقت فيه الحمول ثقال = ولاهو عليك الامر خافي
ابوعيد=
بعد النظر ماراء الاهوال = عن واقعه سار بخلافي
دايم0 لثقل الحمول رجال = مايثمنه غير عرافي
ابوفرح=
الجمه اللي على المدهال = غثرب صفى عدها السافي
اللي وردها بدون حبال = وش رايكم فيه ياسنافي
ابوعيد=
لنّ كان جمه على منهال = لو وردها عذب ينعافي
مثل الذي ينزل المسيال = ولاحسب حساب ياكافي
ابوفرح=
ماهي عوايدك يالنبال = تشت في رمي الاهدافي
عطني حكم ماعليه جدال = لاتجيب لي قول شفافي
ابوعيد=
من عادتي اوفي المكيال = ماحيد عن نهج الاسلافي
والحكم فاللي ورد فالحال = يفصّل له الراس سيافي

	ابداع ,, صحت السنكم وبيض الله وجيهكم وطول الله اعماركم اخوتي الكرام المستشار القدير والراقي والمتميز ( علي عيد البشري ) والمستشار القدير والراقي والمتميز ( ابو فرح ) شكري وبالغ تقديري

ابـــــــــــوعـــــــــــيـــــــــــد
دايم0 لثقـل الحمـول رجـال == مايـثـمـنـه غــيــر عــرافــي
ابــــــــــــــــوفـــــــــــــــــرح
عطنـي حكـم ماعليـه جـدال == لاتجيـب لــي قــول شفـافـي

الشكركم صراحه مبدعين في معنا الكلمه
والبيوت كلها وافيه بس انا عجبت في ها البيتي
لكم الشكر الجزيل والحترام